Fo Passeporte Diplomatika tamba amigos

Fo Passeporte Diplomatika tamba amigos

Governo RDTL ikus-ikus ne fo passeporte Diplomatiku ba ema rai liur barak.Sira nebe maka hetan passeporte diplomatika normalmente fo ba personalidade Estado nian,membors governos,diplomata no sira nebe maka hetan kredencial duni atu ba tulun rai no nasaun nebe maka nia portador ba Passeporte Diplomática ne. Atribuisaun ba Passeporte Diplomatika tenke tuir Convensaun Viena iha tinan 1961 konaba “Relasoens Diplomatika no atribuisaun Passeporte diplomatika”.
Tuir noticias nebe maka Agência Lusa haktuir katak “MNEC José Ramos Horta konfirma atribui Passeporte Diplomatiku ba Jornalista korespondencia RDP iha Timor Leste,António Veladas(Lusa,13/12)”.
Tuir rekole opiniaun nebe maka hetan husi Timor oan sira iha Portugal katak, Ramos Horta fo Passeporte Diplomatiku ba amigos sira,ema sira nebe maka iha amizade ho Horta,liliu malae rai liur sira (estrangeiro,red). Se Fo Passeporte Diplomatiku tamba deit amizade ne maka favoritismo i nepotismo. Tuir info nebe maka hetan husi MNE katak “Ramos Horta facilita amigos barak liu husi Passeporte Diplomatiku,sira nebe iha relasaun diak ho nia (Ramos Horta)”. Tuir info nebe hetan husi Portugal katak “Malae barak maka hetan Passeporte Diplomatiku,liliu sira nebe maka serbisu iha secretariado governo nian,parlamento,elementos sira estado nian”. Ida ne maka injustisa nebe verifica iha Timor-Leste depois tinan 30 ita auto-proklama RDTL,RDTL ne ba emar Timor oan hotu. Tuir ita nia Ukun Fuan Inan (Konstituisaun,red) hakerek”Emar rai liur sira nebe maka kaben ho Timor oan so depois tinan sanulu (10) hafoin bele hetan passeporte Timor nian”.Lei ne aplika duni ba cidadaun kiik sira ne (sira nebe la iha posisaun Laos iha estrata sosial nebe maka kateogia ba elites)”. Mos hare mos,iha Padres barak,foti hanesan exemplo deit maka:Pe.Locotelo,husi Salesiano no Pe.Joao Felgueiras,husi Jesuítas,sira nain rua ninia kontribuisaun ba processo Libertasaun la iha emar Timor oan ida duvida,maibe sira nain rua la hetan Passeporte Timor Leste. Ida ne maka dala ruma ita ladun kompreende!