ISTORIA BALUN MATEBIAN JOJO "LASES"

Egas Jose Dias Quintas Monteiro
"JOJO LASES"

ISTORIA BALUN MATEBIAN JOJO "LASES" 

Momentu sai "tahanan" POLDA METRO JAYA

Kastigu tanba demonstrasaun Jovens Estudantil 19 Novembro 1991 (Demonstrasaun primeiro nebe jovens estudantil Timor-Leste halo iha Indonesia).

JOJO triste boot ba ami o husik hela ami hodi haktuir o nia memoria. 

O jovem ida ho idade 17 anos (hamaluk o nia kolega nain rua seluk Nono Canelas ho Ito Belo ho idade kiik liu) hatudu ona o nia  brani nudar foinsae Maubere, bainhira Policia Indonesia kaptura ita i lori ba kastigu hamutuk iha rumah tahanan Polda Metro Jaya, 1991. 

O hatudu buat barak hodi hatudu o nia aten brani ba ami nebe senior liu o. Hau sei hanoin ita iha "sel" ida deit ho Domingos Barreto, Ilidio Ximenes, Benevides Correia, Agapito Cardoso, Virgilio Guterres, hau rasik (Joao Travolta) nsst.

Buat Balun nebe ami sei LAHALUHA iha ami nia VIDA TOMAK

1. O soe ideia ida atu ami o nia maun sira, sosa gazolina fui/fakar ba o nia isin lolon depois  SUNU tiha o iha "sel" laran para atu hatudu ba mundu katak povo Maubere hakarak UKUN RASIK AAN. 
   
   Ami o nia maun sira HAKFODAK tebes ho ideia revolusionario ne.
   
2. Dadersan ida iha vizita husi intel sira indonesia nian mai ita nia "sel", o hateten ba intel sira ne'e ho liafuan a'as i maka'as: "SAYA MENOLAK INTEGRASI, RAKYAT MAUBERE TIDAK MAU INTEGRASI KARENA KALIAN MILITER INDONESIA MEMBUNUH SAUDARA2 KAMI".
   
   O halo ami o nia maun sira HAKFODAK NO SENTE MOTIVADO ho o nia brani ne'e.
   
3. Iha loron ida, o soe tan ideia ida,  atu ita halo "mogok makan" hodi rejeita hahan nebe ema fo ba ita la diak, hahan nebe ita fo ba busa mos busa lakohi han, ne hatudu katak o nia determiasaun no dedikasaun ba luta POVO MAUBERE nian ne sura no sukat lahetan, maibe ami o nia maun senior sira... nafatin akalma o hodi enkoraja katak ita lahatene katak ita nia FUNU ne'e sei dura to'o bainhira.
   
   
4. Bainhira o fo kesaksian ba o nia maun Fernando La Sama iha tribunal Jakarta Central, Juiz hare o nurak demais, i  Juiz dehan ba o nune: "KAMU INI ANAK KECIL, TIDAK TAHU TENTANG SEJARAH INTEGRASI TIMOR TIMUR". 

O nia resposta ba Juiz: "Betul pada tahun 1975 usia saya memang baru 4 tahun, seperti halnya Mikael Gorbachev. 

Mikael Gorbachev lahir dan besar sebagai politikus Uni Sovyet pada saat para pendahulunya tidak berhasil memimpin partai komunis dan Gorbachef melihat bahwa FAHAM KOMUNIS sudah tak cocok pada zaman itu, dan dia melakukan perubahan dengan mencetuskan dan melahirkan faham baru yaitu GLASNOT dan PERESTROIKA.

Sama halnya degan saya, setelah saya tumbuh besar dan belajar tentang integrasi saya sepikiran dengan GORBACHEV bahwa INTEGRASI ini sudah tidak cocok buat rakyat TimTim jadi hari ini juga saya mau TimTim merdeka." 

Sambil ketawa pak hakim menjawab: "WAH KAMU CUKUP PINTAR JUGA YA".

Ne maka alin companheiro JOJO nia memoria balun durante ita nia hamutuk iha "HOTEL GRATIS" Rumah Tahanan  Polda Metro Jaya Jakarta, Novembru 1991 to'o Marsu 1992.

Boa viagem "EGAS JOSE DIAS QUINTAS MONTEIRO", "LASES", hau nia alin, ami membro RENETIL nia companheiro, Povo Maubere nia Asswain no TIMOR-LESTE nia HEROI.

Sasin RENETIL nian

Hakerek na'in

Joao Travolta - Fundador RENETIL