Asinatura Akordu Mak Obstakulu

Asinatura Akordu Mak Obstakulu

Victor Tavares
FH

Parabens ba MKOTT nebe mobiliza ho partisipasaun husi asosiasaun oin-oin, estudantes sira husi universidades oin-oin, alunus sira husi escolar oin-oin, movimentu partidarius sira, organizasoins resistensia sira no mos sosiedade sivil sira ho maximu ona iha manif loron 2 ne'e hodi exige ba Australia atu tur hamutuk ho Timor koalia kona ba fahe fronteira nebe justu tuir UNCLOS ka lei internacional tasi nian.

Maibe, hau nian DUVIDA mak ne'e: Ita rasik, ita nian boot sira nebe uluk asina akordu hamutuk ho governo Australia hahu iha 20 de Maio 2002 ne'e hakarak RATIFIKA ka lae?

Tanba lia fukun nebe sai hanesan satan ka osbtakulu atu koalia kona ba tasi timor mak ida metan iha mutin leten ne'e! Akordu ida nebe uluk asina iha momentu euforiku, iha ambiente euforia ka haksolok nian okos ita monu ba lasu nebe malae latan hela. Ho laran haksolok ita asina hamutuk dokumentu nebe malae ho hanoin dok prepara tiha ona.

Hanesan katuas sira nian liafuan “ita jura tafui hamutuk ita nian kaben”. Agora ikus mai ita basa reen toos, afinal akordu nebe asina iha ambiente haksolok nian laran lori mate ka ita asina ita nian mate…

Victor Tavares
Forum Haksesuk