AMP lasu Bloku Koligasaun ho "Rejime Transitoriu Exekusaun Duodecimo"

BOMP

Dili. Hafoin Governu apresenta Orçamento Retificativu (OR) liu husi rekursus apresenta husi Oposisaun Maioria Parlamentar (OMP) ne´ebe mak kompostu husi Partidu CNRT nebe lidera husi Kay Rala Xanana Gusmão, Partidu PLP ne´ebe lidera husi Taur Matan Ruak no Partidu KHUNTO ne´ebe mak lidera husi Naimori Bukar, lius husi OMP/AMP apresenta recursus ba Meja iha loron Terça-feira (19/12/2017) no hetan aprovasaun husi deputadu nain 35 husi OMP/AMP no kontra husi Meja Parlamento Nacional nain 5 representa Bloku Koligasaun (BK), enquanto deputado nain 25 husi BK walkout husi plenario tanba la  konkorda ho votasaun ba recursus husi OMP/AMP.

Iha quarta-feira (20/12/2017) OMP apresenta projeto Lei konaba "Rejime Transitoriu ba Exekusaun Duodecimo", haktuir Agência Tatoli (20/12/2017). Hatan ba projetu Lei ne´e, Bloku Koligasaun liu husi Presidente Bankada FRETILIN, Francisco Miranda Branco haktuir katak, "iha konstituisaun la hatete rejime tranzitoriu, koalia konaba orsamentu hanesan poder esklusivu husi governu no PN fó inisiativa iha alterasaun Lei Jestaun Financeira (idem)".

Hatan zenariu foun ne´e, Angelo Mauloko nudar observador politika husi Sociedade Civil haktuir katak, "AMP lasu Bloku Koligasaun ho rejime transitoriu Exekusaun Duodecimo".

Haktuir tan Angelo Mauloko, "politikamente AMP tenta lori Bloku Koligasaun tama mos ba lasu politika sira nian, nune bele justifika ba publiku liliu ba eleitoradus sira husi CNRT ho PLP ne´ebe hahu frustradu tanba OR la aprova husi AMP", argumenta Angelo Mauloko.

Parlamento Nacional (PN) agenda ona debate apresentasaun ba 2º via Programa VII Governu Konstitusional sei apresenta iha loron 16, 17 no 18 de Janeiro tinan 2018.Se PN liu OMP/AMP chumba programa  Governo, bola iha ona Presidente Republika nia limana hodi deside, Governo Iniciativa Presidensial ne´ebe mak lidera husi FRETILIN ka «disolve PN» no konvoka Eleisaun Antecipada!