VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20171210

Bancada Coligação Frente Revolucionaro de Timor Leste Independente (Fretilin) e Partido Democrático (PD)

Komunikado ba  Impresa husi Bankada FRETILIN ho PD

Parlamento Nacional – PN mak orgaun soberania RDTL ne’ebé representa sidadaun Timor-oan hotu-hotu. Deputado sira eleitu liu husi eleisaun jeral hodi representa povo, sidadaun feto no mane, katuas no ferik, labarik no joven, riku no kiak, dificiente ka normal ne’ebe konsege fo nia votus konfiansa ba sira (deputadu red), atu la hali’is ba interese grupo, rasa, rejiaun, orijen etniku, relijiaun eh  fiar no kor. Nuúdar mos lalatak povo, Membru parlamentu nasional tenke hatene hala’o nia knar ho lolos, hodi bele defende interese povo no estado nia interese ne’ebe kontempla ona iha Konstituisaun RDTL.

Kondisaun sira ne’e, iha kontekstu ohin loron sai deit ona mehi no retorika politika no difisil tebes atu sai realidade moris timor-oan sira nian. Argumentu ne’e justifikadu ho asaun ne’ebe hatudu ona husi bankada opozisaun sira (CNRT, PLP no KHUNTO) ne’ebé temin nia an hanesann Bloku Opozisaun hatudu infantilismo politku halo hahalok la diak tuir sira nia hakarak ne’ebe hatudu iha loron 5 fulan Desembru 2017 iha Sala Plenaria Parlamento Nasional hodi dere halimar sinu avizu ba deputado sira ba Plenaria.

Atitude ne’e nuúdar sinál espresaun insatifasaun ba exijensia hadau puder ne’ebé to’o ohin loron ladauk konsege. Asaun sira ne’e husi koligasaun konsidera hanesan atitude vandalismo politiku neebe iha intensaun atu sobu regras eh norma rejiemntais Parlamentu Nasional nian no rasta buat hotu-hotu tuir sira nia partidu no sira nia lider nia hakarak.

Koligasaun fiar katak atitude ne’ebé opozisaun hatudu ne’e sempre orienta husi sira nia lider rasik, tanba sira rasik dehan katak “ami labele halo buat ida, kuandu laiha orientasaun husi ami nia lider partido tanba nudar deputadu ne’e representa partido”, katak buat hotu-hotu  ne’ebe sira halo ne’e tanba orienta.

Ho razaun sira iha leten, maka ami Koligasaun FRETILIN ho PD hakarak:

1. Husu ba lider sira atu bele orienta diak sira nia representante atu labele halo vandalismo politiku iha orgaun soberanu sira atu nune’e bele fo apoiu ba funsionamento normal instituisaun soberanu sira ne’e.

2. Husu ba politika nain sira labele hanorin halo beik povo no nafatin tau iha koridor etika politika ne’ebe a’as.

3. Husu ba deputadu sira husi Opozisaun atu buka atende situasaun ne’e ho ulun malirin hodi bele hetan solusaun ba situasaun politika estadu nian iha etapa ida ne’ebe todan tebes

4. Informa ba publiku tomak oras ne’e dadaun Deputadu sira sei fokus ba iha apresiasaun  Orsamentu Rektifikativu ne’ebe baixa husi Presidente Parlamento Nasional ba Comissaun Especialisada sira ho karakter normal iha loron 20 fulan Novembru 2017, nune’e Parlamento Nasional seidauk bele halo atividade plenária ho agenda seluk tanba norma ne’ebe halao durante tinan naruk mak aktividade hotu para wainhira Proposta Orçamento husi Governo tama iha Parlamento Nacional.

5. Husu nafatin ba povo tomak atu bele hakmatek hodi kontribui ba lider sira atu bele konsentra hodi buka solusaun diak ba situasaun politika ne’ebe ita infrenta dadaun.

Dili, 06 de desembro 2017

“ATU HETAN INFORMASAUN RUMA TAN, FAVOR KONTAKTO EQUIPA MEDIA KOLIGASAUN FRETILIN HO PARTIDO DEMOCRATICO. MANUEL DA SILVA (76324317);  JOSE RAMOS (77191950)”

Sem comentários:

Enviar um comentário

Nota: só um membro deste blogue pode publicar um comentário.