AMP labele hamutuk hare husi programa CNRT no PLP nian iha ELPAR 2017

Foto: CNRT Media Center, 01.02.2018!

Dili. Aliança Maioria Parlamentar (AMP)  kompostu husi Partido tolu (CNRT, PLP no KHUNTO)  apresenta ona plataforma ba Eleisaun Antecipada (EA) Aliansa  Mudansa ba Progreso, iha loron 01 fulan Fevereiro tinan 2018. 

Aliansa ne'ebe iha biban badak sei elabora lista unika no programa Governo nian ba tinan lima (5) 2018/2023. Hare husi porgama partido sira nian iha Eleisaun Parlamentar (ElPar) tinan 2017, liliu partidu CNRTho PLP iha ninia kontradisaun bót no antagonika. Oinsa mak bele tau hamutuk? Konsilia programa CNRT ho PLP? Tuir analista Ekonomia husi Universidade da Paz (UNPAZ), Francisco da Silva, haktuir katak, "Taur Matak Ruak no PLP mosu atu sai alternativa ba CNRT ne'ebe lidera husi KayRala Xanana Gusmão".

Hatutan Francisco da Silva, "PLP hamosu slogan «riku soin fahe hanesan», ne´e mai atu kontra jestaun Governu ne'ebe lidera husi CNRT rasik iha tinan sanulu nia laran".

Tenik tan Francisco da Silva, dosente Faculdade Ekonomia UNPAZ ne'e, iha nia knar fatin, loron sexta-feira (02/02/2018) iha Kampus UNPAZ, "ne'e kontradisaun prinsipiu mak programa partido rua nian, CNRT vs PLP", defende João da Silva.

Presidente Republika (PR) disolve ona Parlamento Nacional (PN) iha loron sexta-feira (26/01/2018) no dekreta ona Eleisaun Antesipda (EA). Partidos sira hahu halo aliansa hodi hakat ba EA! (Foto: CNRT Media Center)