Oral Seks VS Kankru Ibun

Santana Martins,*

Oral Seks VS Kankru Ibun

Oral Seks Kauza ba Kankru Ibun

Ita hatene kala’e katak átividade oral sex ne’e bele kauza mosu Kankru ibun? Peskiza ida hala’o husi The John Hopkins University school of medicine scientist hatete katak átividades oral sex hanesan ásaun transformasaun Human Papilloma Virus (HPV) katak virus ida ne’ebe kauza ba Kankru servix, daet ba ibun ikus bele mosu Kankru ibun

Human papillomavirus (HPV), ka Virus papilloma ema nian mai husi familia ka jénetiku Papilomavirus ne’ebe iha kapasidade  infétar ema nia orgaun. Hanesan papillomaviruses hotu, HPV forma infésaun HPV ho nia natureza, pródutivu deit ba keratinosit laran iha kulit ka membrane mukosa. Dala barak liu infésaun HPV ho natureza sub klinis no sei hamosu sinal físiku, maibe dala ruma iha ema balu infésaun sub klinis sei mosu mai sinais klinis nune’e bele hamosu papilloma benigno (jinak) hanesan Verrucae ou Papiloma sel skuamosa, ou Kanker Servix.

iha dadus balu hatudu katak porsentazem hitu nulu  husi Infésaun HPV klinis iha mane ho feto ida nurak, ita bele menus husi sinais Klinis ba iha sinais sub klinis iha perídu tinan ida nia laran, no entre porsentazem 90 iha tinan rua nia laran. Maibe infésaun subklinis nafatin entre 5% to’o 10% ba iha feto sira ne’ebe htan infésaun, nune'e’e mak sei iha risku boot ba iha pra kankru iha vulva no serviku. No bele dezenvolve an ba kankru ne’ebe invasiva. Dezenvovimentu husi infésaun subklinis ba iha klinis bele han tempu tinan barak, nune'e’e fo oputunidade ba iha it abele halo detesau sedu no mos tratamentu pra kankru. Dezenvolvimentu kankru invasive bele prevene bainhira infésaun HPV subklinis detéta sedu no halo examinsaun rutina

maibe karik ida ne’e mak ita la halo sei fo nia impátu mos ba iha orgaun seluk, orgaun sira ne’e mak relasaun ho asaun ema nia ba atinjimetu biólojiku hanesan relasaun sexual no bele mosu kankru ibun nian bainhira relasaun sexual ne’ebe halo liu husi métodu oral sex. 

Nune’e iha estudo balu hatete katak pasiente moras Kankru ibun kada tinan sa’e bebeik nia númeru iha tinan sanulu ikus ne’e. Laos liu deit numeru Kankru testis no Kankru servix ne’e rasik, ratio pasiente sira ne’e mak entre idade 45 mai kraik ne’ebe átividade sexual sira nia ás hela. 

Prevensaun 

Maski oral seks hanesan moras ida ne’ebe kauza ba Kankru ibun maibe ita labele presisa tauk liu, tamba risku husi transmisaun Kankru ibun liu husi oral sex sei bele konsidera minimu katak ema 1:10.000, pelo kontrariu sigaru mak sai hanesan fátor prinsipal ba kauza Kankru ibun aliende de alkohol. Buat rua ne’e ho nia risku as liu dala 30 kauza Kankru ibun kompara ho oral sex. 

Nune’e Ohin loron Governo Timor-Leste liu husi Ministério da Saúde inklui komponente iha Nasaun laran maioria preukupa hela ho asunto fuma, liga mos ho mudansas attitude moris loron-loron (perilaku hidup) liliu hare ba hahalok fuma no hemu álkohol ne’ebe ikus mai bele provoka moras kankru, dadus Demography Health Survey (DHS 2) tinan 2009 hatudu katak populasaun Timor –Leste (TL) mate porsentu 22,2% tanba hadaet husi moras oin oin liu husi fuma tabaku. Kada tinan Timor Leste nia populasaun 22,2% mak mate tanba tuir dadus ne’ebe  iha, prevalénsia uzu tabaku atual entre ema sira ho idade tinan 15 – 49 tuir Survey demografica ba Saúde  iha tinan 2009 ne’ebe  hatudu mane  69.5%  bo Feto 4.7%  mak fuma  sigaru.”

Dadus mos hatudu katak prevalensia Timor-Leste  nia populasaun  fumador iha sexo mane ho idade  15 a’as liu iha rejiaun Sudeste Asiatiku, iha parte seluk,  prevalénsia uzu tabaku atual entre adolesente  tuir Global Youth Tobacco Survey   hatudu katak mane foin-sa’e   entre Idade tinan 13-15 iha 50.6%   mak  fuma no  feto   foin-sa’e  17.3%  mak fuma sigaru”.

Dadus iha leten hatudu ba ita katak presiza intervensaun ida ne’ebe forte nune’e ita nia an rasik luta hodi bele prevene ida ne’e, esforsu ne’ebe ita hotu hatene mos katak governo konsegue kria duni lei ida hodi bele bandu ema fuma. Maibe esforsu sira ne’e presisa konstribuisaun ema hotu ninian atu nune’e bele miniza kazu insidensia ba moras ida ne’e. 

Nune’e mos esforsu sira ne’e sai hanesan desafius ida mos ba iha Profesionaias da Saúde atu oinsa bele esforsu halo prevensaun liliu atu bele halo esforsu hosi profesionais da Saúde atu habo’ot ema nia konsiensia liu husi sosializa informasaun sientifika ne’ebe hatudu impátu husi hahalok fuma nian nune’e ema iha konsiensia. 

Desafius seluk liga ba topiku ida ne’e nian mos Kankru Ibun nian por konsiderasaun diak liu ita atensaun, domin nafatin ba par ida deit, la troka ba mai parseiro iha relasaun sexual hanesan asaun diak liu hodi evita an husi Kankru ibun. medidas ka asaun seluk mak hamutuk ho parseiru sexual halo konsultasaun previa ba klinika dentaria hodi halo examinasaun ba STD (Sexuality Transmited desease)ou halo cek up saude oral atu konfirma katak ita ho parseiro sexual lalori ka seguru husi Virus HPV, asaun  ida ne’e prefere liu ba parseiro sira ne’ebe atu moris hamutuk forma uma kain ka atu kaben.

Saida mak ita bele halo hodi fo ita nia intervesaun ba iha kauza ida ne’e, asunto hirak tuir mai ne’e nudar átus konsiderasaun ne'ebe maka presiza hanesan;

Vasinasaun

Vasinasaun mos nudar alternativa prevensaun atu hetan transmisaun virus HPV, maibe vasinasaun  so halo deit ba feto especial liu feto ran sira, portantu ba mane sobele halo vasinasaun prevensaun kankru servix liu husi injesaun durante fulan 6 ho kustu ida ne’ebe relativu karun maibe karik ida ne’e ita seidauk bele asesu iha Timor-Leste.

Istoria parseiro Sexual 

Garantia kala’e ho ita nia parseiro sexual dalaruma halo ita sente lahakmatek no laseguru hala’o oral sex maski resultadu teste hateten katak  parseiro sexual ita nia lalori virus HPV. Nune’e atu labele prejudika bebeik parseiro diak liu uza prevesaun hanesan kondom iha momentu hala’o oral sex. Maski dalan ida ne’e laos dalan ida ne’ebe atu fogostu liu ba iha parseiro sexual nian maibe  atu play safe ka kuidadu seguru, duke kompara ho tratamentu ne’ebe bele fo mos impaktu barak ba faktor fisika e psikologia. 

Tratamentu

Assistensia Detésaun sedu ba Kankru ibun bele hasa’e nivel resultadu tratamentu, kuidadu bainhira akontese kanek iha membran ibun ne’ebe susar atu diak depois de semana tolu, ou mosu kafuak-kafuak  kiik iha area ibun ho koor mean no mutin. Diak liu konsulta lalais ba iha médiku sira ou lalais bainhira ihaona indikasaun transmisaun Kankru iha ibun.

Referensia; http://www.dechacare.com

*Enfermeiro, Estudante Programa Mestradu Saúde
Publika, Universidade da Paz
Enderesso; Aldeia Terra-Santa,Suco Madohi, Subdistrito Dom Aleixo,Distrito Dili ,Timor-leste
Hp;+670-77604666, email; santanamartins66@gmail.com, BlogSpot; santanamartins66.blogspot.com