VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quarta-feira, 23 de novembro de 2016

Suai Supply Base: Governo vs Tribunal Kontas

Hyundai Manan Suai Supply Base (FH, 24/11/2015)

foto http://asia.nikkei.com
Tinan ida ona, 24 de Novembro tinan 2015, mak Forum Haksesuk Hatun publikasaun konaba, "Projetu Tasi Mane: Governu vs TKK" (Forum Haksesuk Facebook, 24/11/2015). Hare mos iha pajina Facebook: https://web.facebook.com/groups/628300830528195/permalink/1066645660027041/?comment_id=1326717870686484&notif_t=group_comment&notif_id=1479876648585380

Suai Suply Base (SBB) nudar matrix ba projetu Tasi Mane, projetu ne'ebe ninia deseno prepara husi «ekipa expert timor oan balun» iha tempo kotuk ba, tradus iha programa no wainhira iha ona ukun, biban IV Governo Constitucional nia ukun, maka kaer ukun nudar Primeiro Ministro mak Kay Rala Xanana Gusmão. Iha tinan 2010, hahu ona elabora draft konaba Plano Estrategica Desenvolvimento (PED) 2011/30. 

Implementasaun ba SSB nudar pilar ida husi Projetu Tasi Mane, total osan ba projetu SSB ne mak hamutuk 720 Milaun Dolares Americano (USD). 

Kompanias barak mak tuir procesu tender, tama shorts list kompanias rua deit, HYUNDAI husi Koreia du Sul no Afcon husi India. Dezisaun final mak Hyundai manan  ho proposta hamutuk US$ bóot liu plafond projetu SSB rasik. 

Projetu bele hala'o wainhira Tribunal Kontas fó vistu uluk, maibe kasu refere TKK la fó vistu, tanba la simu ho procesu tender rasik. 

Dada ba, dada mai, Governo apresenta rekursus ba kasu refere, maibe instansia judicial áas liu mak Tribunal Rekursu ne'ebe halo serviço ba TKK nian. Governo ninia posisaun buka foka ba iha procesu ne'e rasik tuir koridor. Maibe TKK la fó vistu tanba la tuir procesu aprovisionamento, tanba tanto Hyundai no Afcon apresenta proposta ultrapassa plafon 720 Milaun USD. 

Opiniaun iha tinan ida nia laran, hahu husi dia 24.11.2015-24.11.2016, komentarius hamutuk 256. 

Opiniaun balun dehan, diak liu projetu tender fali ka re-tender, balun fali tanba Hyundai black lits fó deit ona ba Afcon. Seluk fali dehan, projetu tasi mane no SSB gasta osan deit. Balun fali dehan Hyundai Black list iha Koreia. 

Tuir Timor Post, edisaun 26.06.2016, pajinas 1 no 11, "Hyundai husu indiminisasaun ba Governu (TP, 26/06/2016, pajs. 1 no 11)".  Tuir publikasaun Timor Post edisaun 06/11/2015),  konaba Kontratu Hyundai (06/11/2015), se la kumpri, Estadu Multa Hyundai  10 - 20% husi valor total projetus. Projetus ne’ebe Hyundai manan hamutuk 719, 21 milhões de dólares, se projetu la implementa Estadu selu ba Hyundai por volta 140 milaun Dolares Amerikanu (20 % ).  Se 10 % selu 70 milaun dolares amerikanu. 

Iha tinan ida nia laran (24.11.2015-24.11.2016, Governo dun Tribunal Rekursus (TR) ne´ebe halo knar Tribunal Kontas nian sai nudar obstakulus ba procesu. 

Husi parte TR/TK hatan katak limitasaun ba juizes ba apresia kasu refere, dada ba mai toó tinan, hafoin Governo husu atu Parlamento Nacional (PN)  aprova projetu Lei ida, atu nune loke dalan ba rekrut juizes no majistratura sira ba aprecia kasus pendentes hanesan: projetu Suai Supply Base, Drenagen Dili laran, seluk tan, tanba limitasaun rekursus  ba juizes ne'ebe kompetensia ba analise procesu. 

Iha debate Orçamento Geral Estado (OGE) 2016, 23.11.2016 (TVTL, 23/11/2016), loke ho polemika kasu rekrutamentu Juizes, tuir deklarasaun husi Bankada PD mak, proposta de lei nº10/III (4ª) atu halo rekrutamentu ba juiz internasional sira (TVTL idem). 

Ohin halo tinan ida (24.11.2015-24.11.2016) Forum Haksesuk publika no debate konaba  Projetu tasi mane, Suai Supply Base, ne'ebe manan husi Hyundai, TR nebe halo serviço ba Tribunal Kontas nian la fó vistu, tanba ne´e mak projetu paradu no debate dura ona tinan ida! 

Dili, 24.11.2016 
Forum Haksesuk

Sem comentários:

Enviar um comentário

Nota: só um membro deste blogue pode publicar um comentário.