Impase politika depende vontade maun bót nain 3 hodi koalia didiak ho alin nain 2

Maun bót nain 3 (foto espesial)!

Dili. Dekretu Presidencial ba tomada pose ba membru VIII Governu Konstitusional  nain 3, Samuel Marçal ba kaer pasta MPIE, Alfredo Pires ba kaer pasta MPRM no Rogerio de Araujo Mendonça ba kaer pasta SE Pescas.Dekretu ne´e hasai iha loron Segunda-feira, 13 fulan Agosto tinan  2018 (1). 

Aliança Mudança ba Progresso (AMP) la  simu tanba husu mos Presidente República (PR) fó tomada pose ba membru nain sia (9) ne´ebe sei pendente hela. Tuir Prezidente AMP Kay Rala Xanana Gusmão ninia deklarasaun ba Tempo Timor katak, "maibé prezidente partidu CNRT atual prezidente partidu AMP Kay Rala Xanana Gusmão ho diplomatikamente katak to’o oras nia la hatene buat ida" (2).

Hatan ba agenda tomada pose, PM Taur Matan Ruak   haruka  karta ba Nai PR  katak, "hodi adia fali agenda tomada de pose", (3).

Hare ba inpase politika ne´ebe dada quase fulan 3 ona,observador Politica João Viegas, husi UNPAZ ba Forum Haksesuk,iha knar fatin Kampuz UNPAZ,Quinta-feira (16/08/2018) katak, Impasepolitika depende vontade maun bót nain 3 hodi koalia didiak ho alin nain 2".

Hatutan tan João Viegas, "Maun nain 3 mak Xanana- Ramos Horta-Mari Alkatiti) no alin nain 2 mak Taur Matan Ruak-Lu´olo".

Tenik tan João Viegas, dosente UNPAZ ne´e, "maun nain 3 iha autoridade moral no politika buka solusaun ba ultrapasa impase politika ne´e hodi tulun alin nain 2 kaer orgaun soberano hanesan Taur Matan Ruak PM no Lu´olo PR. Se maun nain 3 mak la hatudu autoridade moral no vontade politika, sorin ida. Sorin seluk, alin nain 2 mos hatudu netik umildade hodi hakbesik koalia ho maun 3, beleresolve impase politika", defende João Viegas.

Estrutura Partido CNRT husi Municipiu 12 no RAEAO husu PR Dr.Francisco Guterres Lu´olo atu fó pose ba kandidatu membru Governu husi Partido CNRT, nebe maioria mesak quadru superior partido (4).

Referensia sira:

1) Dekretu PR ba tomada pose 3º fase membru Governu nain 3,13.08.2018

2) Prezidente AMP/CNRT, Kay Rala Xananadeklara dehan, "ó agora la hatene", Tempo Timor, 15.08.2018

3) Karta PM nian ba PR hodi adia fali agenda tomada pose ba 3º fase ba membru Governo nain 3, 15.08.2018

4) KOMUNIKADU IMPRENSA PARTIDU CNRT: PREZIDENTE-DA-REPÚBLIKA MAK ASUMI RESPONSABILIDADE KRIZE POLÍTIKA NO EKONOMIA AGORA (in CNRT Media Center,07.08.2018)