Inagurasaun Estradas Liquisa-Maubara

FH, Dili, 4 Fev. 2014  

Tuir komunikadu  fo-sai husi gabinete Ministerio Obras Publikas nian (MOP) katak Governu Timor-Leste liu husi akordu ho Banku Dezenvolvimentu Asiatiku (BDA)  atu rehabilita estradas iha Timor-Leste tuir estandar kualifikadu  internacional.

Ministro MOP, Eng. Gastao de Sousa, iha nia deklarasaun haktuir katak, ”obra rehabilitasaun estradas Liquica-Maubara hetan finansiamentu  gratuita 90% husi BDA ne’ebe Timor-Leste hetan ho  ADB Grant No. 0180-TIM: The Road Network Devolepment Sector Project. No Governu Timor-Leste kontribui ho 10%  finansiamentu husi fundu  kontrapartida nebe mai husi Orsamentu Jeral do Estado”. 

Haktuir tan Ministro katak, ”estudus viabilidades no estudus detailadus enjenaria nian ba projetu Estrada Liquica-Mota Ain inklui mos husi  Liquisa-Maubara hala’o husi konsultan Internasional husi Australia SMEC International Pty. Ltd, servisu hamutuk ho Kai Watu Kmanek (KWK) no Empreza konsultadoria Teknika ida ne’e mos mak halo supervisaun ba obra rehabilitasaun Estrada Liquica-Maubara no Maubara-Karimbala-Mota Ain”. 

Obras realiza husi  Empreza Filipina, RD  Interior Junior Construction mak Empresa konstrutora ba rehabilitasaun Estradas (85.54) Liquica-Maubara, ho kustu rehabilitasaun hamutuk Tokon Sanulu Rihun Atus Tolu Resin Dolares Amerikanu (USD 10,333,485.54). 

Estrada Liquica-Maubara nia naruk hamutuk 14,14 Kilometrus (hahu husi Sta. 35+ 550-Sta. 49+691), ho pavimentasaun nia luan metro nem (6M Carriageway) ba kareta nia dalan, ho espasu iha dalan ninin 9shoulder) metro rua, metru ida husi sorin los no metro ida husi sorin karuk. 

Rehabilitasaun Estrada Liquica-Maubara sai nudar  projetu pilotu ba  rehabilitasaun estradas ne’ebe tuir qualidade padraun Amerikanu ou American Standard (AASHTO ho ASTAM Standard) kobre estradas iha Timor-Leste laran  tomak ho servicos cooperativos Emprezas Nacionais no Internacionais sira!  

FHDili