Amu Ximenes Belo hato'o parabens ba "Negociador Principal" FM, Maun Boot Kay Rala Xanana Gusmão

Dom Carlos Filipe Ximenes Belo Prémio Nobel da Paz 1996

Aban, loron 6, fulan marsu. Iha Nova Yorque (New York), delgasaunn hosi Timor-Leste no Australia, sei assina akordu "de delimitção de fronteria maritima entre Timor-Leste e Austrália".

Hanesan timor oan ida, ha'u haksolok no hato'o Parabéns ba "Negociador Principal", Maun Boot Kay Rala Xanana Gusmão, ho nia Equipa, ba senhro Ministro Adjunto Dr. Agio Pereira, ba Governo, ba Parlamento no ba Povo Timor Loro Sa'e tomak.

Ita agradese ba Na'i Maromak, tan ba ita nia taci (tasi) sai luan tan... Ita nia "zona económica" sai boot tan... Iha taci laran no taci okos riku soin barak. Ita hein deit, timor oan sira sai badinas atu "explora", no halo riku soin ne'e ba kontribui ba ita, timor oan toma nia dezenvolvimentu kultural, sosial no politika. Ita agradese ba Maun Boot, "Negociador Principal" ne'ebé, ho "perseverança" no" persistência" lori konversasoens sira to'o rohan. Ita mos agradese ba Governo ne'ebé defende nafatin Timor-Leste nia "direito". Maibé, ita mos iha "dever" ka obrigasuan atu kuida didiak ita nia taci (tasi) no hein ema la bele ba nauk ikan; no ita mos labele, hosi kotuk, simu osan bobot hosi ema seluk, atu he'an ró ba taci Timor, ba na'uk ita nia riku soin sira.

Parabéns!!!

Dom Carlos Filipe Ximenes Belo

Prêmio Nobel da Paz (1996)

Fonte Dai Darenafa Namanei
https://www.facebook.com/carlos.belo.92317121/posts/2014538948801640