20 anos de Referendum: memorias, experiencias, vivencias, desafios no perspectivas

20 ANOS REFERENDUM
MEMORIAS, EXPERIENCIAS, VIVENCIAS, DESAFIOS NO PERSPECTIVAS

Norte Irlanda, 29/08/19 - Loron consulta popular ba dala 20 sai marku importante ba Timor Oan hot hotu iha continente, ilhas (Jaco no Atauro), enclave Oecusse no Diaspora. Celebra loron 30 fulan Agosto 1999 ne'e lori hikas ita ba passadu maibe mos projeta futuro promissor ida no fo testemunha real ukun-an ba foin sae nudar gerasaun continuadora, masin no naroman iha rai-klaran.

Referendum, biban nebe povo tomak ho frente oi - oin: armada, clandestina, diplomatica no la nega mos “frente academica” hakat hamutuk ho determinasaun ba hili futuro ida nakunu ho mehi, ema hotu moris iha dame, igualdade no iha lei nia okos, liu husi votasaun iha ONU nia matan.

Tinan 20 liu tiha, timor-oan wain, lao namkari lemorai, lori memorias, experiencias no vivencias moruk eh midar referendum nian  ba mundu tomak. Husi do'ok, sira expressa-an no fo sasin “20 anos Referendum” liu husi eventus oi-oin hodi celebra vitoria pessoal no colectiva luta ba ukun-an no mos fo netik homenagem ba ema rihun atus nebe labele hare ukun-an....

Hanesan exemplo, Timor-Oan, iha Reinu Unido, liu-liu, iha Norte Irlanda, hahu ona reflesaun kona ba "20 anos Referendum" iha fulan Marsu tinan ida ne’e ho missa no palestra: "20 anos de Referendum - perspectivas no desafios" hamutuk ho Professor Catedratico Timor-Oan iha Universidade Gregoriana, Roma, Italia, Rev. Padre, Doutor, Doutor Joao Inocencio Piedade, SJ, iha cidade Dungannon, Distrito Mid-Ulster, Norte Irlanda. Atu haburas ukun-an, Padre Inocencio destaka liu mak EDUKASAUN hanesan hun ba politika desenvolvimentu iha dominio hot-hotu. Estadu tenki define lolos, lian atu uza ba Ensino mak ida nebe los? Ingles ka Portugues ka Tetum ka Bahasa? Pior liu mak mistura lian sira ne'e hotu hodi hamate QUALIDADE ENSINO ne'e rasik. 

Iha mos eventu seluk nebe Timor Oan sira hanesan trabalhador iha tasi-balun dedika ba loron 30 de Agosto mak hanesan kultura no desporto "Referendum Cup" nebe halao iha cidade Portadown durante fulan Julho no Agosto nia laran...sei taka ho missa iha Sexta Feira, 30 de Agosto 2019 tuku 7 kalan iha Paroquia St Patrick Dungannon no bele akompanha live (www.parishofdungannon.com).  

Tuir FH nia observasaun, Timor Oan sira iha Norte Irlanda laos celebra deit “tinan 20 consulta popular” maibe explora mos topiku seluk mak hanesan hari associasaun komunitaria ida hodi hametin liu tan espiritu de uniao intra-timorense maibe mos hodi defende direitu no dignidade Timor-oan sira rasik wainhira haknar iha ema nia rain no mos hatudu kultura, haburas interasaun social no promove cidadania global iha bairro laran.

Konkretu liu, ita bele hare, Komissaun Provisoria Komunidade Timor Oan iha Norte Irlanda nia programa ba 2019 liu husi folheto nebe karik le’e nain sira hare share ona iha meio social sira seluk (Facebook, WattsApp, Messenger, etc)...! 

VOTOS 20 ANOS DE REFERENDUM

FH/NI

---

---