VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

domingo, 29 de julho de 2018

Pos-resignasaun Xanana bele hamosu IX Governo ho komposisi GGI


Rezigna Husi Membru Governu, Maun Bot Xanana Garante AMP Solidu Nafatin!
Maun Bot Xanana hato’o karta rezignasaun ba PM Taur Matan Ruak nudar membru governu indijitadu no husu ba PM atu nomeia fali kandidatu seluk hodi troka Maun Bot nia fatin. Razaun Maun Bot rezigna ne’e tanba iha ajenda seluk atu halo inklui liu-liu atu ativu liutan iha asuntu Fronteira Marítima no asuntu sira ne’ebe relevante ba kestaun FM nian.
Maun Bot Xanana apela ba publiku, liu-liu militantes no apoiantes AMP nian katak AMP sei kontinua unidos no solidu atu garante estabilidade governativa VIII Governu to’o mandatu remata iha tinan lima mai. Maske sei lahola fatin iha governasaun maibe Maun Bot sei mantein nafatin koezaun AMP nian no sei kontribui nafatin ba AMP!
Viva Timor-Leste! Viva AMP! Hamutuk Hametin Nasaun!


Dili. Hafoin VIII Governu apresenta Programa ba Parlamento Nacional (PN), hahu loron 25-27 de Julho tinan 2018. Tama ba loron daruak haksesuk Program VIII Governo ba tinan (2018-2023), publiku hakfodak ho tatoli husi CNRT Media Center katak, "Rezigna Husi Membru Governu, Maun Bot Xanana Garante AMP Solidu Nafatin! (in cnrt media center, 26/07/2018)".

Hare ba timing ne'ebe VIII Governo hasoru mak apresenta ona Programa VIII Governo nian ho elenku ne'ebe seidauk kompletu, tanba sei dada ba mai polemika lista membrus Governu hamutuk nain 9 husi CNRT ne'ebe mak Nai Presidente República (PR) husu ba PM ho lideransa AMP (Aliança Mudança ba Progresso) hodi tetu fali. Polemika mosu kedan iha loron tomada de posse ba membru VIII Governo iha loron sexta-feira (22/06/2018), Presidente AMP Kay Rala Xanana Gusmão hili no fiar husi PM ba kaer pasta Ministro do Conselheiro do PM la marka presensa  tanba sinal de protestu ba dezisaun PR. Protesto ne'e ható liu husi karta dahuluk Presidente AMP haruka ba PM ne´ebe hili husi AMP (22/06/2018) no karta daruak ható husi Presidente AMP ba Nai PR (07/07/2018).

Hare ba ida ne´e Forum Haksesuk dada lia semana nia rohan observador sira Venceslau Aleixo Tilman,hare aspetu legal nian no João Viegas hare perspetiva politika konaba situasaun ho fakta foun «Xanana resigna husi kargu Ministro iha VIII Governo».

Resignasaun Xanana tanba krisi iha AMP

Tuir Venceslau Aleixo Tilman katak, "pronuncia krisi iha AMP laran ne'ebe bele hadait tó Governo monu". Hatutan Venceslau Aleixo Tilman, dosente UNPAZ ne'e, "ho fakta foun ne'e hatudu katak odamatan ba IX Governo nakloke hela tanba VIII existe maibe la ho forsa maximu husi CNRT nian, neduni hein cenariu sira tuir mai".  Tenik tan Venceslau Aleixo Tilman, "Xanana bele prepara hela cenariu forma IX Governo".

Resignasaun Xanana VIII Governo bele monu kualker momentu

Ba João Viegas, "krisi politika iha AMP nakloke hela ho resignasaun Presidente AMP,  partido CNRT nebe representa 21 kadeira husi 34 ne'ebe forma Governo". Dehan tan João Viegas,dosente UNPAZ ne´e, "Xanana hasoru kestaun  internal PLP/KHUNTO no external hasoru PR ne'ebe hetan cumplice husi PM rasik".

IX Governo ho formato Grande Inclusaun

Tenik tan João Viegas, "se nune VIII Governo ninia existencia instavél hela no bele monu kualker momentu, basta CNRT ninia orientasaun votus oin seluk bele monu".

"Pos-resignasaun Xanana bele mosu IX Governo ne'ebe ho formato  Governo Grande Inclusaun ho base ba merito", defende João Viegas. (fh).


Sem comentários:

Enviar um comentário

Nota: só um membro deste blogue pode publicar um comentário.