Xanana koalia oin rua, dehan ba Nuncio oin ida, orienta ba CNRT oin seluk

Dili. Visita Nai Prezidente Republica hetan convite husi Amo Papa Francisco hodi ba visita Vaticano iha loron 23.11.2018. Convite Amo Papa nian ható ba Nai PR Dr.Francisco Lu´olo liu husi Nuncio Apostolico Vaticano mai Timor-Leste, Mon. Joseph Salvador Marino, iha palacio Presidencia Republica, loron  Quinta-feira (18.10.2018), hakerek Forum Haksesuk:

"Papa Francisco Convida PR Lu´olo, depende AMP autoriza (FH, 19.10.2018), (1).

Iha loron Terça-feira, 23.10.2018, wainhira Sr. Kay Rala Xanana Gusmão fila husi Portugal, Nuncio Apostolico Mon. Joseph Salvador Marino ba hasoru ho Sr. Xanana iha aeroporto Internacional Presidente Nicolau Lobato, iha sala VIP, tuir info katak Sr. Xanana garante ba Nuncio Apostolica ne´ebe representa Amo Papa, katak sei autoriza. Hakerek Forum Haksesuk, "Xanana promete ba Nuncio Apostolico CNRT sei  autoriza PR ba visita Vaticano (FH, 30.10.2018)", (2).

Maibe lista kandidatu membru nain sia (9) sai nudar moeda de troca, entre CNRT ho Palacio Presidencial. Se lista membru nain 9 husi Partido CNRT mak PR la fó pose,mak partido CNRT sei la autoriza PR ba visita Vaticano. Hakerek Forum Haksesuk, "AMP sei obriga nafatin lista pendente ba PR, hafoin autoriza ba visita Vaticano (FH, 23.10.2018)", (3).

Tuir Amo Martinho Gusmão, hakerek iha FB Fhaksesuk, "AMP sei autoriza pecah rekor, se la autoriza pecah telur (in FB Fhaksesuk, 19.10.2018)".

Tama loron Finadu, loron Mate Bian sira nian, dala prenda ba ita hotu iha loron Mate Bian mak: 

"Xanana koalia oin rua, dehan ba Nuncio oin ida, orienta ba CNRT oin seluk", haktuir João Viegas, observador politika husi UNPAZ, iha nia knar fatin, kampuz UNPAZ Washindo, Quarta-feira, 31.10.2018.

Haktuir Tan João Viegas, "Se CNRT la autoriza ne´e, moralmente  Estado atu hatudu saida ba mundo?", kestiona Dosen UNPAZ ne´e.

Presidente Koreia du Norte Kim Jun UN convida Papa ba visita Koreia du Norte, Papa sei ba visita iha fulan Janeiro tinan 2019.Convite husi Presidente Kim Jun UN, ható liu husi Presidente Koreia du Sul.

Papa Francisco mak convida PR Timor-Leste ba visita Vaticano iha loron 23.11.2018. Convite Papa Francisco nian ba PR Timor-Leste, Dr.Francisco Guterres Lu´olo ható husi Nuncio Apostolico,Mon.Joseph Salvador Marino. (*). 

Referensia:

1) Papa Francisco Convida PR Lu´olo, depende AMP autoriza
http://forum-haksesuk.blogspot.com/2018/10/papa-francisco-convida-pr-luolodepende.html
2) Xanana promete ba Nuncio Apostolico CNRT sei  autoriza PR ba visita Vaticano
http://forum-haksesuk.blogspot.com/2018/10/xanana-promete-ba-nuncio-apostolico.html
3) AMP sei obriga nafatin lista pendente ba PR, hafoin autoriza ba visita Vaticano
http://forum-haksesuk.blogspot.com/2018/10/amp-sei-obriga-nafatin-lista-pendente.html