VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

quinta-feira, 4 de janeiro de 2018

Martinho G S Gusmao: Ema barak mak LIKE no LE hau nia artigo konaba "FUNDADOR DO ESTADO: Conceito filosófico iha pratica política", maibe...

Ema barak mak LIKE no LE hau nia artigo konaba "FUNDADOR DO ESTADO: Conceito filosófico iha pratica política"

Maibe, la’os hotu-hotu bele kaer hetan hau nia logica no ‘mensagem’ nebe hau hakarak transmite.

Hau nia logica mak ne’e …

1) Dr. Mari Alkatiri halo auto proclamação kalan ida iha TVTL dehan, “Hau mak Fundador do Estado”, “Ha’u mak fundador da FRETILIN”, “Ha’u mak fundador das FALINTIL”.

2) Liafuan “HA’U” hatudu ba individualismo. Timor Leste ne’e depende de’it ba Dr. Mari Alkatiri. Nia mak la iha, então Timor Leste mos la existe!!! Ne’e hamosu problema CULTUS INDIVIDUO ... hahi no hana’i ema ida de’it. Ema seluk la iha fatin ona.
3) Ho liafuan “HA’U”, nia mos nega ema seluk nebe tur hamutuk iha Comite Central FRETILIN nian, hahu 1974! Tebes gaa – Mari Alkatiri mesak mak hari’i Timor Leste? Nia mesak mak luta? Nia mesak mak kaer kilat? Nia mesak mak hasoru ABRI? Nia mesak mak foti lian no loke ibun hasoru Jendral Soeharto, Beny Moerdani, Prabowo no seluk tan?
4) Hasoru tendência atu nega ema seluk nia luta, kosar wen no ran; hasoru “ditadura do relativismo” ida ne’e mak ha’u hakerek artigo atu hatudu – NICOLAU LOBATO no KAY RALA XANANA GUSMÃO de’it mak fundador do Estado.
5) Ha’u nia hanoin: se Mari Alkatiri lori ba extrim ida, ha’u mos lori fali extrim seluk ...
6) Ha’u reduz tiha posição Dr. Alkatiri nian ba posição “líder histórico” de’it. Tan, ninia influencia ba luta da independência la maka’as liu Xanana nian. Ninia influencia la boot liu Nicolau Lobato nian. Ninia terus no susar la todan liu Mau Lear, Sahe, Mauhunu, Mauhudo, Nino Konis Santana, Taur Matan Ruak, Lere Anan Timor to’o Lu-Olo ...
7) Dr. Alkatiri ninia contribuição ba desenvolvimento rai Timor uluk to’o ohin loron la bo’ot liu Ir. Mario V. Carrascalão ka Abílio José Osório. Infraestrutura no educação iha Indonesia nia tempo to’o ohio loron, husi Lospalos to’o Oe-cusse iha tinan 22 nia laran depende barak liu ba ema na’in 2 ne’e ...
8) Ne’e duni – se Dr. Mari Alkatiri lakohi reconhece ema sira nebe luta iha “rai laran” no mai hatudu de’it ninia “ha’u” (egoísmo), yaaa ... apa boleh buat ... hau mos hakarak hatudu katak sira be luta iha “rai liur” mos la penting.
9) Agora, ema sira nebe kritika ha’u, hau hakarak deit husu “tan sa mak imi la hakerek ba Dr. Alkatiri dehan, “Camarada keta nune’e, keta nega ita nia Maun Boot sira be luta iha rai laran ne’e ... labele dehan HA’U, maibe AMI ... furak liu karik dehan ITA ...”! Ne’e karik hau fiar imi. Agora líder ida mak MANIPULA tiha historia hodi foti-an mesak mak luta, ... imi “serang” fali ha’u ... ne’e hatudu katak ita GERAÇÃO FOUN mos sai VITIMA ba FALSIFIÇÃO DA HISTORIA ...
10) Ita nia posição 2 de’it – ita boot sira gosta ka la gosta, hau sei defende nafatin Nicolau Lobato no Kay Rala Xanana Gusmão. Ha’u gosta ka la gosta, la muda ita boot sira nia defesa ba Mari Alkatiri to’o mate bandera hun baa!!
11) Ha’u nia artigo sei lakon ninia folin, wainhira Dr. Mari Alkatiri mos reconhece katak “La’os HA’U mak FUNDADOR DO ESTADO, maibe AMI ...; la’os AMI mesak, maibe ITA TOMAK – líder sira hamutuk ho povo”. Se dehan “HA’U mak Fundador do Estado”, então ITA SIRA SELUK ... la folin buat ida ... ita hanesan “lumpen proletar”, luta, terus no tanis, hamlaha no hamarok, nakdedar no tauk ... fakar kosar-wen no fakar ran la folin buat ida ona ...
12) Ha’u fiar liu Nicolau Lobato nia liafuan, “a FRETILIN identifica-se com o POVO, a FRETILIN tornou-se POVO ... porque realmente a FRETILIN é o POVO que luta” .... “o povo que está reconstruindo com o seu próprio suor, com o seu próprio sangue” ... “Timor Leste é realmente do Timores” ...

Sem comentários:

Enviar um comentário

Nota: só um membro deste blogue pode publicar um comentário.