PUDD dader ho porta voz OMP/AMP no loraik iha CCF

Foto Pagina Facebook: Fretilin - Ba Timor-Leste Ida Buras Liu 

Dili. Partido Unidade Desenvolvimento Democratico (PUDD) halo komunikasaun politika  iha loron Quinta-Feira (23/11/2017), nudar fundador ba Forum Demokrasia Nasional (FDN) no mos partido ne’ebe votus barak liu iha Eleisaun Parlamentar(ELPAR) 22.07.2017 ho 15 mill e tal votus, halo papel ne’ebe dinamika iha politika.

Dader hamutuk ho FDN ba hasoru malu ho porta voz OMP/AMP Taur Matan Ruak nudar mos Presidente PLP (Partido Libertação Popular) no loraik ba halo surumutuk ho Sekretariu Jeral Partido FRETILIN Dr. Mari Alkatiri mos atual PM VII Governo Constitucional. Akompana iha surumutu ne’e Adjuntu Sekretariu Jeral sira hanesan Jose Reis, Flavio Soares no Cipriana Pereira. Husi parte PUDD nian, Presidente PUDD, Sekretariu Jeral  no estrutura sira seluk.