Timor-oan iha Reunu Unidu Komemora 20 Maiu iha Oxford

Timor-oan iha Reunu Unidu Komemora 20 Maiu iha Oxford

FH Oxford, 14/05 – Assinaladu ho ferias nasional iha Timor-Leste, "20 Maiu" sai-nudar data comemorativa, no reconhecido nia valor istoriku luta nian ba Libertacao da Patria. Espiritu "20 Maiu" mos la-lakon folin iha rai-li’ur. Iha sidade universitaria Oxford, Inglatera, timor-oan sira halibur-malu hodi selebra hamutuk tinan-17 Restaurasaun Independensia ho aktividade sira “de índole” desportivu, rekreativu no kultural.

Iha convite husi Komisaun Organizadora, ne’ebe koordena husi chefe Acacio Marquez, katak eventu "20 Maiu" sei hahu ho jogu futubol iha parte dader no apartir lokraik ba kalan nian sei iha atraksaun kultural, dahur tradisional no baile.

Festa ne'e atu sucesso persija partisipasaun komunidade timor-oan, liuliu sira nebe ma’ak hela iha sidade Oxford. Hanesan hakerek iha convite, Komisaun Organizora husu atu kontribui no partisipa iha eventu refere nebe programado ba loron Sabdu, 18 Maiu 2019, ho oras hahu husi tuku 10.00am to'o tuku 01am, no hetan fatin iha Cheney School, Cheney Ln, Oxford OX3 7QH.

Hanesan timor-oan hotu hatene katak Timor-Leste nia kalendariu istoriku ida ma’ak "20 Maiu", loron nebe restaura hikas independensia iha tinan 2002 hafoin tinan naruk reziste hasoru invazaun militar indonesia, 7 Dezembru 1975, no “integrasi” iha rejime Suharto nia ukun.

Ohin, restaurasaun, halo tinan 17 ona, no Timor-Leste sei nafatin luta ba nia independensia nasional, total no kompletu. Hanoin hikas ho honra ba funu-nain no aswain sira hamentin ita nia neon no hakbi’it, ita nia forsa, hodi hakat ba “funu daruak”, a libertacao do povo. A luta continua! FH/KF