http://www.suaratimorlorosae.com/details.php?id=5500&now=2005-12-14
Tansa maka Mari Alkateri Ataka Fretilin Ronovada no UNDERTIM?
Iha ikus-ikus ne,PM no Sekretariu Jeral Freti lin,Marie Alkateri ninia alvo no atake maka movimentu Fretilin Renovadores (FR) no Partido UNDARTIM.
Dala barak maka PM Alkateri ataka grupos rua ne ho lia fuan sira nebe maka hanesan: La haris,sira be hakarak sai Ministru maibe la hetan ona fatin neduni sai hodi halo kritika ba Partido (refere ba FR),dala barak maka PM Alkateri ba uja lia fuan sira nebe maka ataka ba vida pessoal no laos ataka ba politika nebe maka movimentus sira ne halao. Laos Mari Alkateri hakarak poupa oposisaun sira seluk,maibe ninia preokupasaun ba aban bai rua (futuro,red) maka UNDERTIM no FRETILIN RENOVADORES, tamba iha razauns rua (2) deit: Husi sorin ida, razaun eleitoral,nebe sei halao iha tinan 2007. Husi sorin seluk, razaun luta politika interna iha Fretilin nebe atu tama ba halo kongresso iha fulan Maio tinan 2006.
1.Waihira hamosu UNDERTIM ne sai hanesan motivu preokupasaun ba FRETILIN no liliu ba lideransa Mari Alkateri nian, tamba hare ba base UNDARTIM nian mai husi Resistência (eis-kombatentes sira),nebe iha ligasaun emosional liliu iha zona parte ba Loro Sa´e (Baucau,Viqueque no parte loro sae). Nebe tuir dadus nebe maka hetan katak UNDARTIM foin regista nudar Partido Politika maibe sira iha militantes besik ba 30.000,nebe tuir Lei Eleitoral foun katak eleisaun iha tinan 2007,10000 votos hafoin hili Deputadu ida, seidauk eleisaun UNDARTIM iha ona garantia ba deputadu tolu(3) no hela tinan rua ba eleisaun numerus nebe bele duplika mos bele triplika. UNDARTIM sei ba foti votos husi eleitorado nebe fiel FRETILIN ka voto util nebe pertence ba eleitorado FRETILIN nian.
Neduni estrategia Mari Alkateri nian maka ne Oinsa maka fragiliza posisaun politika UNDARTIM,ho ataka sira nebe maka emosional liu,hodi klasifika sira be militantes UNDARTIM mesaka hatais foer,no seluk tan. Hare UNDERTIM ninia socialisasaun ba bases makas tebes,nebe bele konsidere hanesan ameasa ba FRETILIN, hare hanesan exemplo,saida maka akontese hatun Bandeira UNDERTIM iha Bucoli (STL,18/10). Nebe tuir STL katak “Povo Fretilin iha Bucoli maka la simu atu UNDERTIM ba hasae bandeira iha neba (idem)”. Se povo Bucoli la simu UNDERTIM ninia presensa, neduni UNDERTIM sira la konsegue hasae bandeira tamba zona ne sira la iha apoiantes.Se Bandeira UNDERTIM hasae tiha,hafoin apoiantes FRETILIN nian ba hatun fali ne historia oin seluk ona, tamba liu tiha loron rua hafoin apoiantes Fretilin ba hatun. Tuir versaun husi UNDERTIM katak”Molok hasae bandeira UNDERTIM iha Bucoli,militante no simpatizante UNDERTIM halo festa. (idem) Tuir dadus oficiais UNDERTIM katak ninia militante iha Bucoli besik ba rihun ida ho balun. Problema politika maibe ninia ikun dait ba justisa,tamba dirigente UNDERTIM sira hakarak lori ba iha Tribunal,tuir Cristinao Costa,secretario jeral UNDERTIM ba STL katak “ Kasu Bucoli sei resolve iha Tribunal (STL,18/11/2005”.
2. Mari Alkateri ninia ataka ba Fretilin Ronovadores (FR) sira tamba deit,oras ne preokupasaun ba Kongresso FRETILIN nian. Tamba konsentrasaun Mari Alkateri nian oinsa maka bele konsilida poder,liliu bele manan tan iha Kongresso Fretilin nebe sei ba halo iha fulan Maio tinan 2006 no bele reeleitu nudar PM iha eleisaun legislativa iha tinan 2007. Neduni konsidere funu iha Fretilin laran ne oras ne lao dadaun,nebe Mari Alkatiri hili nudar ninia alvo kritika maka FR ka sira membros CCF nebe pertence, atake sira nebe maka dala barak uja linguagem sira nebe kategoria emosional do ke racional,hanesan: “Sira mesak Moras,sira nebe maka hakarak sai Ministro la konsegue maka sai fali kritika ne,sst”. Oinsa maka hamaten sira nebe kritika iha Fretilin laran hodi klasifika katak”sira nebe maka hakarak estraga Fretilin”,signifika Mari Alkatiri ho ninia grupos,falun an iha Fretilin nia lohu laran hodi hamate sira be kritika ba ninia lideransa,liliu ba Renovadores sira.
3. FRETILIN manan maioria iha eleisaun 2001 ba Assembleia Konstituinte (AK).Eleisaun iha 2007 % votantes FRETILIN sei menus tamba hare husi variaveis oi-oin: Governo Mari/FRETILIN desgasto tamba deskontentamentu jeneralizadu, eleisaun cefes sukus numerus votantes PP oposisaun aumenta siknifikativu no emergencia Partido Foun hanesan UNDERTIM nebe sei ba foti votos husi FRETILIN.
Hamosu UNDERTIM infraquese Fretilin tamba apoiante UNDARTIM nian sei ba hasai voto util husi FRETILIN, nune ita bele kompreende irritasaun lideransa FRETILIN konaba emergencia transformasaun eis-RDTL ba UNDERTIM. Iha resultadu eleisaun Suku nebe hatudu klaru katak “Oposisaun nia votantes aumenta waihira kompara ho eleisaun ba Assembleia Konstituinte iha tinan 2001”. Tuir Fernando La´sama,Presidente PD iha konferensia imprensa iha loron 06 fulan Novembro dehan katak “PD Mehi atu Ukun iha tinan 2007(08/11/2005)”. (idem) Argumenta tan La´sama katak”PD ninia eleitoradu iha cidade Dili aumenta makas”. Foin dadaun ne mos Partido Politika Oposisaun sira halo konferensia imprensa hodi kritika politika Governo konaba politika sira nebe maka ba interesse nasional hanesan Mina Rai no seluk tan. Tuir tatolin STL katak “ASD,PD no PSD atu harii koligasaun (STL,16/11/2005)”. Ho dadus sira nebe apresenta iha leten hatudu katak PM Alkatiri iha duni motivu ba preokupasaun,prokupasaun ba manutensaun nudar Sekjen FRETILIN no preokupasaun seluk ba eleisaun Legislativa iha tinan 2007. Se iha eleisaun iha tinan 2007 FRETILIN sei la manan ho Maioria hanesan resultadu iha tinan 2001. Tamba UNDERTIM sei ba nauk votos husi FRETILIN no votos oposisaun nian liliu aumenta signifikativu,ninia tendensia maka iha hipotese rua, FRETILIN risko bele forma ka la forma Governo.
FRETILIN Forma governo ho Partido Politika nebe maka bele entende malu ho orojektu FRETILIN nian, maibe risko ba Mari maka ne, se la garante maioria iha Parlamentu neduni Governo sei la estavel, neduni obriga nia atu governu mos ho oposisaun ninia programa ka programa balun,husi sorin ida no husi sorin seluk,waihira Governo nebe forma husi koligasaun normalmente ladun estavel tamba kulker momentu bele mosu desentendimentu nebe bele dait to´o ruptura iha koligasaun. Ka ho termo seluk,iha biban nebe deit governo bele monu tamba koligasaun husi Oposisaun.
Hipoteses seluk FRETILIN bele la konsegue forma Governo.
Oposizaun forma governo, Se Oposisaun ninia % votantes sae makas,ASDT,PD no PSD bele halo koligasaun hodi garante maioria iha Parlamento Nasional. Se Oposisaun ninia % bot liu Partido nebe manan eleisaun,kabe ba Presidente RDTL konvida forsa politika maioria nebe bele garante estabilidade hodi governo.
*Cidadaun Timor Oan hela iha Lisboa,Poirtugal!
António Ramos Naikoli
Publika STL;14-12.2005
© 2006 all Articles and Photos are Copyright by Suara Timor Lorosae
| VISAO | MISAO | OBJECTIVO | HAKSESUK BOLA | FH KKN | HOME | FH LPV | ARTIGOS | FH MUZIKA | LIA MENON | FH RESPONDE |
|
|||||||||||||||||||||
|
Subscrever:
Enviar feedback (Atom)
 Amo Bispo Carlos Filipe Ximenes Belo Premiu Nobel Paz 1996 |
TINAN ATU LIMA
Emar Timor Ho Malae Mutin Hasoru Malu |
| LORON TO’O ONA, Korrupsaun! |
LORON TO’O ONA, Demokrasia!
|
Maluk Naikoli,
ResponderEliminarHa'u ladún hatene kona ba dadu sira ne'ebé maka maluk Naikoli aprezenta iha maluk nia artigu ne'e. Maibé bainhira ha'u lee maluk nia artigu, ha'u hanoin to'o iha pontu hirak ne'e:
Ex kombatente barak maka adere ba UNDERTIM (la'ós UNDARTIM) bainhira partidu ne'e mosu. Maibé iha TL iha partidu oioin de'it. Ex kombatente sira tama UNDERTIM tanba partidu ne'e oferese rezolusaun ba sira nia problema. Tansá maka partidu sira ne'ebé ohin loron iha, la konsege fó polítika alternativa ida ba situasaun ne'ebé ex kombatente sira enfrenta? Tuir ha'u hatene, partidu balu ne'ebé ohin moris iha TL, involve mós ex kombatente balu, hanesan Tuloda ho Riak Leman, Ernesto Fernandes "Dudu".
Tuir ha'u nia opiniaun, se partidu opozisaun sira maka fó karik alternativa hodi rezolve ex kombatente sira nia problema, ohin loron, envézde ex kombatente sira ne'e tama ba UNDERTIM, sira tama hotu ba partidu sira iha opozisaun ne'e karik? Ou talvés fó apoiu ba sira hodi manán iha eleisaun ne'ebé atu mai.
Apakah razaun ba UNDERTIM mosu ne'e iha mós ligasaun ho facto que partidu sira ne'ebé ohin loron moris iha TL ne'e komesa sai daudan irrelevante no "out of touch" kona ba problema iha rai laran?
Hosi pontu sira iha leten ne'e, bainhira eleisaun foun mosu mai, apakah UNDERTIM só na'ok de'it maka eleitoradu FRETILIN nian? Apakah UNDERTIM sei la manán mós votu hosi eleitoradu sira ne'ebé maka fiél ba partidu sira seluk? Tuir Naikoli nia artigu, Naikoli parese konvensidu loos katak UNDERTIM sei foti de'it maka votu hosi FRETILIN.
Naikoli mós konvensidu katak só koligasaun entre FRETILIN ho partidu seluk de'it maka sei hamosu governu ida fraku, katak sei la fó estabilidade polítika. Tuir Naikoli nia hanoin, parese koligasaun ida entre PD, PSD ho ASDT sei hetan estabilidade. Ho razaun saida maka Naikoli defende teze ida ne'e? Iha possibilidade ruma katak kualkér koligasaun partidária iha TL sei hamosu instabilidade?
Alex
Feton Elizabet Martins, hakarak hatan deit ba ita nia
ResponderEliminarpergunta ne:
1. UNDERTIM ne importante mosu iha cena politika Timor
nian tamba sira nia base de apoio ne mai husi
ex-comabatentes no grupos nebe maka sira nia
socializasaun makas iha base,hare deit ex-CP-RDTL sira
(Aitahan Matak,Ologario no Cristiano Costa
sira),grupos katuas L-7 nebe mos kaer grupos antigo
combatentes mos kaer ba grupo ida naran Sagrada
Familia(SF).
2.Hanesan maluk Benigno ninia hakerak katak,bele konta
katak iha eleisaun 2001 sira grupos sira iha leten ne
forma sira nia voto ba FRETILIN,iha hipotese minimo
sira vota Partido seluk. Neduni forma ona Partido
mesak ne ninia implikasaun maka ne: Diak ba
demokrasia,tamba hotu2 servisu no aktuasaun iha Lei
nia okos,husi sorin ida.Husi sorin seluk, mosu
UNDERTIM sai hanesan preokupasaun ba Partido nebe maka
kaer governo mos ba partido oposisaun sira seluk. Ba
Governo ka FRETILIN tamba sira ba foti ka nauk voto
husi F (hare hau nia artikel),ba Partido oposisaun
sira seluk tamba,sira iha expectativa katak sira
(ex-RDTL no combatentes sira sei ba voto iha sira),de
facto cenario ida la akontece tb sira forma partido
mesak.
3.Tansa maka mosu UNDERTIM? Bele mos apresenta faktos
balun hanesan faktor Mari karik?Faktos Rogerio
Loubato?
Hanoin rua ne iha relaciona ba malu. Faktor Mari,bele
mos iha membro co-fundadores UNDERTIM hein kleur ona
atu tama ba F maibe biban ka oportunidade maka la
iha,se liderança maka F laos Mari sira hotu fila ba
sira nia knua maka Fretilin. Faktor Rogerio
Loubato,mos dala ruma sim,tamba hare kasu nebe maka
envolve L-7 ho Rogerio Loubato iha tina rua kotuk
ba,waihira Rogerio Loubato sai nudar MAI (Ministro da
Administraçao Interna) nia foti kedan L-7 maka nudar
Conselheiro ka penasehat,depois ikus mai ruptura L-7
sai to´o hamutuk ho sira ex-CP RDTL hodi harii fali
UNDERTIM hodi foti ba nudar Presidente provisorio
UNDERTIM nian.
4.Ho faktor sira ne hotu,obriga liderança F nian
irritado no preokupado witoan ho mosu UNDERTIM iha
cena politika Timor nian.
Ohin maka ne deit hau nia hatan ba Feton Elizabet
Martins,
Naikoli
Obrigado ba Alex nia komentariu,aproveite mos ba
ResponderEliminar> desejo tinan foun diak ba Alex,sei iha Portugal ka
> iha
> ona Ausie.
> Hau mos konkorda katak"Nem koligasaun nebe PD,ASDT
> no
> PSD" promove ne bele sai duni alternativa ka
> lae?Tamba
> tuir hau hatene katak sira (oposisaun)dehan
> koligasaun
> maibe liu husi konference Imprensa deit,neduni hau
> mos
> seidauk iha dadus konkretus katak iha duni projekto
> konkretu ruma konaba PP Oposisaun nian konaba
> governasaun futuro.
> Hakerek ne previsaun,se for Fretilin la maioria
> hanesan akontese iha 2001,ka manan maioria
> relativa,nia buka halo koligasaun atu nune bele
> garante ba maioria parlamentar,ne hipotese ida bele
> akontese.Iha hipotese mos hanesan iha hau nia
> analise
> katak tuir Konstituisaun RDTL bele mos fo margen ba
> oposisaun forma koligasaun maioria,kestaun agora
> depende ida-idak ninia hare konaba hipotese ida ne.
> De
> facto laos deit UNDERTIM maka militantes sira mesak
> ex-kombatentes maibe sira seluk hanesan PSD,PD mos
> ASDT iha militantes ex-kombatentes sira,maibe sira
> ita
> hare husi maioria maka milita ba iha UNDERTIM,hare
> husi ex-CP-RDTL hanesan no grupos L-7 nian mesak
> ex-kombatentes,neduni sira mos sai hanesan vairevel
> ida nebe determinante iha eleisaun 2007,tamba tudo
> pode acontecer,tamba 2006 tinan nebe determinante ba
> Timor,PP hotu2 halo kongresso iha tinan ida ne,tinan
> 2007 ne eleisaun legislativa.
>
> Koligasaun bele estavel mos bele provoka
> ruptura,tamba
> analise ne uja padraun ho experiencia rai barak maka
> halo koligasaun,neduni diak lança kedan ba debate do
> ke to´o oras hafoin ita haksesuk ninia vantagem no
> desvantagem konaba koligasaun.Koligasaun implika
> mos,akordos e desakordos,ajusta projektos eleitorais
> kada partido nian,distribuisaun kadeiras,etc. Neduni
> komponentes sira ne hotu bele mos kontribui ba
> governasaun ne estavel ka lae?
>
> Ohin maka ne deit,
>
> Hakuak bot ida,
>
> Naikoli
Hatan ba Alex,
ResponderEliminar1. Semaka Fretilin Renovador(FR)?La hatene se Abel
Larisina ho José Reis mos uluk FR ka lae?Maibe konaba
FR agora ne iha duni grupos ne,sira pertence ba grupos
Renovadores maka:grupo-20,ka grupos nebe mesak membros
CCF deit,konyecidu maka Vitor Costa,Vicente
Maubosy,Reis Kadalak,Francisco Cepeda,no seuk tan.
Klaru ke sira iha duni projektu konkretu,sira nia
projektu maka ne:Alterasaun ba EF (Estatuto Fretilin)
nian,objektivu seluk maka oinsa maka bele troka
Sec.Geral iha Congreso ho foti fali foun. Klaru
compara ho AL ho JR ita lahete sira iha projketu ka
lae,maibe grupos ida agora dehan Renovadores asumí
duni katak oposisaun interna. Grupos ne mosu iha
Fretilin laran ne diak tebes atu nune diak ba Timor
mos diak ba Fretilin.
2.Igreja nia papel,mos importante,se koalia hau nia
artigo neduni tenke centra lai debate iha
F-UNDERTIM-FR!Maibe fila ba artikel deit,relaciona ho
UNDERTIM ho FR deit.Hanesan argumento katak UNDERTIM
ne bele dehan base husi F neduni sira mos sei
determinante iha eleisaun 2007 mai ne,sira bele
provoka desiquilibriu iha konta,liliu konaba % F
nian,tamba UNDERTIM hanesan Beny mos dehan katak “Sira
ne uluk iha 2001 voto ba F,minimu maka vota ba partido
seluk”. FR mos sai hanesan aktor central iha artikel
tamba F atu halo congreso iha fulan Maio mai ne,neduni
iha iha joga maka ne”Lideransa Mari Alkateri no mos
Alterasaun EF nian”. Nebe tuir hau nia hanoin projektu
FR maka utilija naran Renovadores maibe hare ba sira
nia projektu sira maka conservador liu,tamba saida:
Sira hakarak altera EF nia ida oras ne,maibe tuir EF
oras ne maka moderadu liu,iha ninia diferenta maka
ne,FR sira hakarak atribui poder vinkulativu iha
CCF,no reduz poder ba Sec.Geral F nian.EF oras ne
atribui poder ba Sec.G nudar ejecutivo partido nian no
executa estrategia nebe Congreso delibera no CCF
simples hanesan orgaun konsultivu. Se compara projektu
FR ho F iha Mari ho Lu-Olo moderado liu. FR sira
hakarak maka ne F Governo ne F nian,sira hakarak hasae
hotu independente sira.
3.Elesaun cefe Suku hanesan barromater ba eleisaun
Legislativa iha 2007? Eleisaun CEFE suku iha 2005
maibe eleisaun legislativa iha 2007,neduni sei iha
tinan rua buat hotu bele acontece iha tinan rua nia
laran. Iha politika hanesan mos iha joga,la iha
“Vitória anticipada”, la iha manan ida molok to´o
kombate,buat hotu bele akontece. F manan eleisaun cefe
suku,nebe adversário politika ka oposisaun sira mos
nonok deit ka,sira la bok ka.Ka sira mos oras keta
organiza hela karik sira nia estratégia hodi ba
prepara eleisaun legislativa. Ho eleisaun cefe suku
iha tinan 2005 bele ideintifika ona,pontus forte i
fraku,ameça i oportunidade karik,atu nune bele adopta
estratégia nebe maka prepara diak ba eleisaun,ita mos
la hatene. Konaba eleisaun cefe Suku hanesan barromete
ba eleisaun legislativa,ne mos argumentu ida ne
relativu Laos tenke konsidere ida ne absoluta,se se
deit bele halo leitura konaba eleisaun cefe suku sai
hanesan barrometer ba legislativa ba 2007,leitura sira
mos baseia deit b observasaun ida-idak nian,klaru
Timor mos iha limite atu hatene saída maka povo Timor
ninia hanoin konaba Governasaun Alkatiri nian,seidauk
iha polling ba opiniaun publika ka estudo opiniaun
nebe ita iha.Diferensa ba eleisaun iha 2001,2005 i
2007.
2001,eleisaun ba Assembleia Konstituinte (AK) simu
mandu hodi hakerek Konstituisaun.Povo sira nebe vota
iha Fretilin hatene katak sira vota Fretilin ne se
maka Ukun Timor ne,Xanana Gusmão maka Presidente,nia
maka Governa.tamba biban neba sira ladun hatene saída
maka sistema politika Timor nian,Sira iha hanoin
hanesan iha Indonésia nia Ukun presidente maka
Governa.Ikus sira hatene katak Laos Xanana maka
governa,maibe Mari fali. Neduni faktor Xanana mos
determinante iha eleisaun iha 2001.
2005,eleisaun cefe suku,F hili sira nebe sai kandidatu
F nian ema sira nebe iha imagen diak ba sira nia
sukus,sira nebe maka povo konyece iha sira nia latar
belekang,nebe la akontece ho oposisaun. Se Fretilin
manan tamba sira hatene duni se maka Cefe Suku ka ema
nebe sei sai sira nia cefe suku ne.
2007,eleisaun ne diferente:tamba povo eleitoradu F mos
tenke hili se maka sira nia futuro PM. Ne maka hakerek
centra mos iha kongresso F nian ne,mari maka
sc.geral,José Luís ka Abel Larisina,cenário sei
nakloke to´o kongresso.
4.alegasaun iha ka la iha? Maibe tuir dadus no relatus
nebe iha katak:iha duni presaun,uja witoan método
Golkar nian,maka ne: se la hili F la hetan surat
kelakuan baik (SKB),se la iha ona SKB neduni la hetan
serbisu,etc. De faktu kuandu hare husi alegasaun sira
ne no relaciona ho realidade nebe maka ne:se maka
pertence ba Fretilin hetan regalias barak,tender manan
iha proyek,hetan liu acesso ba funsaun publika,hetan
bolsa ba estuda iha liur,faktor sira ne hotu bele
afekta psikologikamente ema nia sentidu de votos.
5.Fretilin manan mos sei baseia ba aspektus sira iha
leten ne,hau mos ladun optimista anesan Alex..
6.Koligasaun Oposisaun nian?
Depende,pre ka pos electoral. Too oras ne seidauk
hatene no seidauk iha dokumentus ruma koalia konaba
koligasaun husi Oposisaun,simples iha conferencia de
impresa ka jumpa pers maka lider sira balun (Mario
Carrascalao,Francisco Xavier no Frenando La´sama
)koalia konaba ida ne.Hau nia hare koligasaun ne
provável liu waihira eleisaun hotu,hare ona %
opisasaun sira bele tau hamutuk sira votos suficiente
ka lae hodi governa,depois ajusta estratégia no
programa ba governa,distribuisaun kadeiras,etc.
Laos deit ba Oposisaun mos bele akontese mos ba
Fretilin,se cenariu la manan maioria absoluta hanesan
eleisaun iha tinan 2001 ne.
7.Igreja ninia aksaun iha fulan Março tinan 2005,sira
nia reivindikasaun ka tuntutan maka “Religiaun i
moral”ne obrigatoriu iha sira nia aksaun ne,ne hanesan
ponto partida ba sira nia mobilizasaun.Depois mosu iha
klaran husu PM Alkatiri tenke dimite. Se liga ho
eleisaun cefe Suku,hare hanesan kabur
hela,tamba:ida,reivindikasaun igreja nian konaba
Religiaun i Moral hanorin iha eskola,to´o ikus sira
assina akordo,nebe hatudu katak Governo hakiduk witoan
no Igreja aproveita hodi hatama mos pontus balun
hanesan “Ilegal konaba Prostituisaun,kondena
aborto”.Rua;ligasaun ho eleisaun Suku?Igreja la haruka
tok povo ka sarani sira ba hili cefe suku nebe,até
Pe.balun dehan tan”Fretilin Sim,Mari Alkatiri Não!”.
Eleisaun cefe Suku ne Laos atu hili fali Mari,neduni
“Cada caso é um caso”. Tolu,Oposisaun aproveite
manifestasaun igreja nian?La iha tok dokumentus ida
maka koalia konaba ida ne,durante tensaun husi Igreja
VS Governo iha oposisaun balun apelo ba
serenidade,apelo ba dialog,deskonyece katak “Oposisaun
maka aproveite mos”.
Ohin maka ne deit,
Naikoli
Antes hau atu fo hau nia opinião ruma kona ba Naikoli nia artigo ne uluk liu hau sei hato Tinan Foun Diak ba maluk hotu! Primreiro hau hakarak reforça deit Naikoli nia opinião katak Undertim sei naok (hasai) votos hosi Fretelin. Hau konkorda ho opinião ne tamba hare ba latar belakang ema sira agora iha Undertim nia laran maioritariamente (bele mos hotu) mesk ema ex-combatentes deit, nebe uluk iha eleiçoes constituintes sira maioritariamente (bele mos hotu) fo sira voto (confiança) ba Fretelin. Undertim ne ho liafuan seluk karik ita bele mos dehan ex-CPD-RDTL, tamba ema sira iha Undertim nemaioritariamente(bele mos hotu) ema sira nebe uluk alinha iha grupo CPD-RDTL. Tamba grupo sira foin hau temi ba ne mesak deit perpecahan hosi Fretelin, se calhar tamba lakon sira nia fiar ba lideransa actual Fretelin nian. Mas la tertutup kemungkinan katak Undertim bele naok mos votos hosi partido seluk mas kemungkinan ne kik liu. Segundo kona ba Coligação sei cria Estabilidade degovernação. Por natureza, coligação ne dificilmente atu hetan estabilidade de governação ida tamba deit interesse partidos sira nebe mak halo coligação ne la hanesan. Partido ida quando atu cumpre 100% ninia promessas eleitorais nia tem que governa mesak, apartir de momento que nia halo coligação inderectamente nia tama ba buat ida mak bolu: queda das promessas eleitorais, apartir daí ameaça mos estabilidade de governação, ne para la koalia tan por exemplo distribuiçao de cadeiras, etc etc...iha malae nia lia karik ema bai-bain hatete: maioria absoluta=estabilidade absoluta, maioria por coligação=estabilidade relativa. Hau hanoin mak ne deit hau nia opinião e abraços ba mi hotu
ResponderEliminarBenigno de Perreira
Etsa@yahoogroups.com