“Fundador do Estado”: Hanoin Hamutuk ho José Maria Guterres no Filipe Rodrigues (2)

“Fundador do Estado”: Hanoin Hamutuk ho José Maria Guterres no Filipe Rodrigues (2)

Martinho G. da Silva Gusmão

Docente iha Filosofia Política no Ética

ISFIT, Dili

Husi teoria clássica konaba fundador do estado, ita quase hatan hotu katak Francisco Xavier do Amaral, Nicolau Lobato no sira seluk nebe forma primeiro governo RDTL. Maski la iha “Acta dos Fundadores”. No husi sira ne’e, Dr. Mari Alkatiri sai de’it “uns dos fundadores” (la’os “único”; la’os dynasty ida). Ne’e factum nebe ita labele duni atu nega! Quase ema sira be critica no insulta, la temi Kay Rala Xanana Gusmão nu’udar “uns dos fundadores”, maibe “continuadores” (ne’e buat foun iha teoria no pratica). Maibe, iha buat foun nebe interessante liu husi Max Weber no Karl Marx atu ita tama klean liu tan ba sentido “fundador” no liu-liu, state formation.

Max Weber: The military Perspective

Ita hotu hatene, iha Maio 1975, coligação FRETILIN-UDT naksobun. Tan desconfia malu, 11 de Agosto UDT hahu movimento armada anti-comunista. Líder FRETILIN sira halai hotu ba Aileu. Iha 15 de Agosto sira halo declaração atu foti kilat hodi duni sai tiha “traidor do povo, inimigo da pátria”. Liu tiha, iha fali 20 de Agosto, Rogerio T. Lobato no Hermenegildo Alves hola iniciativa atu hada’u Quartel Geral iha Taibessi. Mosu movimento FALINTIL. Sira la’os FRETILIN. Maibe, neneik sira afilia ba partido ida ne’e. Husi ne’e ba oin, Timor Leste hahu fase foun ida iha luta – regime do terror! Se de’it mak FRETIIN desconfia nu’udar “traidor” ka “inimigo”, sira hakoi hotu. Maibe, situação sai rungu ranga hotu: APODETI ho FRETILIN bele hamutuk tetak UDT; FRETILIN no UDT hamutuk bele harahun APODETI. Mosu “homo homini lupus est” (ema mak sai asufuik ba ema seluk). Iha situação hanesan ne’e mak APODETI no UDT hahu lori tama “equus trojanus” (Troyan Horse, Indonesia; hare film Troy) tama Timor Leste. Hahu 7 de Dezembro, Indonesia halo invasão massiva. Tuir lia-sasin balun, Brigjen TNI Beny Moerdani (hamutuk ho Kolonel TNI Dading Kalbuadi) dehan “makan pagi di Dili, makan siang di Baucau, makan malam di Lospalos”. Ho liafuan hirak ne’e nia hakrak dehan katak TNI/ ABRI sei halot Timor Leste iha 24 horas nia laran, hodi halo nia hakneak iha Pancasila no Merah Putih nia okos. Maibe, infelizmente, Moerdani la halo.

Ho episode badak ne’e, ha’u hakarak foti liafuan Max Weber nian dehan, “By ‘state’ we mean a way in which violence is organized. The state consists of individuals in possession of firearms and other weaponry and willing to put them to use: in the version of political organization found in the modern world, these individuals claim the monopoly of such use ... The state is, in the first instance, the army and the police” (Poggi: 99). Katak, Estado hari’i liu husi dalan violência nebe organizado. UDT organiza ninia luta liu husi movimento armada ida. FRETILIN halot ninia forsa ho meik no kroat. Indonesia tama ho ninia arma pesada. Sira hotu hakarak hari’i Timor foun ida maibe liu husi kilat. Hodi liafuan seluk, fundação ba estado ida bele mos sukat husi “the military perspective”.

Weber nia hanoin konaba “violence is organized” hatudu duni componente kdasar ida wainhira hari’i estado. Fou-foun (1) FALINTIL sai ona “internal uses of organized violence”. Iha situação ida ne’e, nia sai duni instrumento efectivo ida atu halo povo tauk no hakdedar; halo “oposição” ruin sin wainhira la hakruk ba líder topo sira iha FRETILIN. Hanesan Constituição RDTL 1975 hatur kedas iha “princípios gerais” dehan “Compete às Forças Armadas de Libertação Nacional de Timor-Leste – FALINTIL – como as principais forças do poder de Estado, a responsabilidade fundamental de defender a soberania da Nação e a integridade territorial do país; e como força verdadeiramente popular, contribuir para a Reconstrução Nacional em estreita colaboração com as vastas massas trabalhadores” (artigo 3^o). Constituição 1975 dehan katak FALINTIL mak liman kroat no luta-matan povo no nacao, sai nu’udar “principais forças do poder de Estado”. Ida ne’e hatudu duni katak “all state constitution is originally war costitution, military constitution” (cf., Poggi: 99).

Tuir mai (2), FALINTIL nakfilak ba “external uses of organized violence”. Iha 1978, Nicolau Lobato halo discurso no nia hahu ho teoria “guerra de massa” (hanesan iha 1945, Jendral Sudirman ho Jendral A.H. Nasution dehan “perang semesta” hasoru Belanda). Husi “the military perspective” nia hatene katak Indonesia forte liu, Timor Leste fraco liu. Maibe, Nicolau Lobato fiar metin katak “... sabemos, podemos, e, devemos vencer ... a vitória é certa ...”! Neineik, mosu liafuan “FALINTIL mak ikan, POVO mak we”. Los duni, wainhira Kopassus kaer Xanana iha Lahane (1992), Jendral Besar TNI A.H. Nassution dehan, “Jika suatu perang guerilya bertahan lebih dari lima tahun, berarti didukung RAKYAT”. Ikus mai, Kay Rala Xanana Gusmão hasai FALINTIL husi FRETILIN atu sai liman-kroat povo nian no lutu nação nian hodi hahu luta armada ba libertação nacional. Nia mak despartidariza FALITINL husi FRETILIN. Hasoru cerco no aniquilamento husi TNI/ ABRI, ita nia FALINTIL koko reorganiza luta armada hodi hatudu “the moral significance of violence in general and war in particular” – oinsa mak ita bele usa violência maibe tuir moral nia hanorin liu-liu iha funu laran. Ne’e katak, FALINTIL kaer kilat atu tiru malu ho TNI/ ABRI, no la’os ona halo terror ba povo. Husi ne’e mak mosu “FALINTIL ikan, povo mak we”. Ho ida ne’e, Poggi hakerek tan katak, “A significant component of this kind of argument has always been the connection between the challenge of war on the one hand, and the tendency of tighten the hold of the center on the political organs of the periphery of the state on the other hand. In other words, the proximity, the awareness, and the urgency of that challenge have generated and sustained ‘centralization trend’ typical of maturing state” (Poggi: 100).

Maibe, tebes ka lae, FALINTIL mak manan funu? Indonesia sai husi Timor Timur, no ita fila ba Timor Leste ne’e tan luta armada mesak karik? Lae! La iha ema sira FALINTIL ida mak brani hateten katak sira mak duni sai TNI/ ABRI husi Timor Leste. Guerrilheiro sira haraik-an tebes atu kaer metin liafuan “povo mak we, FALINTIL mak ikan”. Ne’e duni, iha caso Timor Leste, fundador das FALINTIL la significa fundador do Estado. Nicolau Lobato defini uluk ona, katak, “a FRETILIN é realmente o povo que luta”!

Karl Marx: The Economic Perspective

Dr. Mari Alkatiri halo declaração iha TVTL konaba nia-an nu’udar fundador do estado ho background projecto ZEESM. Liu husi projecto piloto ida ne’e Dr. Mari koko atu defini hikas ninia “facientes” iha Timor Leste nia historia. La iha ema ida mak nega “factum”, katak, nia iha papel importante – exemplo – hakerek Constituição 1975; nia inan-doben suku bandeira RDTL.

Halo nusa ba mos, iha 1975 to’o 1999, historia la depende ba Mari Alkatiri. Liu tiha 1999, constelação ba historia la’o oinseluk ona. Ha’u hanoin, Dr. Mari hakarak defini hikas ninia papel iha state building maibe ho FRETILIN ida nebe la hanesan ona uluk. Tan sa mak ZEESM sai ponto crucial? Ha’u hakerek ona katak Projecto Piloto ida ne’e hatudu de’it fenomena Erzats Capitalism (Kunio Yoshihara) – capitalismo falso ida nebe ho’is estado nia osan ba “dynasty” família nian. Hanesan ha’u dehan ona, katak projecto piloto ZEESM ne’e ideiai ida nebe di’ak no brilhante, maibe buat balun la los no la tuir dalan. Em vez de fo argumento inteligente, Dr. Mari Alkatiri hakerek liafuan “moe ona”, “hanesan avestruz” no “kokorek ho kokotek maibe la tolun”. Liafuan hirak ne’e la inteligente.

Dr. Mari Alkatiri hanoin katak ho ZEESM nia halo buat boot ida. Marx mos dehan, ho projecto económico mak ema bele funda estado ida. Ho liafuan seluk, fundador do estado ida labele halo buat boot wainhira nia la hatudu capacidade atu hari’i economia estado nian. Projecto Piloto ZEESM ne’e hanesan test case!!! Iha 1975, Lei-Inan dehan, “Sendo Timor Leste uma Pátria de camponeses, a base da economia da República Democrática de Timor-Leste é a agricultura. A atenção do Governo Democrática de Timor-Leste incide especialmente sobre a política de desenvolvimento agrícola, considerando, no entanto, a industria como factor decisivo de desenvolvimento” (artigo 6^o). Tuir mai, “O Estado promove e planeia a economia nacional sempre com vista a garantir o desenvolvimento do país para o beneficio do povo de Timor-Leste” (artigo 10^o). Iha fali Constituição RDTL 2002, hakerek katak “OBJECTIVO DO ESTADO” (artigo 6^o) mak “Promover a edificação de uma sociedade com base na justiça social, criando o bem-estar material e espiritual dos cidadãos” (§ e), tuir mai dehan, “Promover o desenvolvimento harmonioso e integrado dos sectores e regiões e a justa repartição do produto nacional” (§ i).

Ho hermenêutica marxista, ha’u hakarak hatudu katak ZEESM ne’e la tuir espírito fundador do estado sira nian no Lei-Inan ninia klamar moris (geistlichen hintegrund)! Uluk liu (1), ba ha’u, ho projecto piloto ZEESM, Dr. Mari Alkatiri nu’udar fundador do estado ida sama iha fatin namdoras ida no monu tama iha taho laran; husi conceptor Constituição 1975 no 2002, nia sai husi “fundador do estado” ba “furrador do estado”! Liafuan “furrador do estado” mai husi belun ida iha facebook. Maski liafuan ne’e komik, maibe tuir ha’u nia hanoin, sério! Ha’u dehan sério, wainhira haka’it ba Karl Marx nia obra Zur Kritik de Politischen Öekonomie (1859). Husi ne’e mak mosu Das Kapital (vol. I, 1867; nia mate tiha mak mosu vol. II, 1885 husi Friedrich Engels; vol. III, 1894). Ho liafuan “critique of political economy”, Marx hatudu katak estado hari’i iha conflito entre “trabalhador” no “capital(ista)” sira. “Trabalhador” sira ne’e husik hela sira nia rai no knua nu’udar “camponeses” atu tama iha industria. Maibe, neneik rikusoy husi “industria” ne’e “capital(ista)” sira mak tolan tomak. Estado lori “meik no kroat” (militar) atu hanehan “camponeses” ikus mai halakon tiha “beneficio” ba povo tomak. Aliás, ho poder económico no militar, fundador do estado sai fali “furrador do estado”, katak, “the pharisaical capitalist ... denounces this bestiality which he himself creates, perpetuates and exploits ...” (cf., Capital I, ch. 15, § 3). Tuir informação balun, projecto ZEESM hada’u “camponeses” balun nia rai, wainhira sira halo protesta, boss haruka kaer sira hatama cela PNTL; maibe, PNTL la bele sulan sira iha cela laran tan la iha base legal. Ida ne’e exemplo, oinsa mak boss ZEESM sai ona “furrador do estado”.

Tuir mai (2), tuir filosofia marxista, “furrador do estado” ne’e “Typically, the privilege of consumening more than one contributes to the social production process is enjoyed by a minority who make the majority work to own advantage” (Poggi: 102) – katak, baibain minoria oan ida mak “consumo” barak liu rikusoi sira husi processo produção no husik hela maioria ida tolan kaben. Wainhira relação “maioria/ minoria” tama iha conflito nia laran, então “fundador do estado” koko fila lia tiha konaba “material production” ba fali “... the production of symbolic and ideological resources which moderate or divert the majority’s resentment of and opposition to their condition, and an assymmetric allocation also of the capacity to exercise coercion” (idem). Atu sai concreto, wainhira ema husu konaba ZEESM ninia “retorno efectivo” (material production; retorno financeiro no retorno económico), oinsa mak hatan ba povo maubere iha Municipio 11, então proponente fila lia tiha dehan, “buat fohin mak hahu, Mari la’os Maromak nebe halo milagre”, acusa ema sira be halo oposição informal ho liafuan “inveja”, “laran moras” tan la hetan “projecto”; balun dehan tan “lori fali religião” maioria hasoru minoria. Ne’e mak iha teoria marxista hanaran “the production of symbolic and ideological resource”. Husi ne’e hahu mosu relação nebe “assymmetric”, katak, la iha balanso, la iha fiscalização política.

Nune’e (3), ZEESM ne’e sai instrumento “furrador do estado” tan harahun ona barreira “justiça social” no “justa repartição do produto nacional”. Projecto piloto iha Oe-Cusse mesak de’it gasta US$ 218M (OGE 2016). Iha OGE 2015, hasai ona US$187M. Projeção ba tinan 10 nia laran mak 4 mil milhões dólares americano. Justiça social no justa repartição iha nebe? Aliás, lei ninia fuan no ran be hanaran justiça ne’e lakon ninia “fairness”! Afinal, produto nacional la mai husi Oe-cusse, maibe husi mina-rai nebe kona fali zona costa sul. Tan sa mak Suai, Same no Viqueque la sai “zona especial economia”? Maibe, investimento barak ona ba zona ida ne’e to’o ohin loron ita horon de’it iis, la han hetan isin!

Ikus liu (4), “the production of symbolic and ideological resource” ne’e susar tebes atu hetan (tan, la iha duni classe intelectual atu produz filosofia politica iha Estado nia laran), nune’e husi CULTURA DEMOCRÁTICA ida ita halo Estado ne’e monu tama fali ba REGIME DEMOCRÁTICO. Tuir Lei-Inan 2002 dehan, “Plenamente conscientes da necessidade de se erigir uma CULTURA DEMOCRÁTICA e institucional própria de um Estado de Direito onde o respeito pela Constituição, pelas leis e pelas instituições democraticamente eleitas sejam a sua base inquestionável” (preâmbulo C-RDTL). Halo nusa ba mos, Presidência da República no Parlamento Nacional ne’e hanesan instituições nebe hari’i liu husi eleição. Ida ne’e base inquestionável. Ema nebe hala’o ona knar nu’udar DEPUTADO no labele hola knar fali nu’udar Presidente da Autoridade ZEESM. Maibe, hola ona knar nu’udar Presidente ZEESM, nia labele mai fali tur nu’udar DEPUTADO. Ne’e cultura nebe la furak; civilização nebe atrasado! Iha Lei-Inan, Dr. Mari Alkatiri viola artigo 68^o (Incompatibilidade) no artigo 69^o (Principio separação dos poderes). Maibe, Marx nia liafuan relevante los “the pharisaical capitalista ... denounces this bestiality which he himself creates, perpetuates and exploits”!