Timoroan iha Inglaterra no Irlanda do Norte Husu Governo Kontinua Tau Matan ba Timoroan iha Diaspora

 Timoroan iha Inglaterra no Irlanda do Norte Husu Governo Kontinua Tau Matan ba Timoroan iha Diaspora

Foto DK - Dalia Kiakilir

TAIS Irlanda do Norte, Komunidadi Timorense Peterborough, Assosiasaun Salurik Timor Inglaterra, Komunidadi Timorense Bristol, Komunidadi Timorense Bridgwater, Komunidadi Timorense Cambridgeshire, Komite 12 Novembro Diaspora no Assosiasaun Desportiva Timorense-UK iha loron 30 fulan Outubro liu ba hato’o ona karta protesta diriji ba ministra Negosios Estrangeiros no Kooperasaun liu hosi email diretamente ba diretor consular no portocolar MNEC Juvencio Martins relasiona ho linguagem desumana sai hosi director no uza karimbo MNEC nian nebe hatun maka’as los dignidadi Timoroan iha diaspora. 

Representantis timoroan iha Reino Unido hosi organizasaun komunitaria, desportiva, kultural no relijioza halo karta protesta ne’e nudar deklarasaun konjunta asina hosi presidenti ida-idak hosi organizasaun 7 iha UK nebe hato’o pontos importantes 6 tuir mai ne’e:

1. Ami nia solidario ba Timoroan hotu iha diaspora nebe sente ofendido ho frase "...esses cavalos-marinhos trabalham e vivem na Inglaterra, Irlanda e Portugal ou kuda laut hirak ne’e servisu no hela iha Inglaterra, Irlanda no Portugal…”
   
   
2. Ami nia apresiasaun no agradese ba Governo Timor Leste nebe finalmente haruka Timoroan 161 sai hosi Timor rumo Eropa iha loron 28 Outubro 2020 hodi hadia sira nia moris, tulun sira nia familia no ikus mai sei kontribui mos ba ekonomia rai doben Timor Leste;
   
   
3. Ami exiji Estado Timor Leste atu konsidera no rekonhese Timoroan iha diaspora nudar parseiro ba ekonomia nasional. Ne’e duni la merese atu hetan tratamento Desigual, Desrespeito no Desumano hosi se-se deit;
   
   
4. Ami husu profissionalismo, prestasaun servisu de qualidade no dignu ba cidadao hot-hotu sem diskriminasaun. 
   
   
5. Ami exiji investigasaun profunda konaba linguagem iha karta ofisial ne’e, se ne'e “erro administrativo ka de proposito?” 
   
   
6. Ikus liu, iha momento oportuno ida ne’e, ami husu ba Sua Excelencia no Embaixada Timor Leste iha Londres atu haruka ekipa teknika hosi MNEC no Ministerio Justisa URGENTEMENTE mai Reino Unido hodi halo "renovasaun passaporte RDTL ba sidadaun Timorense nebe kadukadu ona”. Atualmente registo iha Inglaterra no Irlanda do Norte Timoroan inklui labarik ki’ik aproximadamente 450 presiza urgenti renovasaun dokumentos Timor tamba periode tranzisaun UK hamutuk ho EU falta fulan rua remata ona.

Dalia Kiakilir

NB: Fonte notisia ne FH simu husi artista Dalia Kiakilir iha Oxford Inglaterra.

Notisias re;acionadas:

1. https://www.facebook.com/photo?fbid=10217120439995686&set=a.1279865049285
2. https://dili-post.com/mnek-rekuinese-liafuan-cavalos-marinhos-mosu-iha-karta/?fbclid=IwAR2J426EPDXrI_D80wg-BQtWC6lb7ti6IRyQkpoTfktW06tHgmzgOaw72Io
3. https://www.facebook.com/GMNTVOficial/posts/3473046116126676
4. https://forum-haksesuk.blogspot.com/2020/11/indignacao-da-comunidade-timorense.html

5.