Rekrut Juize ba resolve projetu Suai Suplly Base

Suai Supply Base Contract Signed

Dili, Forum Haksesuk (FH). Governo rekrut Juize ba halo serviço especial ba resolve problema pendentes sira iha Tribunal Rekursus, liliu serviço sira ne´ebe relaciona ho  vistu previu ba projetus bobot sira. Liliu projetu ne´ebe polemika mak: Suai Supply Base no manan husi kompania Internacional husi Koreia du Sul, Hyundai.

Tuir Amandio das Dores, estudante UNPAZ, katak, "rekrut juizes internacional hodi ba halo serviço especial ba projetu Suai Supply Base ne´ebe pendente hela  tanba to'o oras ne´e Tribunal das Kontas seidauk fó vistu previa ba projetu rasik". Hatutan  Amandio das Dores, "Tribunal Rekursus (TR)  ne´ebe halo knar Tribunal kontas nian, la fó vistu previa  projetu rasik tanba deskonfia iha iregularidades ne´ebe la kompativel ho lei Aprovisionamento ne´e rasik".

"Polemika naruk ne´e iha tinan ida ona, tuir lolos loke fali tender foun maibe Governo hakarak los kontinua ho Hyundai, tanba sa?", kestiona Amandio das Dores.

Iha debate OGE 2017, bankada Partido Democratico (PD) ható mos ninia preokupasaun konaba Timorizasaun  ba sistema judicial no parte seluk, kontinua rekrut  fali juizes Internacional sira halo serviço especifiku. Iha deklarasaun bankda PD nian,

"Iha pontu de vista balun mak Partido Democrático hakarak haklaken ba públiku, mak hanesan tuir mai: 1). Partido Democrático orgulho ba politika “Timorizasaun" iha instituisaun justisa nian. Timor-Leste nudar estado soberano, tan ne’e, Timor oan sira mak tenki kaer justisa iha nia rain rasik. Tanba mos ida ne’e, mak Parlamento Nacional aprova rezulusaun 11/2014 hodi hapara Juiz, Procurador no Defensor Internasional sira nia kontratu, iha tinan hirak liu ba. Maske nune, Partido Democrático hakarak haklaken nia lamentasaun ba públiku katak, governu ida ne’e, la konsistente ona ho politika Timorizasaun hodi invalida rezolusaun PN no. 11/2014. Basa, PN aprova ho karákter urjente, liu hosi Bancada CNRT no FRETILIN, proposta de lei nº10/III (4ª) atu halo rekrutamentu ba juiz internasional sira (FH, 23/11/2016) no TVTL (23/11/2016)".

Hatutan PD liu husi deklarasaun,

(...) "Bancada Partido Democrático preokupa ho implementasaun politika Timorizasaun iha tribunal. Ho razaun ne’e, maka Bancada Partido Democrático, konklui nia preokupasaun ne’e ho perguntas hirak tuir mai:Tanba saida maka tenke hapara politika de timorizasaun iha sistema judiciário?; Será ke desizaun Estadu nia nebe materializa iha rezolusaun PN no. 11/2014 hodi hakotu contrato Juiz, Procurador no Defensor internasional la vale ona, ka vale deit ba kontekstu balu no tempu balu deit?; Será ke amigo juiz, procurador no defensor Internasional sira nebe ita duni sai, gravemente estraga ona sistema judisial iha nasaun ne’e?; Será ke juiz internasional sira nebe governu atu rekruta agora, diak liu fali sira uluk nebe ita duni sai?".

Fonte:

TVTL (23/11/2016)

DEKLARASAUN POLITIKA BANCADA PARTIDO DEMOCRATICO

http://forum-haksesuk.blogspot.com/2016/11/deklarasaun-politika-bancada-partido.html

24.11.2016 

FH Dili!