Forum-Haksesuk (FH). Mari Alkatiri han malu ho familia Lobato no Reis,tuir fonte nebe FH iha Dili. Hatutan fonte ne´e, hare deit tansaida maka nem José Lobato i nem Jose Reis tama lista kandidatu ba Legislativa loron 30 Fulan Junho mai ne.Tenik tan fonte ne´e, desentendimentu entre familia Lobato ho Mari Alkatiri maka ”Rogerio Tiago Lobato tama kadeia no kumpri pena tinan hitu ho balun,enquando Mari Alkatiri nudar autora moral no intelektual ba KPM (Krise Politika Militar) ne´e livre no prepara ona dalan ba sai kandidatu ba PM Timor Leste husi periudo 2007/12. Familia Lobato senti katak Mari Alkatiri aproveite deit sira hodi hetan poder, ida ne´e maka Mari Alkatiri ninia ambisaun. Tamba ne´e maka Mari Alkatiri la hatama iha lista sira nebe maka pertence ba familia Lobato iha lista ba kandidatu ba eleisaun legislativa”. Husi familia Reis, ”tansa maka la hatama José Reis iha lista nebe iha posisaun legivel ka tama ba urutan 10 besar, neduni hamosu desentendimentu tamba Jose Reis la aceite se Mari Alkatiri hatama familia Arsenio Bano maka koloka iha nº. 3 ba lista kandidatu ba eleisaun legislativa. Tenik tan fonte ne´e, afinal se maka servisu liu ba Fretilin no Fretilin hetan votus barak liu iha eleisaun Presidencial maka husi Distritu tolu (3) nebe´e José Reis maka nudar Secretario Estado ba Regiaun I (Lospalos, Baucau i Viqueque) enquando Arsenio Bano nebe maka lakon dala rua iha Distrito Ambeno ba koloka kedan iha posisaun legivel iha 3ª posisaun”.
Desentendimentu seluk, hatama ema sira husi Renetil hanesan, Aniceto Guterres, Arsenio Bano no seluk tan iha posisaun legivel ka 10 besar, enquanto José Manuel Fernandes husi Ojetil la tama ba urutan 10 besar. Hare realidade Ojetil maka organizasaun base juventude nebe deklara an no suporta ba Fretilin.
Tuir fonte ne´e katak ”Mari Alkatiri mos oras ne´e prepara ona dalan ba jerasaun foun atu kaer Fretilin no Governo. Maibe jovens sira nebe iha kapacidade laos sira nebe hatene konta maka historia, neduni Mari Alkatiri mos prepara ona dalan ba jerasaun foun atu lidera Fretilin no kaer Governo”. (FH)
Istoria diak no furak tamba imaginasaun klean. Maibe dadus laiha, nomos Fretilin laos partido ida atu haré ba familia nia naran deit, sei haré uluk ba membro nia kapasidade.
ResponderEliminarNaikoli,
ResponderEliminarSe maka halo fali boatus ona dehan familia Lobato han malu ho Alkatiri?
Ami
defende Fretilin laos tamba atu sai membro parlamento ka naran tama iha
lista, maibe tamba Fretilin maka defende independensia hori uluk
kedas,
luta hodi liberta povo Timor. Se ita hanoin deit dehan defende partidu
ida
tamba hodi hetan deit kadeira, entaun ita nia loyalitas ba partidu ne'e
namlele e la dura.
Adeus,
Leoniza
Fonte:Forum-loriku@yahoogroups.com
KOMENTARIU:
ResponderEliminarBA Belun Letomau ho Bin ka alin Feton Leoniza Lobato ninia hanoin.
Maluk nain rua nia hanoin ne bele dehan katak hanesan deit,la bele kahur buat familia ho buat konaba Partido. Ne hanoin maluk sira nian ita tenke respeitu,maske opiniaun ne relativu deit.
Familia ne mos faktor importante ida,tamba base ba sociedade no Estado maka Familia,neduni ita waihira koalia sociedade no estado labele mos ignora Familia.
Tamba saida maka Familia Lobato ho Reis (Vicente Reis Sahe) ne´e importante ba historia Timor-Leste Contemporaneo.Tansaida maka mosu instituisaun sira balun hodi hanaran Sahe,mosu dalan hodi fo naran Nicolau Lobato.Tamba sira nia naran bot duni ba historia Timor nian,laos Fretilin deit maibe ba Rai Timor Tomak.
Aproveitamento Politika iha kontextu sira ne´e,Mari Alkatiri (MA) iha ninia diskursu nudar bot Fretilin nian iha okasiaun hotu-hotu,sempre invoca ba naran lideres historika Fretilin no Timor nian. Husu ba maluk nain rua,nusa maka MA nebe uluk iha liur hare malu ho Rogerio Lobato (RL) hanesan «Busa ho Laho» nusa maka iha 2000/2001 derepente deit MA hakbesik ba RL?Tansaida maka José Reis nebe iha kongresso extraordinario Fretilin iha Abril 2000 kritika makas ba Liderança MA nian no iha iha kongresso 2001 MA hit ba sai nudar Adjunto-Sekjen Fretilin?
Hare ba faktor familia no naran bot Lobato no Reis mos kontribuio ba jogada MA nian ne´e,oinsa maka hetan suporto husi Base Fretilin tamba apelidu rua ne´e mos importante ba historia Fretilin nian.
Ba feton Leoniza,problema iha ka la iha entre familia sira ho MA, la hatene.TUir Leoniza la iha buat ida,maibe hau mos hatene tamba hatene maluk balun mos iha ligasaun laos besik liu ba familia Lobato ho reis maibe hatene witoan konaba konflik nebe iha duni.
Se dehan la iha problema entre Familia Lobato ho Familia Reis,bele dehan katak buat ida utopia karik maka dehan la iha problema.Se iha uma laran deit mos entre maun alin iha problema,saida tan waihira koalia ona konaba ba Partido,koalia partido ne´e implika ba Poder.Poder ne´e corupto tamba nia corompe.Sira nebe maka hakarak mantem estatutos quo sempre buka maka aliança estrategica no la iha aliança ida permanente,interesse maka defini estrategia politika. Baseia ba logika natureza poder ne´e maka «reafirma tese katak iha duni han malu entre familia Lobato no Reis».
António Ramos Naikoli