VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

7 Dezembru 1975
Invazaun Militar Indonesia nian ba Timor-Leste
TIMOR-LESTE


Interview with
Fernando Lasama de Araujo: On the road to democracy, where the streets have no name

 
 
   

terça-feira, 13 de dezembro de 2016

Lideransa PD halo Vizita Kortezia ba Prezidente RAEOA/Sekretariu-Jeral FRETILIN

"Hamutuk hametin seguransa, estabilidade no moris diak ba povo Timor"

Foto: PD
Iha loron 12 fulan Dezembru tinan 2016, delegasaun Partido Democrático (PD) nebe kompostu husi Prezidente PD, Adriano do Nascimento, Vise-Sekretariu CPN, António Naikoli Ramos, Vise-Prezidente Komisaun Estudu Estratejiku no Planeamentu, Carlos Saky, Prezidente PD ba Rejiaun Administrativa Espesial Oekusse-Ambeno (RAEOA), Drs. Jose Anuno, MSi., Sekretariu-Jeral PD ba RAEOA, Ir. Jose Oki no Filomena das Neves Klau, Tezoureira OMD Nasional halo vizita kortezia ida ba Prezidente Autoridade Rejiaun Administrativa Espesial Oekusse-Ambeno (RAEOA) iha nia Gabinete. Vizita kortezia husi delegasaun PD ne’e simu direitamente husi Dr. Mari Alkatiri, nebe mos hanesan Sekretariu-Jeral Partido FRETILIN.
 
Sorumutu entre lideransa PD ho Dr. Mari Alkatiri halo ho objektivu hodi koalia kona ba asuntu importante lubun ida inkluindu hametin komunikasaun ho partido politika hotu-hotu, asuntu kona ba lideransa PD iha rejiaun Oecusi, no asuntu nasional sira seluk. Iha enkontru ne’e, Prezidente PD Adriano do Nascimento, hato’o rezultadu Kongresu PD Rejiaun Administrativa Espesial Oekusse-Ambeno no introduz lideransa foun nebe foin eleitu iha kongresu rejional mak hanesan Drs. Jose Anuno, MSi., nudar Prezidente no Ir. Jose Oki nudar Sekretariu-Jeral ba periudu 2016-2022. Prezidente PD, Adriano do Nascimento mos hato’o ba Dr. Mari Alkatiri nudar Prezidente Autoridade RAEOA, karik presiza apoiu ruma ba dezenvolvimentu RAEOA nian, bele konta ho apoiu husi Drs. Jose Anuno, MSi. ho Ir. Jose Oki.

Vizita nebe delegasaun PD nian halo ba Dr. Mari Alkatiri ne’e la’os hanesan vizita kortezia ida de’it, maibe mos parte ida husi desizaun PD nian rasik atu hametin liu tan komunikasaun ho partido politika hotu-hotu, inkluindu FRETELIN. Tuir PD katak komunikasaun nebe diak entre partido politika sira hotu automatikamente sei kontribui ba seguransa, paz ho estabilidade ida nebe metin. 

Relasiona ho eleisaun prezidensial ho lejislativas iha 2017 nian, Dr Mari Alkatiri afirma katak Prezidente FRETILIN, Lu-Olo, deklara ona nia kandidatura tanba ejijensia husi baze to’o nasional. Dr. Mari Alkatiri mos afirma katak “Prezidente Lu-Olo ema ida simples tebes no demasiado simples, ema hanoin hau mak manda nia. Hau nunka manda nia, nia mak demasiado simples. Nia bele sai prezidente diak ida ba Timor”. Hafoin rona informasaun kona ba kandidatura Lu Olo nian, Presidente PD, Adriano do Nascimento hato’o kedas parabens ba Fretilin no Lu Olo. Nune mos, Prezidente PD ne’e hato’o ba Dr. Mari Alkatiri katak PD rasik to’o agora seidauk desidi atu iha kandidatu ka lae ba pozisaun Presidente da Republica iha eleisaun 2017. Tuir Presidente PD katak desizaun sei hola iha kongresu Nasional nebe previsto ona atu halo iha fulan Janeiro tinan 2017.

Sei relasiona ho eleisaun 2017, Prezidente PD, Adriano do Nascimento husu ba Dr. Mari Alkatiri nudar Sekretariu-Jeral FRETILIN, mos lider sira seluk atu hamutuk hodi kontribui ba seguransa no estabilidade iha eleisaun tinan oin mai. Iha sorumutu ne’e, Adriano do Nascimento mos realsa no rekuinese katak 
“Konsesu nebe maun Mari ho Maun Xanana halo hodi garante seguransa no estabilidade nasional ne’e diak. Hotu-hotu tenki hamutuk hodi garante seguransa no estabilidade iha eleisaun tinan oin mai. Espera seguransa ho estabilidade nebe iha ona ne’e, bele kontinua hanesan ne’e ba oin”. 
Nune mos, delegasaun PD ne’e husu ba Dr. Mari Alkatiri nudar Sekretariu-Jeral FRETILIN nian, atu lider politiku hotu-hotu serbisu hamutuk hodi garante kualidade eleisaun ida nebe livre no justu, sein manipulasaun. Basa, iha eleisaun sira liu ba, iha presaun no ameasa, iha sunu uma no oho malu nebe afekta tebes ba eleisaun ida livre no justu. PD hakarak eleisaun ida nebe eleitor sira bele hili ho nia konsiensia rasik, sein presaun no ameasa husi entidade nebe de’it. Iha eleisaun 2012, iha protestu husi Prezidente PD, saudozu La Sama, relasiona ho lider CNRT balu nebe ba toba iha Sede Sekretariadu Tekniku Administrasaun Eleitoral (STAE), nebe halo hela kontajen ba rezultadu eleisaun prezidensial nian. Mos Dr. Mari Alkatiri nebe iha fatin barak sempre hateten katak FRETILIN lakon tanba komputador STAE. Hatan ba preokupasaun PD nian, Dr. Mari Alkatiri dehan katak atu evita manipulasaun iha eleisaun, mak ita hotu tenki tau atensaun ba kontajen de votos sira iha fatin votasaun nian, la’os tau atensaun deit ba pratika manipulasaun liu husi komputador ne’e. Nune, Dr. Mari mos fo hanoin atu husu ba STAE tenki fo kopia husi kontajen de voto iha fatin votasaun ba partido hotu-hotu, nune partido ida-idak bele halo kontajen paralela hodi evita manipulasaun ne’e rasik. 

Hatan kona ba preokupasaun PD nian relasiona ho seguransa no estabilidade, Dr. Mari Alkatiri
Foto: PD
hateten katak seguransa ho estabilidade importante tebes ba Timor, tanba ne’e mak partido FRETILIN halo esforsu hotu-hotu hodi kontribui ba seguransa no estabilidade. Iha biban ne’e Dr. Mari Alkatiri mos esplika ba PD kona-ba mudansa postura FRETILIN nian nebe uluk konfrontativu, no ikus mai buka konsensu hodi kontribui ba seguransa no estabilidade. Tuir Dr. Mari Alkatiri katak 

“politika ne’e ida-idak nian, maibe Timor ne’e ita hotu nian, neduni hotu-hotu tenki serbisu hamutuk hodi mantein seguransa, estabilidade no moris diak ba povo Timor”.
Sorumutu entre lider istoriku Dr. Mari Alkatiri ho lideransa jerasun foun husi PD fo esperansa no konfiansa katak estabilidade politika no dezenvolvimentu nasional sei la’o diak liu tan iha futuru.

Sem comentários:

Enviar um comentário

Nota: só um membro deste blogue pode publicar um comentário.