TIMOR LOROSAE: ELEISAUN BA PREZIDENTI 2007
FRETILIN Bele Lakon Iha Eleisaun Juino Se Nia Kandidatu LUOLO La Manan Iha Primeira Volta
Tuir ita hotu hatene, iha Eleisaun ba Asembleia Konstiuinte 2001, tuir hikas mai, iha 2002, Asembleia ne'e, envez de hotu/lakon tiha, sai fali Parlamentu Nasional, FRETILIN manan ho 57%, eleje/foti 55 deputadus, hetan maoria absoluta, no mesak, forma gubernu ho naran "GUBERNU INKLUZAUN".
Se iha Eleisaun ba Prezidenti, loron 9, fulan Abril mai, Povu la fo votus naton ba kandidatu ida atu bele manan iha PRIMEIRA VOLTA, mezmu ke LUOLO hela iha oin (primeiru lugar), rezultadu ne'e so bele atudu buat ida: Lakon/Derrota bot ida ba LUOLO/MARI no ba Partidu FRETILIN. Leitura ida ne'e manan forsa liu tan bainhira Parlamentu fo bensaun ba proposta FRETILIN nian rasik atu Kandidatus sira uza simbolu no bandeira partidu ida-idak nian iha kampaina. Hanesan ne'e, povu bainhira vota, la'os hare'e deit ba kandidatu nia a'ann, maibe'e hare'e mos ba Partidu nebe'e maka kandidatu ne'e reprezenta.
Lakon bot ida ne'e, se tetun dia-diak, sei iha konsekuensia todan no la-diak ba FRETILIN, iha Eleisaun ba Parlamentu tuir mai, se ULUN FRETILIN sira la-kohi muda buat ida iha Partidu ida ne'e nia laran, antes eleisaun importante ba hili segundu gubernu RDTL nian, monu iha loron 30, fulan Juinu mai. Tanba rezultadu ida hanesan ne'e, se sukat/kompara ho rezultadu Asembleia Konstituinte 2001, bele hatudu katak apoiu nebe'e maka populasaun fo ba FRETILIN, iha 2001 (57%), oras ne'e, tun liu, tanba la to mos 50%. Ne'e, hatudu katak, iha SEGUNDA VOLTA, atu halakon LUOLO, basta deit Kandidatus sira seluk nebe'e maka la liu ba SEGUNDA VOLTA, hamutuk ho kandidatu nebe'e maka ba hosoru LUOLO, hodi bele hetan votus naton, ou liu, para manan.
FRETILIN Atu Manan Iha Eleisaun Ba Parlamentu Fulan Juinu Mai, Nia ULUN Sira Tenki Fo Fatin Ba Seluk, Se LUOLO La Manan Iha Eleisaun Ba Prezidente Oin Mai
Tuir Partidu naran ida, iha liur, liu-liu iha Europa, bainhira mosu situasaun ida hanesan ne'e, so iha dalan ida deit atu bele tuir: ULUN sira ke kaer destinu FRETILIN nian dau-dauk, tenki rasik mak sente hanesan, nesesidade ida ou mezmu obrigasaun-moral, konvoka Kongresu Estraordinariu ida, hodi tau sira nia fatin, nudar ULUN, ba konsidersaun militantes ke foti sira. Se LUOLO la manan iha PRIMEIRA VOLTA, ne'e hatudu katak Povu, kontrariu iha 2001, barak liu maka la fiar ona ULUN sira nebe'e kaer distinu FRETILIN nian to oras ne'e. Nune'e duni, urzenti troka ULUN sira ne'e, atu nune'e, Partidu ne'e, bele hetan forsa no moral, hodi bele rekupera fila-fali votus nia-nian iha Eleisaun ba Parlamentu oin mai. Se ULUN FRETILIN sira la hanoin muda buat ida, iha Partidu ida ne'e nia laran, liu husi Kongresu Estraordinariu ida, antes Eleisaun ba Parlamentu oin mai, kazu LUOLO la manan, ba Povu Timor Lorosae, liu-liu, militantes no apoaiantes FRETILIN nian, só iha signifikadu/leitura ida: Ba ULUN sira ne'e, Partidu FRETILIN bele mout, basta sira maka labele mout, tanba ULUN sira ne'e rasik hatene/konsiente katak sira so bele MORIS/SOBREVIVE iha FRETILIN nia mahon. Sai husi DIRESAUN FRETILIN, ba ULUN sira ne'e, hanesan IKAN sai husi be-laran. Ida ne'e lao's kolia ho lia a'at ou insultus, maibe'e koalia ho lia lo'os iha politika. Ate'e hau ba liu-tan, se mezmu ke Luolo manan ba Prezidnte, no ikus mai, FRETILIN manan iha Eleisaun ba Parlamentu/Gubernu, ESTABILIDADE so bele hetan fila-fali, se ULUN sira nebe'e tur iha diresaun FRETILIN nian, iha HARAIK-AN/HUMILDADE hodi husik sira nia fatin ba seluk, tanba tuir hau nia hanoin, POVU VOTA BA FRETILIN LA HANESAN HAKARAK NAFATIN HARE'E ULUN SIRA NE'E KAER NAFATIN DISTINU TIMOR NIAN.
Alias, se ita hare'e dia-diak, husi krizi mosu, hahu husi Gubernu Inkluzaun Alkatiri ke, iha tempu lo'los/propriu, la hatene tesi lia mosu iha FDTL, liu husi akuzasaun ba Sekretariu-Jeral Fretilin Mari Alkatiri kona ba FAHE KILAT, to iha nia demisaun husi Primeiru Ministru, liu husi demisaun nab-naban membrus Gubernu Inkluzaun Alkatiri, to iha envolvimentu Visi-Prezidenti FRETILIN, Rogério Lobatu, iha FAHE KILAT, ikus mai, provadu iha Tribunal, iha primeiru julgamentu dau-dauk liu ba ne'e, labele fo razaun atu ULUN sira ne'e kontinua kaer nafatin destinu FRETILIN nian.
Militantes Fretilin Nebe'e Maka Halo Parte GRUPU-MUDANSA, Bele Sira Nia Futuru La-liu Tan Husi FRETILN
Hahu husi apoiu GRUPU-MUDANSA ba kandidatura Ramos Horta ba Prezidente, to oras ne'e, militantes no apoiantes FRETILIN sira nebe'e ke la kontenti ho lideransa LUOLO/ALKATIRI, komesa la komprende lo'los saída maka ULUN GRUPU-MUDANSA sira hakarak. Tuir ita hotu hatene nanis, Ramos Horta sempre halo parte Gubernu Inkluzaun Alkatiri i, bainhira krizi mosu, FRETILIN rasik maka fo, alein de naran seluk, Ramos Horta nia naran, ba Prezidente Xanana Gusmão atu hodi troka Mari Alkatiri husi Primeiru Ministru, bainhira ida ne'e husu demisaun. Hahu iha ne'e, Ramos Horta komesa buka halo sasan hodi hetan simpatia no konfiansa husi Lideransa FRETILIN nian, hanesan, iha diskursu bara-barak, promete kumpre programa FRETILIN nian, sem halai husi virgula ida, halo deklarasaun, tantu iha publiku komu iha Tribunal, katak, la fiar Mari Alkatiri ou Rogério Lobato, iha ligasaun ho FAHE-KILAT BA SIVIL, seluk-seluk tan.
Maibe'e, Ramos Horta haluha tiha, iha tinan 1989, nia rasik to de haruka surat ida ba Xanana Gusmão, se la sala, primeiru surat nia-nian ba Komandu Luta. Naton ne'e, hau sei estuda iha Indonezia, i ami nia grupu mo'os hetan kopia ida husi surat ne ke, alein de koalia asuntu seluk, Ramos Horta hatete katak, se Rogerio Lobato (depois de kumpre kastigu iha Angola) fila-fali ba Politika no FRETILIN, Ramos Horta sei halo hotu hodi fo hatene ba mundu tomak katak Rogério Lobato to'o de kontakta Grupu Terorista Espaina nian, naran ETA, para oho nia (RH).
Alias, se maka koinese Ramos Horta, hatene katak ne'e timbre nia-nian kedas. Ita hare'e deit, antes sae ba Primeiru Ministru, Ramos Horta buka halao politika konfiansa i simpatia ba Major Alfredo Reinado, Major Tara, Tenente Salsinha ho sira nain tolu nia apoiantes. Hanesan ona Primeiru Ministru, bainhira hatene katak Xanana Gusmão lakohi ona kandidata a'an ba segundu mandatu Prezidente, maibe'e hakarak tenta hari Partidu foun ida hodi hasoru FRETILIN, Ramos Horta la lakon tempu, buka halo politika konfiansa i simpatia ho lideransa FRETILIN nian, atu nune'e, bele, ikus mai, hetan premiu ida husi FRETILIN, hanesan FRETILIN nia kandidatu iha Eleisaun ba Prezidente oin mai. Asin ke hatene katak nia la merese konfiansa FRETILIN nian hodi hatudu nia hanesan kandidatu FRETILIN nian iha Eleisaun ba Prezidenti oin mai, Ramos Horta, ohin, koalia ona oin seluk fali, kritika fali gubernu ke nia halo parte, hatudu a'an hanesan ema ida ke nunka halo parte Gubernu Inkluzaun Alkatiri.
Hare'e ba hahalok Ramos Horta nian sira ne'e, oras ne'e, militantes no apoiantes FRETILIN nian ke hare'e GRUPU-MUDANSA hanesan salvasaun FRETILIN nian, komesa hanoin no husu ba sira nia a'an rasik: Se iha oportunidade ba militantes FRETILIN sira hotu-hotu hodi hili fila-fali sira nia ULUN FOUN, liu husi KONGRESU ESTRAORDINARIU ida, mezmu antes Eleisaun ba Parlamentu oin mai, halo oin-sa hahalok GRUPU-MUDANSA? Halo KONVENSAUN hodi halo aliansa ho Partidus sira seluk para atu'n FRETILIN iha Eleisaun ba Parlamentu oin mai, ou tuir KONGRESU ESTRAORDINARIU hodi hili ULUN FOUN FRETILIN nian, atu nune'e, bele ivita/salva FRETILIN nia lakon/derrota iha Eleisaun ba Parlamentu oin mai? Se oportunidade ne'e mosu, maibe'e FRETILIN_MUDANSA hanoin la tuir, prefere halo konvensaun hodi, ikus mai, halo aliansa kontra fali FRETILIN iha Eleisaun ba Parlamentu oin mai, entaun bele militantes barak, liu-liu, apoiantes/eleitoradus FRETILIN nian, ke ohin, hamutuk ho GRUPU_MUDANSA, sei la komprende, sei la simu no sei la perdoa hahalok ida ne'e. Nune'e, militantes hotu, nebe'e maka halo parte GRUPU-MUDANSA, susar teb-tebes, atu bele tuir tan kongresu FRETILIN nian, iha loron ikus mai.
Hare'e tuir deklarasaun sira nia líder Vítor Costa ba STL, GRUPU-MUDANSA hanoin halo KONVENSAUN ida duni hodi ses a'an husi GRUPU-MAPUTU, atu nune'e, ikus mai, bele halo aliansa ho Partidus seluk, liu-liu, ho CNRT. Maibe'e Vítor Costa tenki hatene katak, bele gosta ka la-gosta, lideransa Luolo/Alkatiri maka legal no Komisaun Nasional Eleisaun i Tribunais rekoinese deit mak sira. Nune'e, ses a'an husi GRUPU-MAPUTU, hanesan deit ses a'an husi FRETILIN duni. "Agora ita husu, tan-sah maka, to oras ne'e, GRUPU-MUDANSA seidauk tenta buka halibur asinaturas husi militantes sira, hodi, tuir Estatutus hatete, bele obriga ULUN sira konvoka Kongresu Estraordinariu? Se militantes barak liu maka la kontenti ho ULUN sira, tan nusah maka lakohi buka liu husi dalan ida ne'e, hakarak diu-liuk, ho kakutak taka néon, ses a'an fali? Atensaun, Maun no Alin sira GRUPU-MUDANSA, se dalan ne'e (ses a'an) maka imi hili duni, imi sei lakon direitu hodi uza patrimoniu FRETILIN nian, hanesan simbolus, bandeira, seluk-seluk tan. Sosiedade ita nian sei husik hare'e imi hanesan tan SENSIBILIDADE IMPORTANTE IDA iha FRETILIN nia laran, ikus mai, sai fali deit, hanesan DISSIDENTES FRETILIN nian. Se hahalok GRUPU-MUDANSA hatudu ne'e maka lo's duni, loron ida, molak ita hakfodak, Partidu FRETILIN sei la iha tan militante ida, tanba kadavez ke militantes lubuk ida la kontenti ho DIRESAUN, envez de buka muda/troka ULUN sira iha DIRESAUN, liu husi orgauns Partidu nian, buka liu fali husi dalan kleuk, hanesan ses a'an husi FRETILIN.
Mosu Partidu CNRT Bele Hamutuk FRETILIN Oan Sira Komu bele Hamout/Esmaga GRUPU-MUDANSA ou Partidu FRETILIN
Tuir istoria, balun hare'e CNRT hanesan Orgaun ida que ita nia LUTA presiza hodi halibur Partidus, Timor Oan hotu-hotu, kontra Indonésia, maibe'e, balun mo'os hare'e CNRT hanesan oportunidade ke Xanana Gusmão bele aproveita hodi halakon tiha Partidu FRETILIN.
Maibe'e, buat ida maka FRETILIN OAN sira la sei haluha: Durante periodu ida, iha ailaran, Xanana Gusmão, lao'os buka deit impede atu FRETILIN labele reorganiza a'an (Liu husi troka-surat entre Xanana-Mauhodu), komu nia kritika no fo kulpa ba FRETILIN, tanba, tuir nia, Indonezia tama no okupa ita nia rain Timor Lorosae, tanba FRETILIN halo KONTRA-GOLPE hasoru UDT. Alein de ne'e, Xanana Gusmão kritika mo'os FRETILIN ULUN sira, balun, oras ne'e, la iha ita nia let, hanesan, Nicolau Lobato, Mau-Liar, Sahe, Hata, seluk-seluk tan, kona ba sira nia estratejia ba luta.
Iha periodu ida ne'e, FRETILIN nia ULUN sira iha LIUR/ESTERIOR, kuaze hotu, la brani koalia hasoru Xanana Gusmão, tanba sira rasik hatene katak, bainhira kolia hasoru Xanana Gusmão, sira nunka mais hetan apoiu poltiik husi Komandu Luta Nian. Enkuantu Ramos Horta sei preokupa halo ezersisiu makas hodi hetan simpatia no konfiansa Xanana Gusmão nian, i enkuantu sira seluk, apezar de la konkorda ho Xanana Gusmão nia hahalok ne'e, prefere nonok no tolan tomak, atu nune'e, ikus mai, la lakon apoiu no konfiansa husi Komandu Luta nian, Abílio Araújo, nudar Xefi FFRETILIN iha LIUR/ESTERIOR, husi nia surat ida ba Xanana Gusmão, liu mo'os husi Indonésia, semana tolu antes ami hetan surat Ramos Horta nian, ho BRANI i DETRMINASAUN, la importa ho nia futuru politik, hatete katak, nia la konkorda no la simu akuzasaun nebe'e Xanana Gusmão halo ba FRETILIN no FRETILIN nia ULUN sira ke fo a'an ba mate, tanba deit hakarak ita rain Timor Lorosae ukun a'an. Se la sala, hahu iha ne'e, relasaun Abílio Araújo – Xanana Gusmão, komesa nakdoko.
Tanba plin-plan Ramos Horta nian sira ne'e hotu no Xanana Gusmão nia hahalok ba FRETILIN, maka hau rasik hakfodak no bila'n, hare'e GRUPU-MUDANSA sai fali apoiante kandidatura Ramos Horta nian ba Prezidente, i Xanana Gusmão nian, hodi forma CNRT.
Nune'e duni, maka hau, hanesan Timor Oan ida, ke sempre konsiente katak, so FRETILIN HAMUTUK maka bele fo estabilidade ba Timor Lorosae, hakarak, liu husi lia-tatoli ida ne'e, fo sai ba ULUN FRETILIN nian no mos GRUPU-MUDANSA nian, atu bele tau lai orguilu idak-idak nian ba kotuk, hodi hanoin FRETILIN hanesan Partidu Istoriku ida ke presiza teb-tebes, no urzenti, nia OAN sira buka koalia ba malu, entende malu, atu nune'e, bele hamutuk, hodi hasouru, ho konfiansa i esperansa, Eleisaun ba Parlamentu, iha loron 30, fulan Juinu oin mai. FRETILIN so bele rekupera konfiansa no simpatia husi Povu, hanesan uluk nanis, se nia ULUN sira, la'os brani deit koalia hasoru Xanana Gusmão, maibe'e, tenki iha mos brani, hodi fo hikas fali PODER ba militantes sira, atu nune'e, husi Orgaun nanis Partidu nian, hanesan KONGRESU, sira bele ho kalma, liberdade i sem hatauk-malu, koalia, diskuti i disidi, tuir ida-idak nia ulun/konsiensia, se ULUN sira ne'e sei konfiansa sira nian kalae.
MAIBE'E, APEZAR DE HARE'E BUAT SIRA NE'E HOTU, HO LARAN TRISTI, HUSI DO'OK, HAU SEI IHA ESPERANSA NO FIAR, KATAK, TANTU FRETILIN NIA ULUN KOMU GRUPU-MUDANSA NIAN , NUDAR HENESAN FRETILIN NIA OAN HOTU, SIRA NIA DOMI/AMOR KE IHA BA FRETILIN, HANESAN PARTIDU ISTORIKU, SEI LA FO FATIN ATU PARTIDU SELUK UZA FALI SIRA BALUN HODI HADAU FALI FRETILIN NIA FATIN NANIS.
IKUS MAI, HAU REMATA HO FRAZE IDA KE, HAU RONA, ANTES TIMOR UKUN A'AN, I KE TO ORAS NE'E, HAU LA HALUHA. BAINHIRA, RAMOS HORTA PROPOIN BA XANANA GUSMÃO, ATU MUDA CNRT BA PARTIDU, HODI HASORU FRETILIN, IHA ELEISAUN, DEPOIS DE TIMOR UKUN A'AN, NIA SIMU RESPOSTA HUSI XANANA GUSMÃO HANESAN NE'E: MEZMU KE AMU BISPU NAIN RUA (BELO HO NASCIMENTO) NO IGREJA, MAI HAMUTUK HO ITA, IHA CNRT, FRETILIN SEI MANAN HALIMAR.
Loron 4, fulan Abril, tinan 2007
Husi Maun ka Alin, hela iha Portugal
Mariano Boaventura de Manufahi
FRETILIN Bele Lakon Iha Eleisaun Juino Se Nia Kandidatu LUOLO La Manan Iha Primeira Volta
Tuir ita hotu hatene, iha Eleisaun ba Asembleia Konstiuinte 2001, tuir hikas mai, iha 2002, Asembleia ne'e, envez de hotu/lakon tiha, sai fali Parlamentu Nasional, FRETILIN manan ho 57%, eleje/foti 55 deputadus, hetan maoria absoluta, no mesak, forma gubernu ho naran "GUBERNU INKLUZAUN".
Se iha Eleisaun ba Prezidenti, loron 9, fulan Abril mai, Povu la fo votus naton ba kandidatu ida atu bele manan iha PRIMEIRA VOLTA, mezmu ke LUOLO hela iha oin (primeiru lugar), rezultadu ne'e so bele atudu buat ida: Lakon/Derrota bot ida ba LUOLO/MARI no ba Partidu FRETILIN. Leitura ida ne'e manan forsa liu tan bainhira Parlamentu fo bensaun ba proposta FRETILIN nian rasik atu Kandidatus sira uza simbolu no bandeira partidu ida-idak nian iha kampaina. Hanesan ne'e, povu bainhira vota, la'os hare'e deit ba kandidatu nia a'ann, maibe'e hare'e mos ba Partidu nebe'e maka kandidatu ne'e reprezenta.
Lakon bot ida ne'e, se tetun dia-diak, sei iha konsekuensia todan no la-diak ba FRETILIN, iha Eleisaun ba Parlamentu tuir mai, se ULUN FRETILIN sira la-kohi muda buat ida iha Partidu ida ne'e nia laran, antes eleisaun importante ba hili segundu gubernu RDTL nian, monu iha loron 30, fulan Juinu mai. Tanba rezultadu ida hanesan ne'e, se sukat/kompara ho rezultadu Asembleia Konstituinte 2001, bele hatudu katak apoiu nebe'e maka populasaun fo ba FRETILIN, iha 2001 (57%), oras ne'e, tun liu, tanba la to mos 50%. Ne'e, hatudu katak, iha SEGUNDA VOLTA, atu halakon LUOLO, basta deit Kandidatus sira seluk nebe'e maka la liu ba SEGUNDA VOLTA, hamutuk ho kandidatu nebe'e maka ba hosoru LUOLO, hodi bele hetan votus naton, ou liu, para manan.
FRETILIN Atu Manan Iha Eleisaun Ba Parlamentu Fulan Juinu Mai, Nia ULUN Sira Tenki Fo Fatin Ba Seluk, Se LUOLO La Manan Iha Eleisaun Ba Prezidente Oin Mai
Tuir Partidu naran ida, iha liur, liu-liu iha Europa, bainhira mosu situasaun ida hanesan ne'e, so iha dalan ida deit atu bele tuir: ULUN sira ke kaer destinu FRETILIN nian dau-dauk, tenki rasik mak sente hanesan, nesesidade ida ou mezmu obrigasaun-moral, konvoka Kongresu Estraordinariu ida, hodi tau sira nia fatin, nudar ULUN, ba konsidersaun militantes ke foti sira. Se LUOLO la manan iha PRIMEIRA VOLTA, ne'e hatudu katak Povu, kontrariu iha 2001, barak liu maka la fiar ona ULUN sira nebe'e kaer distinu FRETILIN nian to oras ne'e. Nune'e duni, urzenti troka ULUN sira ne'e, atu nune'e, Partidu ne'e, bele hetan forsa no moral, hodi bele rekupera fila-fali votus nia-nian iha Eleisaun ba Parlamentu oin mai. Se ULUN FRETILIN sira la hanoin muda buat ida, iha Partidu ida ne'e nia laran, liu husi Kongresu Estraordinariu ida, antes Eleisaun ba Parlamentu oin mai, kazu LUOLO la manan, ba Povu Timor Lorosae, liu-liu, militantes no apoaiantes FRETILIN nian, só iha signifikadu/leitura ida: Ba ULUN sira ne'e, Partidu FRETILIN bele mout, basta sira maka labele mout, tanba ULUN sira ne'e rasik hatene/konsiente katak sira so bele MORIS/SOBREVIVE iha FRETILIN nia mahon. Sai husi DIRESAUN FRETILIN, ba ULUN sira ne'e, hanesan IKAN sai husi be-laran. Ida ne'e lao's kolia ho lia a'at ou insultus, maibe'e koalia ho lia lo'os iha politika. Ate'e hau ba liu-tan, se mezmu ke Luolo manan ba Prezidnte, no ikus mai, FRETILIN manan iha Eleisaun ba Parlamentu/Gubernu, ESTABILIDADE so bele hetan fila-fali, se ULUN sira nebe'e tur iha diresaun FRETILIN nian, iha HARAIK-AN/HUMILDADE hodi husik sira nia fatin ba seluk, tanba tuir hau nia hanoin, POVU VOTA BA FRETILIN LA HANESAN HAKARAK NAFATIN HARE'E ULUN SIRA NE'E KAER NAFATIN DISTINU TIMOR NIAN.
Alias, se ita hare'e dia-diak, husi krizi mosu, hahu husi Gubernu Inkluzaun Alkatiri ke, iha tempu lo'los/propriu, la hatene tesi lia mosu iha FDTL, liu husi akuzasaun ba Sekretariu-Jeral Fretilin Mari Alkatiri kona ba FAHE KILAT, to iha nia demisaun husi Primeiru Ministru, liu husi demisaun nab-naban membrus Gubernu Inkluzaun Alkatiri, to iha envolvimentu Visi-Prezidenti FRETILIN, Rogério Lobatu, iha FAHE KILAT, ikus mai, provadu iha Tribunal, iha primeiru julgamentu dau-dauk liu ba ne'e, labele fo razaun atu ULUN sira ne'e kontinua kaer nafatin destinu FRETILIN nian.
Militantes Fretilin Nebe'e Maka Halo Parte GRUPU-MUDANSA, Bele Sira Nia Futuru La-liu Tan Husi FRETILN
Hahu husi apoiu GRUPU-MUDANSA ba kandidatura Ramos Horta ba Prezidente, to oras ne'e, militantes no apoiantes FRETILIN sira nebe'e ke la kontenti ho lideransa LUOLO/ALKATIRI, komesa la komprende lo'los saída maka ULUN GRUPU-MUDANSA sira hakarak. Tuir ita hotu hatene nanis, Ramos Horta sempre halo parte Gubernu Inkluzaun Alkatiri i, bainhira krizi mosu, FRETILIN rasik maka fo, alein de naran seluk, Ramos Horta nia naran, ba Prezidente Xanana Gusmão atu hodi troka Mari Alkatiri husi Primeiru Ministru, bainhira ida ne'e husu demisaun. Hahu iha ne'e, Ramos Horta komesa buka halo sasan hodi hetan simpatia no konfiansa husi Lideransa FRETILIN nian, hanesan, iha diskursu bara-barak, promete kumpre programa FRETILIN nian, sem halai husi virgula ida, halo deklarasaun, tantu iha publiku komu iha Tribunal, katak, la fiar Mari Alkatiri ou Rogério Lobato, iha ligasaun ho FAHE-KILAT BA SIVIL, seluk-seluk tan.
Maibe'e, Ramos Horta haluha tiha, iha tinan 1989, nia rasik to de haruka surat ida ba Xanana Gusmão, se la sala, primeiru surat nia-nian ba Komandu Luta. Naton ne'e, hau sei estuda iha Indonezia, i ami nia grupu mo'os hetan kopia ida husi surat ne ke, alein de koalia asuntu seluk, Ramos Horta hatete katak, se Rogerio Lobato (depois de kumpre kastigu iha Angola) fila-fali ba Politika no FRETILIN, Ramos Horta sei halo hotu hodi fo hatene ba mundu tomak katak Rogério Lobato to'o de kontakta Grupu Terorista Espaina nian, naran ETA, para oho nia (RH).
Alias, se maka koinese Ramos Horta, hatene katak ne'e timbre nia-nian kedas. Ita hare'e deit, antes sae ba Primeiru Ministru, Ramos Horta buka halao politika konfiansa i simpatia ba Major Alfredo Reinado, Major Tara, Tenente Salsinha ho sira nain tolu nia apoiantes. Hanesan ona Primeiru Ministru, bainhira hatene katak Xanana Gusmão lakohi ona kandidata a'an ba segundu mandatu Prezidente, maibe'e hakarak tenta hari Partidu foun ida hodi hasoru FRETILIN, Ramos Horta la lakon tempu, buka halo politika konfiansa i simpatia ho lideransa FRETILIN nian, atu nune'e, bele, ikus mai, hetan premiu ida husi FRETILIN, hanesan FRETILIN nia kandidatu iha Eleisaun ba Prezidente oin mai. Asin ke hatene katak nia la merese konfiansa FRETILIN nian hodi hatudu nia hanesan kandidatu FRETILIN nian iha Eleisaun ba Prezidenti oin mai, Ramos Horta, ohin, koalia ona oin seluk fali, kritika fali gubernu ke nia halo parte, hatudu a'an hanesan ema ida ke nunka halo parte Gubernu Inkluzaun Alkatiri.
Hare'e ba hahalok Ramos Horta nian sira ne'e, oras ne'e, militantes no apoiantes FRETILIN nian ke hare'e GRUPU-MUDANSA hanesan salvasaun FRETILIN nian, komesa hanoin no husu ba sira nia a'an rasik: Se iha oportunidade ba militantes FRETILIN sira hotu-hotu hodi hili fila-fali sira nia ULUN FOUN, liu husi KONGRESU ESTRAORDINARIU ida, mezmu antes Eleisaun ba Parlamentu oin mai, halo oin-sa hahalok GRUPU-MUDANSA? Halo KONVENSAUN hodi halo aliansa ho Partidus sira seluk para atu'n FRETILIN iha Eleisaun ba Parlamentu oin mai, ou tuir KONGRESU ESTRAORDINARIU hodi hili ULUN FOUN FRETILIN nian, atu nune'e, bele ivita/salva FRETILIN nia lakon/derrota iha Eleisaun ba Parlamentu oin mai? Se oportunidade ne'e mosu, maibe'e FRETILIN_MUDANSA hanoin la tuir, prefere halo konvensaun hodi, ikus mai, halo aliansa kontra fali FRETILIN iha Eleisaun ba Parlamentu oin mai, entaun bele militantes barak, liu-liu, apoiantes/eleitoradus FRETILIN nian, ke ohin, hamutuk ho GRUPU_MUDANSA, sei la komprende, sei la simu no sei la perdoa hahalok ida ne'e. Nune'e, militantes hotu, nebe'e maka halo parte GRUPU-MUDANSA, susar teb-tebes, atu bele tuir tan kongresu FRETILIN nian, iha loron ikus mai.
Hare'e tuir deklarasaun sira nia líder Vítor Costa ba STL, GRUPU-MUDANSA hanoin halo KONVENSAUN ida duni hodi ses a'an husi GRUPU-MAPUTU, atu nune'e, ikus mai, bele halo aliansa ho Partidus seluk, liu-liu, ho CNRT. Maibe'e Vítor Costa tenki hatene katak, bele gosta ka la-gosta, lideransa Luolo/Alkatiri maka legal no Komisaun Nasional Eleisaun i Tribunais rekoinese deit mak sira. Nune'e, ses a'an husi GRUPU-MAPUTU, hanesan deit ses a'an husi FRETILIN duni. "Agora ita husu, tan-sah maka, to oras ne'e, GRUPU-MUDANSA seidauk tenta buka halibur asinaturas husi militantes sira, hodi, tuir Estatutus hatete, bele obriga ULUN sira konvoka Kongresu Estraordinariu? Se militantes barak liu maka la kontenti ho ULUN sira, tan nusah maka lakohi buka liu husi dalan ida ne'e, hakarak diu-liuk, ho kakutak taka néon, ses a'an fali? Atensaun, Maun no Alin sira GRUPU-MUDANSA, se dalan ne'e (ses a'an) maka imi hili duni, imi sei lakon direitu hodi uza patrimoniu FRETILIN nian, hanesan simbolus, bandeira, seluk-seluk tan. Sosiedade ita nian sei husik hare'e imi hanesan tan SENSIBILIDADE IMPORTANTE IDA iha FRETILIN nia laran, ikus mai, sai fali deit, hanesan DISSIDENTES FRETILIN nian. Se hahalok GRUPU-MUDANSA hatudu ne'e maka lo's duni, loron ida, molak ita hakfodak, Partidu FRETILIN sei la iha tan militante ida, tanba kadavez ke militantes lubuk ida la kontenti ho DIRESAUN, envez de buka muda/troka ULUN sira iha DIRESAUN, liu husi orgauns Partidu nian, buka liu fali husi dalan kleuk, hanesan ses a'an husi FRETILIN.
Mosu Partidu CNRT Bele Hamutuk FRETILIN Oan Sira Komu bele Hamout/Esmaga GRUPU-MUDANSA ou Partidu FRETILIN
Tuir istoria, balun hare'e CNRT hanesan Orgaun ida que ita nia LUTA presiza hodi halibur Partidus, Timor Oan hotu-hotu, kontra Indonésia, maibe'e, balun mo'os hare'e CNRT hanesan oportunidade ke Xanana Gusmão bele aproveita hodi halakon tiha Partidu FRETILIN.
Maibe'e, buat ida maka FRETILIN OAN sira la sei haluha: Durante periodu ida, iha ailaran, Xanana Gusmão, lao'os buka deit impede atu FRETILIN labele reorganiza a'an (Liu husi troka-surat entre Xanana-Mauhodu), komu nia kritika no fo kulpa ba FRETILIN, tanba, tuir nia, Indonezia tama no okupa ita nia rain Timor Lorosae, tanba FRETILIN halo KONTRA-GOLPE hasoru UDT. Alein de ne'e, Xanana Gusmão kritika mo'os FRETILIN ULUN sira, balun, oras ne'e, la iha ita nia let, hanesan, Nicolau Lobato, Mau-Liar, Sahe, Hata, seluk-seluk tan, kona ba sira nia estratejia ba luta.
Iha periodu ida ne'e, FRETILIN nia ULUN sira iha LIUR/ESTERIOR, kuaze hotu, la brani koalia hasoru Xanana Gusmão, tanba sira rasik hatene katak, bainhira kolia hasoru Xanana Gusmão, sira nunka mais hetan apoiu poltiik husi Komandu Luta Nian. Enkuantu Ramos Horta sei preokupa halo ezersisiu makas hodi hetan simpatia no konfiansa Xanana Gusmão nian, i enkuantu sira seluk, apezar de la konkorda ho Xanana Gusmão nia hahalok ne'e, prefere nonok no tolan tomak, atu nune'e, ikus mai, la lakon apoiu no konfiansa husi Komandu Luta nian, Abílio Araújo, nudar Xefi FFRETILIN iha LIUR/ESTERIOR, husi nia surat ida ba Xanana Gusmão, liu mo'os husi Indonésia, semana tolu antes ami hetan surat Ramos Horta nian, ho BRANI i DETRMINASAUN, la importa ho nia futuru politik, hatete katak, nia la konkorda no la simu akuzasaun nebe'e Xanana Gusmão halo ba FRETILIN no FRETILIN nia ULUN sira ke fo a'an ba mate, tanba deit hakarak ita rain Timor Lorosae ukun a'an. Se la sala, hahu iha ne'e, relasaun Abílio Araújo – Xanana Gusmão, komesa nakdoko.
Tanba plin-plan Ramos Horta nian sira ne'e hotu no Xanana Gusmão nia hahalok ba FRETILIN, maka hau rasik hakfodak no bila'n, hare'e GRUPU-MUDANSA sai fali apoiante kandidatura Ramos Horta nian ba Prezidente, i Xanana Gusmão nian, hodi forma CNRT.
Nune'e duni, maka hau, hanesan Timor Oan ida, ke sempre konsiente katak, so FRETILIN HAMUTUK maka bele fo estabilidade ba Timor Lorosae, hakarak, liu husi lia-tatoli ida ne'e, fo sai ba ULUN FRETILIN nian no mos GRUPU-MUDANSA nian, atu bele tau lai orguilu idak-idak nian ba kotuk, hodi hanoin FRETILIN hanesan Partidu Istoriku ida ke presiza teb-tebes, no urzenti, nia OAN sira buka koalia ba malu, entende malu, atu nune'e, bele hamutuk, hodi hasouru, ho konfiansa i esperansa, Eleisaun ba Parlamentu, iha loron 30, fulan Juinu oin mai. FRETILIN so bele rekupera konfiansa no simpatia husi Povu, hanesan uluk nanis, se nia ULUN sira, la'os brani deit koalia hasoru Xanana Gusmão, maibe'e, tenki iha mos brani, hodi fo hikas fali PODER ba militantes sira, atu nune'e, husi Orgaun nanis Partidu nian, hanesan KONGRESU, sira bele ho kalma, liberdade i sem hatauk-malu, koalia, diskuti i disidi, tuir ida-idak nia ulun/konsiensia, se ULUN sira ne'e sei konfiansa sira nian kalae.
MAIBE'E, APEZAR DE HARE'E BUAT SIRA NE'E HOTU, HO LARAN TRISTI, HUSI DO'OK, HAU SEI IHA ESPERANSA NO FIAR, KATAK, TANTU FRETILIN NIA ULUN KOMU GRUPU-MUDANSA NIAN , NUDAR HENESAN FRETILIN NIA OAN HOTU, SIRA NIA DOMI/AMOR KE IHA BA FRETILIN, HANESAN PARTIDU ISTORIKU, SEI LA FO FATIN ATU PARTIDU SELUK UZA FALI SIRA BALUN HODI HADAU FALI FRETILIN NIA FATIN NANIS.
IKUS MAI, HAU REMATA HO FRAZE IDA KE, HAU RONA, ANTES TIMOR UKUN A'AN, I KE TO ORAS NE'E, HAU LA HALUHA. BAINHIRA, RAMOS HORTA PROPOIN BA XANANA GUSMÃO, ATU MUDA CNRT BA PARTIDU, HODI HASORU FRETILIN, IHA ELEISAUN, DEPOIS DE TIMOR UKUN A'AN, NIA SIMU RESPOSTA HUSI XANANA GUSMÃO HANESAN NE'E: MEZMU KE AMU BISPU NAIN RUA (BELO HO NASCIMENTO) NO IGREJA, MAI HAMUTUK HO ITA, IHA CNRT, FRETILIN SEI MANAN HALIMAR.
Loron 4, fulan Abril, tinan 2007
Husi Maun ka Alin, hela iha Portugal
Mariano Boaventura de Manufahi
Sem comentários:
Enviar um comentário
Nota: só um membro deste blogue pode publicar um comentário.