AMU-LULIK WALTER van WOUWE, SDB

 AMU-LULIK WALTER van WOUWE, SDB

Iha tuku rua dader, oras Europa sentral, loron 16 fulan agostu, tinan 2020, mate iha Bélgica, mau-lulik Walter van Wouwe, ne’ebé uluk serbisu iha Timor-Leste, hahú tinan 1981 to’o 1997.

Ninia aman naran Angelus van Wouwe no inan naran Martha Boghgraef. Nia moris iha loron 6 fulan juñu tinan 1932 iha Bazel Waas-Belgica. Hakarak tuir Dom Bosco, ne’e duni  joven Walter tama noviciado iha Groot-Bijgaarden, loron 2 fuan setembru tinan 1953. Halo tiha profisaun relijioza dahuluk, halo estajiu ka tirosiniu iha Groot-Bijgaarde. Tuir mai,  tama servisu militar  iha Aallst-Luik iha tinan 1958. Sai hosi tropa hala’o tan estájiu iha Oud-Heverlee. Nia husu atu sai misionáriu, ne’e duni superior sira haruka ba Vietname, iha Tuc-Duc. Iha ne’ebá  salesiano Walter halo profissaun perpétua (15.8.1961). Hala’o tirosíniu iha Orfanto, iha Govap.  Tuir mai, nia fila ba Belgica atu simu ordenasaun ba amu-lulik, iha loron 8, fulan Dezembru, tinan 1962, iha fatin Oud-Heveree. Iha tinan 1963, padre Walter tuir Kursu Lumen Vitae, iha Jett, hahú tinan 1963 too 1964. Fila fali ba Vietname, sai katequista no ekonomo iha Thu Duc (Saigão). Iha tinan 1972, sai diretor iha Comunidade Govap.Tanba forsa komunista avansa ba Saigão, sira espulsa padre Walter. Nia fila ba Belgica hodi tuir kursu iha Brugge, no hela iha Sint-Denijs Westren. Iha ne’ebá nia hanorin katekeze. Iha tina 1978, suprior sira haruka ba Filipinas, no hela iha Tondo (Manila). Iha tinan 1982, padre Walter hop padre Rolando Fernandez simu surat obendiensia atu ba serbisu iua Timor Timur. Hahú loron 15 fulan janeiro 1982 to’ o loron 15 de dezembro 1982, padre Walter hela iha parókia Baucau hodi tulun padre Manuel Magalhães no padre Joãoo de Deus. Hahú tinan 1983, padre Walter simu obediência atu sai diretor iha Lospalos. Iha ne’ebá nia hela to’o fulan jullu 1991. Iha paróki Lospalos, padre Walter ho entuziasmu tomak fó moris foun ba SARANI NO JOVEN SIRA. Vizita estasaun misionária sira; hadia igreja Saun Paulo iha vila Lospalos; harii rezidénsia foun ba salesianos sira; harii no loke orfanato ba oan kiak sira; tau matan ba Colégio Fuiloro; harii rezidénsia no igreja iha Iliomar.

Iha tempu padre Walter hela iha Lospalos, dala barak nia tun ba Dili atu trata asuntu ruma. Iha tempu ne’ebá bapak sira tau daudaun alkatraun ba liuron sira. Dala barak sira haruka kondutór ka supir sira atu pára (berhenti). Maibé dala ida iha Rasa (Lautem), no loron seluk iha Seisal, padre Walter lakohi pára. Ne’e duni tentara sira basa nia. Há’u protesta dala ida, no husu amu lulik sira atu labele ba partisipa iha ‘Pertemuan BP 7’., enquanto sira la ba husu desculpa ba amu-lulik…

Padre Walter wainhra nia kaer ona karreta (Hardtop), nia kontenti tebes, no halai maka’as no lais liu..Nia dehan ba há’u iha dalan Lospalos-Iliomar: “kaer karreta ba há’u, ksolok boot ida!”

Iha tinan 1991, superior sira haruka nia muda ba Dili, atu loke Uma saleziana foun iha Komoro (Díli Barat). Uma rezidénsia no ‘Gedung Bengkel’ sira ne’e obra padre Walter nian.

Iha tinan 1998, padre Walter husik Timor Timur, ba serbisu iha Sunter, Jakarta. No iha tinan 1999, nia liu ba Roma ba serbisu iha Ekonomatu, iha Casa Generalicia, Pisana. Iha tinan 2008, muda ba Bélgica, ba hela iha Komunidade  Sint-Denijs Westrem. Ita timor oan, sei agradese padre Walter ba nia serbisu no domin ba Timor-Leste. Ita husu Na’i Maromak atu haraik prémio Lalehan ba nia.

Lisboa, 16 de Agosto de 2020

Dom Carlos Filipe Ximenes Belo