VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20090219

MARI ALKATIRI IHA 1974 SUSPEITO ELEMENTO APODETI INFILTRADO IHA FRETILIN

Hussi : Vicente Mau Bocy dirigente F-Mudansa*

Informasaun Mari Alkatiri agent de APODETI iha FRETILIN kala los duni maka MA la mossu iha sede FRETILIN iha Santa Cruz durante fulan tolu resin.

Narasaun do Acontecimento
Foin lalais hau ba Hotel Timor atu hetan malu ho kolega ida. Depois do encontro hau hare Dr.Abilio de Araujo tur hela iha kantu ida mesak. Entaun hau aproxima hodi dala lia ho Dr. Abilio Araujo.

Entre varios assuntos, hau relata ami dirigentes no militantes F-Mudansa nia politica hasoru comportamento politico MA anti-democratico, nebe inflexivel ba dialogo atu taka dalan atu hetan consensus. Ami nia luta politica puramente kontra MA la os kontra FRETILIN. Ami hahu desde 2003 to ohin loron. Remata kuando MA resigna-an hussi cargo do Secretario Geral da FRETILIN.

MA se lider ida iha moe, depois das derrotas iha eleisaun devia voluntariamente resigna-an hanesan lideres politicos sira seluk iha nasoens democraticas. Como individuo ida ambisioso demasiado do poder mesmo ke lakon no frako nia sente forte nafatin, la reconhece erros nebe nia komete iha nia governasaun, nebe kausa descontetamento de 150.000 votantes la vota ba FRETILIN.

Hau nara ba Dr.Abilio, aspectos negativos da lideransa MA nebe kausa derrota bot ba MA nebe subar-an ka tabele ba FRETILIN nia valores historicos hanesan:

1. MA lider ida, la iha kualidade, atu halibur FRETILIN oan sira, ho MA nia arrogancia no autoritarismo maka provoka descontentamentos barak, hodi nune’e provoka demonstrasoens, obriga MA resigna iha 26/06/06.

2. Durante nia governasaun hamossu crise atu garante nia posisaun ba segundo mandato mas infelizmente la konssegue.

3. Tamba MA nia imcapacidade atu akomada diferentes vertentes no interesses diferentes segmentos iha FRETILIN maka halo militantes sira namakari ba Partido seluk;

4. Tamba MA nia arogancia excessive no transforma FRETILIN companhia privadu maka votantes 150.000 vota ba partido seluk hodi FRETILIN lakon eleisaun geral no kausa MA nia frustrasaun incalculavel;

5. FRETILIN hetan insucessos no derrotas, responsavel maka MA.

Hau adianta tan ba Dr.Abilio kona ba ami nia programa atu halo rekoncialiasaun atraves de negociasoens mas MA rejeita totalmente ho tauk- lakon kargo do Secretario Geral.
Ami nia plano maka hanesan:

I. Formasaun lideransa ida konjunta, nebe la iha parte ida lakon no ida manang; ker dizer “win win solution”

II. Se hussi radikal eskolha Presidenta Mudansa Secretario Geral ou vice-verssa;

III. Vice nain rua, ida hussi sira ida seluk hussi ami;

IV. Membros CCF fahe hanesan;

V. Alkatiri ho Lu Olo insucessos ba eleisuan, sira diak liu deskansa;

VI. Halo Congresso ka Conferencia ida extra-ordinario atu formaliza.

Dr.Abilio louva ami nia programa atu hadia FRETILIN ba kurto no longo prazu. La iha duvidas, naran ida FRETILIN sosa ho terus no raan rihun ba rihun nun’e duni ita la permite atu ema ida ka grupo ida atu usa patrimonio nacional ba sira nia beneficios.

Saida istoria dehan kona MA?

Iha Timor Leste 1974 -75

Dr. Abilio dehan “ iha meados de Setembro ate Dezembro de 1974 Dr.MA la mossu iha sede FRETILIN (Santa Cruz) katuas Xavier nia uma. Razaun de afastamento, tamba radio APODETI anuncia katak sira nia elemento ida infiltra iha FRETILIN nia laran. Daí ema barak deskonfia MA. Komo boatus barak i ema barak deskonfia MA, tan nune’e maka MA la mossu iha sede FRETILIN - Santa Cruz”.

Dr.Abilio adianta tan” 20 de Dezembro de 1974 nia (Abilio) sae motor ida, liu hussi AKAIT hare MA hamrik bilang hanesan “manu moras” Dr.Abilio dehan ba MA “ mai ita rua ba pasiar fo volta ida. MA mai I tur iha kotuk I Abilio lori fali MA ba sede FRETILIN iha Santa Cruz. Hodi nune’e MA kolado ba FRETILIN to ohin loron.

Se Dr.Abilio maka la fo ajuda no koragem ba MA atu fila ba sede FRETILIN, oras ne’e Dr.MA hela iha nia moris fatin iha Kupang. Dados balu hussi Arkivu Nacional, hatudo Dr.MA moris iha Kupang.

MA koalia nia patriotismo to iha lalehan as liu do ke kuadros ka militantes FRETILIN seluk. Hau hamanasa Dr.MA nia real patriotismo tamba sei dauk demonstra iha practica. Parece tamba MA sai Secretario Geral da FRETILIN, Primeiro Ministro tinan 4 fulan ida, nia MA konsidera ona barometer patriota. MA patriota de insucessos e sofre derrotas sucessivas sim. Mas bom patriota nebe sacrifica ka devota ba ema barak nia kausa hau sei dauk hare.

Governo kolonial Portugues maski ukun +/- 450 anos, defende riko soi Timor Leste nian iha Timor Gap hodi la fo cedencias ba Australia atu explora tamba la fo beneficios barak ba Timor Leste. Mari Alkatiri ukun deit tinan 4, Timor Leste lakon possus de gas no petroleo Bay Udan, Caroline, Buffalo. Pior liu tan ansi (buru-buru) demasiado assina fronteiras aguas teritoriais ba 50 anos sem necessidade kona ba Sunrise. MA trata Timor Gap nia rikezas hanesan sasan iha nia kintal laran. Hare ba tratados, sira uluk entre Portugal ho Holand, Portugal ho Indonesia, ho referencias ba marine chart, hussi USA de 1963, bkolu de gas Sunrise 100% Timor Leste nia jurisdisaun.

Komo MA nia patriotismo ba $billioens de dolar atu transforma Timor Leste propriedade do Sultaun ka Sheik Mari Alkatiri prejudica interreses de recurssos financeiros de Timor Leste ba longo prazu.

MA iha diaspora Dezembro 75-2000

Fontes hussi Dr.Abilio no Lugo, Dr.MA ema ida muito ambisioso do poder mas la matenek usa poder. Usa poder ho sentido de malvadez significa gosta ka iha prazer estraga ema seluk. Los duni.

Tuir referencias Mari Alkatiri chefia delegasaun nebe ba exterior iha 04-12-75 ho Rogerio Lobato no Ramos Horta to Setembro de 1978. Tamba incidente do kasu de Ketembe, (Mosambike) nebe Rogerio sulan FRETILIN oan sira lubuk ida inclui mos Ana Pessoa, Noel hetan katanada ida hussi Mario Uatolari, halo governates hussi FRELIMO halo intervensaun ba investigasaun. Resultado da investigasaun, governo FRELIMO fo sugestaun atu Jose Luis Guterres sai nudar Kordenador to 1983 kuando Komando da Luta hussi interior fo cargo da Presidencia ba Dr.Abilio de Araujo to 1989. Komando da luta kria orgaun foun Comissaun Directa da FRETILIN (CDF) hodi troka Presidencia da FRETILIN iha exterior. Huno ho Hodo maka chefia CDF.Contudo Dr.Abilio continua chefe da Delegasaun Externa da FRETILIN to 1994.

Hussi 1994 ba oin Jose Luis Guterres maka chefe DEF to Junho de 1988 golpe de Conferencia iha Sydney nebe MA ho Estanislau halo. O mais vergonhoso, MA ho Estanislau konvoca Conferencia de Sydney sem previo conhecimento do chefe da Delegasaun maka Jose Luis. Resultado da Conferencia de Sydney MA sai nudar Vice Cordenador da FRETILIN. Cordenador maka Lu Olo.

MA nia figura iha liur “la vale buat ida “ sempre hetan deit insucessos sai nudar lider period ida badak.

MA nia presensa iha Timor Leste ano 2000-2009

I Congresso da FRETILIN Julho de 2001 MA hetan sucesso bot hodi okupa kargo do Secretario Geral (SG). Maio 2006 re-eleito ho manipaulasaun da eleisaun foti liman ho ameasas de lori kilat ba II Congresso.

Maio de 2002 MA unilateralmente elege nian aan ba Primeiro Ministro sem conhecimento no aprovasaun do CCF. Durante nia governasaun halo konfrontasoens internas ho Grupo Renovador nebe critica MA nia attitudes anti-democraticas iha Partido laran.

Abril 2005 MA confronta ho hierarkia Igreja Catolika semana tolu nia laran.
Maio dia 07 de 2006, Rogerio Lobato apresenta Railos, Leandro ho Mateus (Rakat) ba MA iha nia residencia Farol as 15.30 hodi simu instrusoens kona ba “Eskuadraun de Morte”.

Maio dia 08 as 22.00 horas Railos ho nia elementos sira simu 1a remessa de armas prepara ba II Congresso. Iha 09 de Junho de 2006, grupo Railos halo 1a denuncia ba jornalistas sira kilat nebe sira simu hussi MA atraves do Rogerio Lobato .

19 de Junho de 2006 2a denuncia aberta ba conhecimento do publico acto + notavel + maravilhoso do MA iha nia kareira politica fahe kilat ba civis atu oho malu, halo intimidasaun de forma atu assegura MA ba segundo mandato do governo tanba por vias democraticas no legais MA totalmente konvencido hetan derrota bot.

26 de Junho de 2006, lider historico, forssado resigna-an vergonhosamente mai hussi “people power”. Iha 2007 duas derrotas consekutivas, presidencial no legislativa. Ho derrotas rua halo MA deskontrolado, desnorteado no frustrado makas.

MA la para. Continua fabrika propagandas falsas hanesan governo inconstitucional elegitimo etc. Fevereiro de 2008 parece MA halo parte ba kumplicidade do duplo atentado 11-02-08 ba Presidente da Republica no Primeiro Ministro.

Atentado ne’e, la hetan sucesso MA nia expectative atu hatun governo AM hetok + dificil.

28-11-08 MA kontente tamba Presidente Ramos Horta anuncia ba publico iha discursso official, nomeasaun MA atu chefia pipeline Task Force. Maibe semana ida depois, Bancada CNRT halo reasaun makas atu anula decisaun do Presidente da Republica. Hau mos hakerek ba Forum Hahsesuk abuso do poder do PR interfere ba assuntos do governo. Ho reasaun hussi membros da F-Mudansa iha jornal no Parlamento PR mos para atu promove MA ba chefia pipeline Task Force. Hipocrito no absurdo na cara de lata MA la reconhece governo AMP iha coragem hussu esmola atu lidera pipeline Task Force.

Ultima tentativa MA sadere ba Ramos Horta iha semana kotuk, atu kria Komissaun de Eminentes dos lideres historicos nebe MA mos halo parte ho objectivo, kualker decisaun estrategico Parlamento no Governo submete ba orgaun de eminentes. Bloko de AMP contraria proposta ida ne’e, nebe viola orgauns soberano nia competencia i Presidente da Republica la avansa tan ba oin.

F-Mudansa trai MA la trai FRETILIN

F-Mudansa nia dirigentes no militantes tomak desenvolve asaun politica hassoru MA la kontra FRETILIN. Mari Alkatiri nia comportamento politico 99% Timor oan la gosta. Nia sorte tanba tabele ba FRETILIN. Descontentamento Timor oan tomak baseia ba nia (Alkatiri) ambisaun politica, sacrifica Timor oan barak maka mate iha crise nia laran, bens no propriedades barak destruidos no kausa sofrimento ba 150.000 deslokados moris kuase tinan 2 iha tenda okos.

Hau hakarak desafia Dr.MA ho nia lakaios, tau tiha FRETILIN iha sorin, experimenta loke Partido foun, se maka hetan votantes barak liu?

Plano de F-Mudansa

Hau nia ambisaun pessoal esforssa iha tempo badak atu MA tama lalais iha prisaun, tanba MA maka responsavel maximo da crise de 2006. Familias vitimas mos kontactu ona Aseri atu denuncia lalais MA nia envolvimento. MA nia sorte tanba Ramos Horta sei protégé hela nia.

Maibe eleisaun de 2012 cenario politico oin seluk ona. Presidente da Republica mos figura seluk ona, provavelmente figura ida hussi AMP, pelo ke + facil atu loke fali MA nia file kona ba crise. Juizes internacional hirak nebe defende MA oras ne’e remata ona sira nia kontratu, aliados AMP nian maka sei okupa posisoens estrategicas iha area justisa atu facilmente dudu lalais MA ba kadeia ho nia cronies sira.

Sucessos de Mau Bocy versus Mari Alkatiri

a. Mau Bocy oras ne’e contente ho nia camaradas de luta tanba, hetan sucesso bot hatun Mari Alkatiri hussi Primeiro Ministro; no fo derrotas sucessivas iha eleisaun Presidencial no Legislativa; no taka dalan atu MA ho nia cronies sira atu kaer segundo mandatu do governo.

b. F-Mudansa trava Mari Alkatiri atu chefia Sunrise Task Force;
c. Mau Bocy konssegue hetan expert pipeline hodi halo bathymetric survey nebe possibilita Sunrise pipeline mai Timor Leste;

Enkuanto Mari Alkatiri

a) sofre oras ne’e frustrasaun profunda desespero extremo, angustia inculculavel kona ba lakon poderes de governasaun;
b) Mari Alkatiri nia mehi atu ukun 50 anos torna-se “fantasia” hanesan mos atu MA sai Sultaun ka Sheik + rico de Timor Leste hanesan Sultaun de Brunei;
c) MA nia oras besik dadaun ona atu militantes FRETILIN tomak duni MA sai hussi Secretario Geral;
d) MA besik ona tama Komarca , tanba juizes internacionais sira nebe defende MA iha Tribunal de Recursso ba hotu ona.

Conclusaun:

I. Mari Alkatiri lider ida falhado no derrotado atestado ho evidencias; ema ida inteligente kuando aprende hussi nia erros. Mari Alkatiri nunca corrige nia erros. Daí assume bastante estupido ou maluco;

II. Dr.MA. Horizonte politico ba 2012 ita bot sei apanha derrota valente ida tan hussi ami. Sorte bot maka hetan kadeiras parlamentar o maximo 5. Sorte at karik la hetan kadeira ida hanesan UDT.

*Exklusifu ba Forum Haksesuk (http://www.forum-haksesuk.blogspot.com/)

1 comentário:

  1. Caros Editores,
    Favor ida hatama comentario oan ne'e iha artigo Sr. Mau-Bocy nia okos
    Obrigado wa'in
    Raul Casanova

    Artigo Sr Mau-Bocy nian ne'e diak ona, maibe parece parece autor falta
    de cuidado, dados balu iha nebaa ladun los. Por exemplo, CDF Mau-Bocy
    hakerek Comissão Directa da Fretilin. Ne'e sala, los mak ida Comissão
    Directiva da Fretilin. Erro seluk tan, Sr. Mau-Bocy dehan José Luís
    Guterres kaer DEF husi tinan 1994 to'o 1988. Los mak husi 1994 to'o
    iha 1998.

    Alem de erro sira ne'e, Mau-Bocy mos halo acusação lubuk ida ba Sr.
    Mari Alkatiri. Akuzasaun sira ne'e kala los, karik la los, com
    certeza, Sr. Mari lori Sr. Mau-Bocy ona ba Tribunal, tanba lei
    difamasaun nebe'e Sr. Alkatiri ho Sr. Lu-Olo produz sei valido hela.
    Lei ida ne'e mak ohin loron Sra. Lucia Lobato usa hodi lori mos Sr.
    Jose Belo ba Tribunal.

    Obrigado wa'in

    Raul Casanova

    Caros Editores,
    Favor ida bele publika comentario oan ne'e nebe iha relasaun ho Sr.
    Mau-Bocy nian artigo.

    Artigo ne'e em geral diak maibe iha pontos balu precisa halo
    komentario. Iha Sr. Mau-Bocy nia artigo, paragrafo hateten nune'e:

    "... eleisaun de 2012 cenario politico oin seluk ona. Presidente da
    Republica mos figura seluk ona, provavelmente figura ida hussi AMP,
    pelo ke + facil atu loke fali MA nia file kona ba crise. Juizes
    internacional hirak nebe defende MA oras ne'e remata ona sira nia
    kontratu, aliados AMP nian maka sei okupa posisoens estrategicas iha
    area justisa atu facilmente dudu lalais MA ba kadeia ho nia cronies
    sira".

    Se mak bele garante iha 2012 Horta la kandidata an? Será ema hotu iha
    hanoin hanesan ho Mau-Bocy kona ba Horta? Keta lae karik.

    Seluk fali Sr. Mau-Bocy dehan: "Juizes internacional hirak nebe
    defende MA oras ne'e remata ona sira nia kontratu, aliados AMP nian
    maka sei okupa posisoens estrategicas iha area justisa atu facilmente
    dudu lalais MA ba kadeia ho nia cronies sira".

    Ida ikus ne'e, hau hanoin Sr. Maubocy hanoin sala, tanba juíz sira nia
    knaar la'os atu ba apoia parte ida e persegue ho kondena parte seluk.
    Juís sira tenki hala'o nia serbisu sem influencia husi grupo ruma.

    Hau hanoin nem ema hotu iha AMP hanoin hanesan Sr. Maubocy hanoin,
    tanba atu foti juís ida tenki haree husi ema nia experiencia ho
    conhecimento tecnico oioin, la'os haree fali husi aproximasaun pessoal
    ho força politika ruma.

    Se Sr. Mai-Bocy iha visão hanesan dadaun agora, e aban bainrua sai
    lider iha Timor, ne'e perigo boot ba Timor ninia justiça, tanba hanoin
    ne'e la seluk e la leet atu pratica KKN. Iha ne'e hatudu momos tanto
    Fretilin radikal ho Fretilin Mudança la iha seriedade atu kombate KKN.
    Sira hakarak usa juís sira hodi joga malu, maibe la hanoin oin-sa
    apoia juís sira hodi halo serbisu ida independente lolos e diak ba
    Timor oan tomak.

    Sr. Mau-Bocy mos precisa hatene, Timor oan sira nebe'e agora serbisu
    iha Tribunal de Recursos, quase sira nebe'e husi Fretilin radikal nian
    kaben de'it. Sera facil atu ba troka ema sira ne'e. Atu ba tuur iha
    neba la'os qualquer ema ida, maibe tenki tuir ida-ida nia kursu ou
    formasaun.

    Obrigado wa'in

    Raul Casanova

    ResponderEliminar

Nota: só um membro deste blogue pode publicar um comentário.