VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20180710

João Boavida: PR loke presedente diak ida ba futuru Timor-Leste

                                                       Foto Facebook João Boavida!

Dili. Impase politika  ne´e mosu dadaun tanba wainhira Nai Presidente República (PR) Dr.Francisco Guterres Lu´olo haruka fila fali lista naran kandidatu ne´ebe proposta husi Primeiro-Ministro (PM) Taur Matan Ruak (TMR) hamutuk nain 11, barak liu mai husi Partido Congresso Nacional Reconstrução Timorense (CNRT ) ne´ebe ninia Presidente mak Maun Bót Kay Rala Xanana Gusmão (MBKXG) . Hatan ba rekusa husi PR nian, nudar Presidente Partido, MBKXG mos rekusa la tuir tomada pose ne´ebe  halo iha loron 22 fulan Junho tinan 2018, tuku 4 loraik oras Timor-Leste, iha Palacio Nobre Lahane, Dili, Timor-Leste.

Situasaun ne´e,obriga Nai PM TMR halo surumutu iha residensia ho Presidente AMP (Aliança Mudança ba Progresso) iha loron Terça-feira (26/06/2018) hodi konsulta ba naran sira ne´ebe Nai PR rejeita, maibe Presidente AMP mos konsistente iha ninia posisaun.Obriga Nai PM tenki lori fila fali lista ba PR maibe PR mos la muda ninia posisaun . Liu husi Dekretu Presidensial numuru 21/2018,loron 6 fulan Julho, iha artigu 1, nomeia deit ba tomada de posse membru Governu nain 3, inkluindu Presidente AMP MBKXG ne´ebe akumula mos pasta Ministro Conselheiro do PM no MPIE. Maibe Presidente AMP la hola nafatin iha tomada de posse, PR fó deit posse ba Ministro Defesa Sr. Filomeno Paixão. Iha loron Sabadu (07/07/2018), Presidente AMP/CNRT hakerek karta aberta ba Nai PR, kontesta desisaun Nai PR nian ne´e.

Tuir direitor Executivo CEPAD, João Boavida, `` Presidente República ninia dezisaun loke presedente diak ida ba futuru Timor-Leste´´. Hatutan tan João Boavida,direitor executivo CEPAD, `` ba oin kriteriu hili membru governu baseia merito ka «Meritocracia» (in Grande Entrevista GMNTV,09/07/2018)´´.

Tuir jurista Venceslau Aleixo Tilman, `` nudar orgaun ne´ebe ás liu tuir C_RDTL, na Presidente da República bolu atensaun ba Executivo atu kandidatu sira ba membru la iha ida mak envolve kasu ka iha prosesu nia laran ´´.

Tenik tan Venceslau Aleixo Tilman,iha Kampus UNPAZ, Aimutin, Terça-feira (10/07/2018), `` PM Sr.Taur Matan Ruak mos hola posisaun hanesan wainhira sei halao knar nudar Presidente da República, wainhira veta membru balun nebe proposta husi VI Governu, ho razaun tanba prosesu iha hela tribunal´´.


Impaktu husi  posisaun antagonika Nai PR no Nai Presidente AMP/CNRT, Parlamento Nacional nebe kontrola husi AMP vota kontra proposta Resolusaun hodi autoriza visita PR Dr. Francisco Guterres Lu´olo ba Portugal,segunda-feira (09/07/2018) votu favor 29 (F23+PD5+PUDD1) no kontra 36 (AMP 34 + FM/UDT 2)! 

Sem comentários:

Enviar um comentário

Nota: só um membro deste blogue pode publicar um comentário.