VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quinta-feira, 14 de julho de 2016

Telma: Secjen Foun RENETIL

Foto Doc. Renetil 2016
Dili, Forum Haksesuk (FH). Resistência Nacional dos Estudantes de Timor-Leste (RENETIL) fihir no hili Telma Corterreal de Oliveira nudar Secretario Geral (Secjen) em exercicio atu kumpri mandatu kongresu no halao serviço RENETIL nian.

Liu husi konferensia imprensa ne'ebe mak realiza iha sede RENETIL, Farol, sexta-feira ne'e (15/07/2016) tuku 09:00 dadersan, Presidente CCR (Conselho Central da RENETIL) José AMX "Siak" le komunikadu no razaun ne´ebe fundamental tanba sa mak hili Segjen RENETIL foun hodi kompleta mandatu to´o kongresu tuir mai.

Haktuir José AMX "SIAK" le komunikadu ne'ebe publika iha integra.

Foto Doc. Renetil 2016
Principius: (...) "RENETIL nudar organizasaun Resistencia Estudantil kontinua fiel ba ninia principius luta nian nune’e  sei akompana no hola parte iha procesu luta ba desenvolvimentu.

RENETIL asumi dala ida tan ninia papel apartidarismu, maibe livre ba ninia militantes envolve iha Partidu Politiku, hanesan direitu konstitusional ba sidadaun ida-idak envolve iha politika no partisipa ativa iha konsolidasaun Estadu de Direitu Demokratiku.

RENETIL mos, iha ninia komitmentu ba hola parte iha procesu desenvolvimentu, ne’ebe koresponde ba linhas gerais da RENETIL nian, ne’ebe hakerek, ”prepara quadrus teknikus no profisionais, hodi participa iha procesu desenvolvimentu nacional".

Razaun tanba sa mak halo Konferensia Imprensa no hili Segjen foun?
  • (idem) "Iha loron RENETIL nian ba dala 28, selebra iha loron 20 fulan Junho tinan 2016, Secretario Jeral RENETIL eleitu iha kongresu fulan Julho tinan 2013, Companheiro Demetrio Carvalho, deklara verbalmente ninia resignasaun no  liu husi Carta escrita ne’ebe mak  ható ba CCR iha loron  22 de Julho de 2016, “Proposta Resignasaun husi Secretario Geral da RENETIL”.  Tuir Estatuto Renetil, iha artigu 19º, numeru 4), cita, "Bainhira membru ida husi Secretariu Executivu (SE) mak demite ka resigna a’an, maka Conselho Central da Renetil (CCR) bele nomeia kandidatu seluk ne’ebe hetan atribuisaun votu iha pozisaun da-ha’at hodi substitui pozisaun ne’e".
  • RENETIL  nomeia ka hili Vice Secretario Geral da RENETIL companheira Telma Corterreal de Oliveira nudar Segjen em Exercicio, nune kumpri mandatu kongresu no halao serviço ne’ebe mak sei falta.
  • CCR nudar orgaun  fiskalizador, kontinua tau matan ba Secreariado Executivo (SE) halao ninia serviço to’o kongressu tuir mai.
  • Husu SE liu husi Secretario Geral em Exercicio atu envolve militantes RENETIL foun sira iha estrutura ka departmentu sira, koresponde ba ida-idak ninia abilidade ka  skill.
 
Texto no Foto: RENETIL Dok. 2016

Sem comentários:

Enviar um comentário

Nota: só um membro deste blogue pode publicar um comentário.