VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

7 Dezembru 1975
Invazaun Militar Indonesia nian ba Timor-Leste
TIMOR-LESTE


Interview with
Fernando Lasama de Araujo: On the road to democracy, where the streets have no name

 
 
   

quarta-feira, 29 de abril de 2009

Exame bo´ot ba Dra. APP nudar Prokuradora Geral Republica

Exame bo´ot iha Fulan ida ba Dra. Ana Pessoa Pinto Kaer Knar nudar PJR

Nodik* Alberto Reis Maklear

Seidauk to´o fulan ida, wainhira Presidente Republika José Ramos Horta fihir Dra. Ana Pessoa ba kaer knar nudar Prokuradora Jeral Republika (PJR), iha loron 27 fulan Marsu tinan 2009. Molok Presidente Republika fihir nia kaben ba kaer knar nudar PJR, husi editores Fórum Haksesuk hakerek hodi hato´o sira ninia hanoin konaba Ana Pessoa Pinto (APP) ba kaer kargu PJR.Tuir editores Fórum Haksesuk sira katak:”Ana Pessoa Pinto, figura diak, imparcialidade duvida (FH,Marsu, 2009)”.

Wainhira Jornais hanesan, Suara TimorLorosae (STL) no Jornal Nacional Diário (JND) hatun noticias konaba “Ana Pessoa Hahu halo Perseguisaun Politika iha PJR (STL i JND, 14/04)”. Nudar leitor aktivu Fórum Haksesuk, fó razaun ba editores katak sira ne´ebe hakerek konaba perfil APP ne´ebe representa figuras tolu: (i) Nudar APP; (ii) APP Militante Fretilin no (iii) APP PJR. Editores Fórum Haksesuk sira mos kestiona ka litik konaba «Inparcialidade APP nudar PJR».

APP kala matenek maibe hare ba saída maka nia halo dau-daun iha PJR, hatudu katak ladun lihai iha jogada estrategica. Tamba deit se wainhira nia lain José Ramos Horta fihir nia ba sai nudar PJR, emar tomak sei tau reserva no duvida ba ninia «imparcialidade». Seidauk to´o fulan ida nia bok ona no hamos dau-daun ona uma laran hodi halo hanesan prrseguisaun politika.

Ba sociedade Timor-Leste, kala balun ne´ebe fó expektativa aas tebes ba APP atu hadia servisu iha Ministeriu Publiku (MP), tamba iha tinan ualu (8) nia laran, sei iha kasus pendentes besik ba rihun lima ho resin maka pendentes hela. Neduni sira bé fiar APP ne´e atu ho nia matenek no konecimentu iha sektor juridiku bele lori netik mudansas oan ruma ba sektor ida ke importante no sensível teb-tebes. Ba sira ne´e hakfodak tamba APP ninia atitude hodi hola atitude ida ke cedu demais tamba seidauk to´o fulan ida.

Ba sira ne´ebe maka hahu temi nia naran, la fiar ba APP atu kaer kargu nudar PJR no sei la hatudu ninia imparcialidade. Hahalok APP nian maka fó razaun ba sira ninia pesimismo konaba figura ida ne´e ba kaer PJR. Ba grupo ida ne´e sei hananu no hakilar katak APP laos figura ne´ebe maka diak hodi kaer knar nudar PJR.

Se maka hanoin aat ka niat jahat sempre deskobre lalais sira nia aat ne´e. Baseia ba expresaun populares ida ne´e, kala APP ho José Ramos Horta kala hanoin ladiak ba rai lulik no povu ida ne´e, ne´eduni sira nia planu sub-subar oan sira ne´e sira rasik maka hatudu mesak deit, molok ema seluk ba deskobre, tuda fatuk maibe la subar liman ida.

Hau nudar ai-leba ida la haksolok, wainhira hakerek konaba Presidente Republika lori knar ne´ebe maka Ukun Fuan Inan (UFI) hodi fihir APP ba kaer knar nudar PJR, ne´ebe la preence kriteriu mínima. Ida tan molok nomeasaun formal ne´ebe baseia ba Dekreto Presidencial, No./2009, loron 26 Fulan Marsu tinan 2009, hafoin lantik Dra.APP ba kaer knar nudar PJR, iha loron 27 Fulan Marsu tinan 2009.

Ironia ba dala uluk, maka ne´e iha segunda semana fulan Marsu, cirkula tiha ona Dekreto Presidencial ida hodi nomeia Dr. Paulo Remédios ba kaer knar nudar Adjuntu PJR, molok nomeasaun Dra. APP ba PJR no membru efektivu Konseilu Superior Ministeriu Publiku (KSMP) ne´ebe tuir Lei Ministeriu Publiku nia maka Presidente KSMP. Ironia ba dala rua, oinsa maka hili ka nomeia uluk Adjunto PJR liu husi Dekreto Presidencial, molok hasae Dekreto Presidencial hodi hili PJR Dra. APP rasik.

Tuir Dekreto PR hodi fihir Paulo Remédios ba adjuntu PJR hakerek nune´e, ne´ebe jornais hanesan STL i JND haktuir (STL i JND, 16/04) iha kraik ne´e:

(…)” DECRETO DO PRESIDENTE DA REPUBLICA

Nº…./2009

Presidente Republika tuir artigu 86º, alinya L) husi Konstituisaun RDTL no konjuga ho artigu 14º, nº.1 no 2 husi Lei No. 14/2005 loron 25 fulan Júlio, aprova ona Estatuto Ministeriu Publiku, no dekreta: Rona KSMP, hodi hili Dr. Paulo dos Remédios, Jurista ne´ebe iha meritu rekonyecidu liu tinan rua nulu (20) ninia experiencia profissional para kaer kargu Adjuntu Prokurador-Jeral Republika (PJR), iha komisaun servisu.

Assina iha Díli, …Fulan Marsu tinan 2009

Dr. José Ramos Horta

Presidente Republika

Tuir Carmelita Moniz ne´ebe nia naran envolve iha karta ne´ebe maka Sra. APP haruka ba Presidente Republika ninia deklarasaun ba JND i STL katak “Tuir Lei la loke dalan ba ida ne´e. Hatutan Carmelita Moniz, se la iha inkompatibilidade hau sai kleur ona no sei exerje mandatu nudar membru KSMP to´o tinan oin (hare JND i STL, 16/04)”. Karta APP hato´o ba Presidente Republika hodi hasai João Cancio no Carmelita Moniz. Iha karta ne´e hakerek nune´e:

(…)” MINISTERIO PÚBLICO
Procuradoria-Geral DA REPÚBLICA

Gabinete do Procurador-geral da República

Sua Excelência
Senhor Presidente Republika
Dr. José Ramos Horta

Díli, 14 de Abril de 2009

N. Refª.nº12/CSMP/2009

Assunto: “Komposisaun Konseilu Superior Ministeriu Publiku”

Excelência, Konseilu Superior Ministeriu Publiku (KSMP) tuir ninia komposisaun fixa tuir artigo 134º, nº2, Konstituisaun RDTL.

Vogais ida hili husi Presidente Republika (PR), ho mandatu ba tinan hat (4), tuir aplikasaun subsidiaria no analógica ho artigo 10º , husi Lei nº 08/2002, loron 20 fulan Setembro, ho redasaun foun tuir Lei nº. 11/2004, loron 29 fulan Dezembro (Estatuto Majistradus Judiciais).

Iha tan artigo nº. 16, nº.2, husi Lei nº.14/2005, loron 16 fulan Setembru (Estatuto Ministeriu Publiku), haktuir:«Tuir entidades nebe maka temi ona iha artigo uluk fihir ka hili tan membru suplente, hodi troka membru efektivu wainhira nia la iha ka la bele tuir».

Ba sira bée nudar membru efektivu, membru sira aktual ne´e maka fihir husi Presidencial monu iha Sr. Dr. João Câncio Freitas, agora dau-daun kaer knar nudar Ministru ba Edukasaun, no kondisaun ba sai nudar membru suplente, fihir Sra.Dra. Carmelita Moniz, oras ne´e dau-daun, halo ninia mandatu efektivu nudar Lia Nain iha Parlamentu Nasional.

Kasu sira nain rua nian, oras ne´e dau-daun, salvo no respeita, tamba situasaun de imkompatibilidade hodi halao sira nia knar, konfigura karik viola principius ba separasaun poderes.

KSMP, orgaun ne´ebe maka Majistratura Ministeriu Publiku, preferencialmente tuir, lolos tau cidadaun sira ne´ebe idóneos, labele kaer knar ka titulares iha orgaun soberania seluk.

Garantia hot-hotu konaba kriterius hodi orienta aktividade majistradus sira bele viola, se situasaun pessoal no profissional husi Majistrados, ka sira bée sei mai servisu iha ministeriu publiku, depende hela ba poder externo ba poder KSMP, iha kasu hotu, la iha «jurisdicionalmente sindicável».

Ami refere iha ne´e, tuir aferiasaun iha vertente klassifikasaun ba servisu no infraksaun disciplinar «Stricto Sensu».

Nune´e, lori preokupasaun sira ne´ebe maka hato´o, tuir ami nia hanoin submete ba Exelencia hodi aprecia ba assuntu ne´ebe maka ami hato´o referencia iha leten, hein katak tetu no hanoin didiak hodi fihir fali vogais foun ba KSMP, ne´ebe labele sai hanesan situasaun ne´ebe ami hato´o dau-daun. La iha tan assuntu seluk ba ohin, Senhor Presidente Republika ho hakraik-an ba biban ida ne´e hato´o ba Excelência, ami nia kumprimentus no protestos ami nia konsiderasaun aas tebes no estima pessoal.

Prokuradora Jeral Republika

Dra. Ana Pessoa

Exame bo´ot ba Sra. PJR APP iha fulan ida nia laran, kaer knar nudar PJR hahu dau-daun ona hamos uma laran, oinsa maka bele hadia liliu nia tenke koerente tuir surat ne´ebe maka nia hakerek ba Presidente Republika konaba hili no fihir vogais foun hodi troka Carmelita Moniz no João Cancio Freitas.

Termo sira ne´ebe maka APP uja lori PJR no Presidente KSMP nian maka: idóneos, principius separasaun de poderes no inkompatibilidades. Ba PJR APP ninia lia fuan sira ne´e atu iha folin no ba ema hotu atu bele banati tuir, APP rasik maka tenke hatudu iha pratika. Tamba iha fulan ida nia laran, APP hahu ona halo trik-trik politika oinsa maka halo dau-daun ona perseguisaun.
Surat ne´ebe maka APP hakerek hodi haruka ba Presidente Republika sai hanesan lalenok ida hodi leno hela estrategia no tatika saida deit maka APP nudar PJR no Presidente Republika Dr. José Ramos Horta lori Instituisaun estadu nia naran hodi joga interesse grupos sira iha instituisaun estadu nia laran. Ne´ebe tuir Deputadu CNRT, Adérito Hugo komenta ba surat ne´ebe maka Dra. APP nudar PJR hato´o ba PR José Ramos Horta ne´e klassifika hanesan: «Hanesan Surat Cinta (STL, 23/04)» tamba iha surat ka karta ne´ebe maka Dra.APP haruka ba Dr. José Ramos Horta hanesan surat nebe intimu, ho relasaun intima ne´e hodi influencia ba decisaun estadu nian, hanesan husu atu fihir fali Membrus KSMP foun.

Se APP koalia hodi uja termus mesak furak iha ninia karta ba Presidente Republika, konaba idóneos, principiu separasaun poderes no inkompatibilidades, buka hahu husi APP rasik. Buka hare ba kotuk procesu APP molok no oras ne´e kaer knar nudar PJR.

APP nudar PJR buka hatudu duni liu husi bok uluk kasu sira ne´ebe maka envolve nia rasik wainhira sei kaer knar nudar Ministru Estadu no Estatal (MEE) ne´ebe envolve-an iha kasu balun ne´ebe iha indisius makas ba korupsaun. Haknauk deit, kasu korupsaun iha STAE ne´ebe oras ne´e arquiva tiha ona, tamba kasu korupsaun iha STAE mosu wainhira APP sei kaer knar nudar MEE. Se APP la hahu husi ninia kasu rasik, maka APP ninia imparcialidade ita sei kestiona nafatin!

*Hakerek Nain, servisu nudar Aileba iha Merkadu Taibessi, Díli!

Sem comentários:

Enviar um comentário

Nota: só um membro deste blogue pode publicar um comentário.