Pascoela Barreto husi Lisboa ba Bruxelas

Pascoela Barreto husi Lisboa ba Bruxelas
( Nudar Ema konfiansa PM Nian)




Drª.Pascoela Barreto, moris iha Bazartete, pertence ba família nebe iha (klasse nebe moris diak iha kolonial Portugal nia Ukun iha Timor LoroSae), iha biban neba nia eskola iha Liceu Dili to´o hakotu ninia estudo, serbisu nudar Professora Primaria iha Maliana, hafoin hasoru malu ho Amilcar Dias (nia lain,ema Portugues),molok funu iha tinan 1975, Drª.Pascoela Barreto tuir nia lain mai Portugal. Iha Portugal Drª.Pascoela Barreto, tama eskola iha ISCTE (Institutu Superior Ciências do Trabalho e Emprego) hola ramo Sociologia, hetan Bolsa (Beasiswa) husi Fundasaun Borge da Costa, nebe Abílio Araújo maka nudar Prezidente. Molok Ukun Rasik An serbisu ho Resistência, nudar secretaria Ramos Horta nian iha Portugal, integra iha organizasaun ba divulga livro Xanana Gusmão nian «“Timor-Leste , Um povo e Pátria”», kaer kargo barak CNRM/CNRT, pertence ba komisaun executivo CNRT, nudar tesoureiro (bendahara) CNRT nian, nebe sai nudar ema importante ba líder sira seluk, iha tinan 1999 to´o Maio 2002 nudar representante Governo transitoriu iha Lisboa, husi Maio 2002 to´o Dezembro 2005 nudar Embaixadora iha Portugal. Iha indikasaun katak Pascoela Barreto sei muda husi Lisboa ba Bruxelas no Laos ba Mozambique nebe tuir desejo MNEC, Ramos Horta nian.

Liu tinan Tolú (3) Restaurasaun ba Proklmasaun RDTL, iha mos mudansas iha representasaun diplomática Timor LoroSae nian. Mudansas iha fatin ba fatin seluk, ba diplomata sira ne buat ida ke normal tebes. Tamba ne maka Governo no Estado Timor LoroSae buka halo mudansas iha diplomata sira. Tuir fontes ka sumber informasaun iha MNEC (Ministro dos Negocios Estrangeiros e Cooperação) katak”MNEC Dr.Ramos Horta atu tau Drª.Pascoela Barreto ba sai nudar representantes Timor LoroSae nian iha Mozambique”.

Loby PM Mari Alkatiri no Drª.Ana Pessoa:

Tuir mos fontes ka sumber iha Embaixada RDTL iha Lisboa katak “Drª.Pascoela Barreto ladun satisfeitu ho mudansas ida ne,nia prefere iha Lisboa ka ba fatin sira nebe maka Laos Mozambique,ka hakarak liu iha Europa”. Tenik tan fontes ne,atu oinsa maka bele kontraria decisaun MNEC, Dr.Ramos Horta nian, Drª.Pascoela Barreto ho nia lain (Amílcar Dias) iha Fulan Agosto tinan 2005 ba passa ferias iha Timor LoroSae, objectivu ba ferias hodi hare família, mos aproveite hodi halo loby,oinsa maka bele kansela nomeasaun ba Mozambique, loby oinsa maka bele hela nafatin iha Lisboa ka ba rai seluk maibe Laos Mozambique. Atu konsegue objetivu ne, estratégia Drª.Pascoela Barreto buka hakbesik ba personalidade sira nebe maka bele influencia iha decisaun politika Timor LoroSae nian,liliu hakbesik ba emar sira tuir mai ne: PM Dr.Mari Alkateri,Drª.Ana Pessoa,Ministra do Estado e Estatal i Abel Ximenes”Larisina”,Ministro do Desenvolvimento.

1.Dr.Mari Alkateri,nudar PM Timor LoroSae nian maka determina,maske bele iha proposta husi MNEC,maibe decisaun final iha PM,buka tau nia ema konfiansa,dala barak maka uja kriterius profissionalismo mos dala barak maka uja kriterius politika. Ba relasaun PM ho Drª.Pascoela Barreto,ne hare liu ba kriteriu politika do ke hare husi profissionalismo,dala ruma de fakto Ramos Horta hakarak tau Pascoela Barreto ba Mozambique tamba hare liu ba kriteriu profissionalismo tamba Pascuela Barreto tinan tolu (3) nudar Embaixadora Timor LoroSae iha Portugal ninia resultadu ladun positivu. Neduni estratégia Pascoela Barreto oinsa maka bele kontraria decisaun Horta nian hodi hakbesik ba Mari Alkatiri. Relasaun líder sira hotu,liliu sira iha liur ne,husi Ramos Horta to´o Mari Alkatiri sira hotu iha tusun ho Pascoela Barreto, tamba iha funu nia laran,sira hotu mai Lisboa hela iha Pascuela nia uman,no seluk tan. Waihira,harii CNRT, Pascoela maka kaer Osan nebe doadores sira fo ba Timor LoroSae liu husi CNRT. Ho ninia posisaun ne Drª.Pascoela Barreto sai nudar emar importante ida ba embot sira (liliu ba Ramos Horta,Mari Alkateri no seluk tan). Waihira koalia konaba ba Osan,buat ida ke konflitus,tamba osan ne sumber ka fontes ba konflitus,neduni iha tinan 2000 Ir.Mario Carrascalao,nudar vice-Presidente CNRT kestiona ba jestaun ba Osan CNRT ladun transparência,iha biban neba líder sira hanesan Ramos Horta “sai hodi defende Pascoela Barreto”,mos Mari Alkatiri iha biban neba la kritika jestaun CNRT nian konaba Osan,maibe aproveite mos Pascoela Barreto nudar personalidade nebe maka kunci iha CNRT nian, postura nebe maka Mari Alkatiri adopta maka ne “La kritika hanesan Mário Carrascalao kritika, maske hatene hela katak jestaun lao la los, mos aproveite mos Pascoela Barreto,oinsa maka Drª.Pascoela ne labele sai deit ema konfiansa ba Xanana Gusmão no Ramos Horta, Mari Uja Pascuela Barreto maske hatene katak kritika nebe maka Mário Carrascalao nia kritika ne koresponde iha realidade,objectivu Mari Alkatiri nian oinsa maka bele mos uja hanesan triunfo politika hodi joga kontra Xanana ho Ramos Horta.

2. Pascoela Barreto hakbesik an ba Ana Pessoa:
Pascuela Barreto hatene katak ema nebe maka Mari Alkatiri rona liu maka Ana Pessoa,neduni buka hakbesik ba Ana Pessoa. Waihira lori ona Ana Pessoa, klaru ke bele influencia mos ba decisaun Mari Alkateri nian.

3.Liu husi Abel Ximenes “Larisina”:
Husi Pascoela Barreto, iha relasaun familiar tamba “Larisina nia Fen ka kaben bin alin ho Pascuela Barreto”,dala ruma husi aproximasaun ida ne bele hetan acesu no remokendasaun diak ida ba PM atu tau nafatin konfiansa iha PB. Mos Pascuela goja witoan relasaun familiar nebe iha ho Nicolau Loubato tamba sira mos mai husi knua ida deit, ida tan Nicolau Lobato kaben ho Pascoela Barreto nia bin ka alin feto. Neduni faktor família Lobato mos determinante konaba kontinuasaun kareira diplomatika Pascoela Barreto nian.

Ho aproximasaun sira ne Pascuela Barreto konsegue kontraria kriteriu profissionalismo no kompetencia nebe MNEC, Ramos Horta uja hanesan kriteriu no hodi halo mutasaun ba diplomata Timor LoroSae nian. Tamba nudar Embaixador (a) ne serbisu ba Estado, Laos deit ba Governo, neduni iha kasu hili Embaixador (a) tenke envolve mos Prezidente Republika, Parlamentu liu husi komisaun politika rai liur nian (Politica externa,red),mos nudar cidadaun iha knar hodi kestiona emar sira nebe maka serbisu lori estado no emar ka povo nia naran. Mudansas iha representasaun diplomática iha rai sira nebe maka iha ninia Diplomata, hanesan Cambera, Jakarta, KualaLumpur, New York, Bruxelar i Lisboa. Iha mos Estado Timor LoroSae sei ba loke tan representante diplomatika iha fatin seluk, hanesan iha Republika Popular China nebe, Dr.Olimpio Branco maka nudar representante. Iha mudança iha kadeira diplomata,iha hakerek ne hakarak hare ba avaliasaun i nota ba representação diplomática Timor-Leste iha Portugal. Iha ikus ne iha lia anin katak Drª.Pascoela Barreto sei muda ba Mozambique, ikus mai rona fali katak nia sei muda ba Bruxelas tamba nudar ema confiansa ba Sr.PM Dr.Mari Alkateri. Se Governo no Estado RDTL mantem Drª.Pascoela Barreto nudar Embaixador (a), no promove husi Lisboa ba Bruxelas nebe nudar centro decisaun politika União Europeia (UE) nian, iha UE sira nia lian oficial (língua Oficial,red) maka “Inglês no Francês”,tuir emar barak hatene katak “Drª.Pascoela Barreto la domina lian rua ne”,tuir mos fontes ka sumber iha Embaixada RDTL katak “Drª.Pascoela Barreto, oras ne dadaun apreende hela Inglês”.

Kriteriu Profissionalismo i Kompetencia vs kriteriu interesse Politika:

Manutensaun Drª.Pascoela Barreto nudar Embaixador (a) no promove ba Bruxelas (Brusel) ne iha razaun oi-oin nebe koresponde ba kriterius sira hanesan: kriteriu Profissionalismo i Kompetencia, mos kriteriu seluk,konfiansa politika,ka ema nebe konfiansa ba elites politika balun. Waihira Diplomata ida maka mantem iha nia posto ka continua iha nia missaun iha rai nebe maka serbisu ba, ne hatudu katak nia iha sucesso iha missaun diplomática. Mantem Drª.Pascoela Barreto nudar representante Timor LoroSae no promove ba Bruxelas, ne hatudu katak ne ema confiança Estado/Governo nian,husi sorin ida. No husi sorin seluk,nia kumpri duni kriteriu profissionalismo i kompetencia nudar diplomata.

Iha kasu Pascoela Barreto nian ne, iha kriterius rua maka joga, MNEC,Ramos Horta tau uja kriterius profissionalismo i kompetencia, nia hatene katak ema nebe maka bele kaer representante Timor LoroSae iha Portugal ka Bruxelas ema nebe maka prenche duni kriterius rua ne, nia (Ramos Horta) konyece diak Pascoela Barreto, neduni diak liu tau ba Mozambique. Tamba husi ninia serbisu iha tinan tolu (3) nia laran iha Lisboa, iha buat barak maka lao la los, la iha política ida ba komunidade Timor Oan, ladun hatudu kompetencia nudar diplomata nebe representa Nasaun no emar Timor LoroSae, ninia konceitu ba diplomacia ba grupos ida maibe Laos ba Timor oan tomak.Hare husi avaliasaun,dala ruma MNEC Ramos Horta bele iha razaun tamba ne maka tau nia ba Mozambique.

Maibe husi PM,Mari Alkatiri uja fali kriteriu konfiansa politika hodi promove Pascoela Barreto ba Bruxelas, kapital União Europeia nian. Hare husi mudansa husi Lisboa ba Bruxelas ne siknifka promove ninia kareira, mos ema ne iha duni kompetencia. Hare husi prekursu Pascoela Barreto nian, hatudu katak nia ema importante ida ba PM, neduni promove nia hanesan ema konfiansa Mari Alkatiri nian!


Se maka manda iha EMBAIXADA RDTL Lisboa?

Tuir avaliasaun tinan tolu (3), Drª.Pascuela Barreto nudar representante Timor LoroSae iha Portugal, Timor oan hotu iha Lisboa iha lian ida ka konkluasaun katak “«Se maka manda iha Embaixada RDTL iha Lisboa, Laos Pascuela Barreto Maibe Sr. Amílcar Dias”». Sr. Amílcar Dias, Laos pertence ba estrutura Embaixada RDTL iha Lisboa, tamba tuir estrutura nebe iha Embaixada maka ne:Pascuela Barreto maka Embaixadora, Conselheiro maka Isilho Coelho no iha adida ba kultura i juventude maka José Amaral. Maibe Sr. Amílcar Dias mos «exerge» poder iha Gabinete Drª.Pascuela Barreto nian, tuir kesar hetan husi Timor oan hotu katak “Iha Embaixada RDTL Lisboa, se maka manda maka Sr. Amílcar Dias “. To´o uja buat privado hodi kahur ho buat sira nebe pertence ba servisu estado nian, exemplo kiik deit: Lori Kareta Privado maibe uja plat CD (Corp Diplomatic), ne hatudu momos katak abuso duni ba poder nebe Governo no Estado RDTL fo hodi respresenta Timor LoroSae iha Portugal! Enquanto uja kareta ho plat CD hetan beneficio barak: la selu taxa ba kareta nian, hetan acesso livre ba trafico, parker la selu,etc.