 |
| Foto (google) multimedia |
Dili, Forum Haksesuk (FH). Iha tinan hira liu ba kotuk, liliu tinan 2013, Governu promove descentralizasaun liu husi konsulta ba municipius sira. Husi Municipius sira mosu movimentus husi matenek-nain sira harii klibur matenek sira, oinsa mak hola parte iha procesu no kolabora ba futuru Municipius.
Iha tinan 2014 Governu decide atu halo hanesan projetu piloto uluk ba municipius: Aileu, Ermera & Liquiça.
Maibe hafoin haksesuk malu konaba OJE2016, iha artigu 7, no. 4); ”ajudikasaun direta sein fronteira ba Projetus ZEESM ho PDIM”. Artigu ida ne’e hetan litik husi deputadus balun, liliu husi Bankada Partido Democratico (PD). Wainhira Prezidente Republika Veta Politika ba proposta Lei OJE2016, iha plenariu votu konfirmasaun, PD hatama proposta atu hasai artigu refere, maibe proposta la passa tamba rejeita husi maioria parlamentares (P-CNRT & P-FRETILIN).
Atu atinji ba objetivu eleisaun 2017, Governu liu husi Ministeriu Estatal troka hotu Administradores Municipius, sei troka hotu adminsitradores posto Administrativu. Mos projetu pilotus exklui Municipius Aileu no Liquiça, no hatama fali ona Muncipius Baucau, Dili, Ermera no Bobonaro. Mudanças ne’e tanba saida?
ASADIL Liquiça nudar representantes husi matenek nain Liquiça oan sira lamenta ba mudanças ne’e liu husi sira nia pagina Facebook:
”Governo foti ona desizaun atu cancela tiha Muncipio Liquica no Aileu iha preparasaun ba programa desentralizasaun hodi propoin fali Municipio Baucau, Dili, Ermera no Maliana ba projetu pilotu governu nian iha programa implementasaun desentralizasaun. Tanba sa Governu halo ida ne'e? Ami hanoin katak, ida ne'e la'os kestaun politiku Governu sentral nian deit, maibe iha "Partido" balu ho intensaun politika refere ba numeru populasaun nebe boot no liga mos liuliu ba elisaun geral 2017. Triste tebes tanba dala barak dezisaun politika barak la refleta ba nesesidade no povu nia moris maibe haree liu ba "vantagen" grupu ou partido nian. Governu sentral presiza halo justifikasaun ba komunidade Liquica atu nune'e ema Liquica bele hatene razaun fundamental Governu nian hodi cancela tiha munisipiu Liquica nudar opsaun ba implementasaun politika desentralizasaun“. (www.facebook.com/asadil.liquica).
Hanoin hanesan husi Sekretariu Jeral ASADIL, Justiniano de Jesus hakerek iha Facebook Forum Haksesuk katak,"Triste tebes lee notisia ne'e. Maibe, ita haree mos katak iha intensaun politico atu exklui tiha Liquica iha programa desentralizasaun. Tanba saida? Tanba Liquica la iha numeru eleitores nebe boot kompara ho Maliana, Baucau, Dili ho Ermera. Maibe, Ministerio Estatal (liu Ministro Dionisio Babo) haluha tiha katak, Liquica lori CNRT manan dala rua iha 2007 no 2012 ho numeru votantes hamutuk 11,000 resin. Mais nee laos kestaun fundamental. Saida mak sai kestaun esensial maka konfiansa povu nee ba Governu, liuliu nia promesas sira. Ita la hatene povu nee sei bele fiar sira iha 2017 ka lae? Tamba se fo fiar nafatin ba sira, fiar hirak nee sei la iha valor, "kecuali" fasilita deit sira nia interese politico no grupo. Hau fiar katak, komunidade Liquica matan sei nakloke ba situasaun ida nee (FH, 05/02/2016)".
Hanoin hanesan husi Sekretariu Jeral ASADIL, Justiniano de Jesus hakerek iha Facebook Forum Haksesuk katak,"Triste tebes lee notisia ne'e. Maibe, ita haree mos katak iha intensaun politico atu exklui tiha Liquica iha programa desentralizasaun. Tanba saida? Tanba Liquica la iha numeru eleitores nebe boot kompara ho Maliana, Baucau, Dili ho Ermera. Maibe, Ministerio Estatal (liu Ministro Dionisio Babo) haluha tiha katak, Liquica lori CNRT manan dala rua iha 2007 no 2012 ho numeru votantes hamutuk 11,000 resin. Mais nee laos kestaun fundamental. Saida mak sai kestaun esensial maka konfiansa povu nee ba Governu, liuliu nia promesas sira. Ita la hatene povu nee sei bele fiar sira iha 2017 ka lae? Tamba se fo fiar nafatin ba sira, fiar hirak nee sei la iha valor, "kecuali" fasilita deit sira nia interese politico no grupo. Hau fiar katak, komunidade Liquica matan sei nakloke ba situasaun ida nee (FH, 05/02/2016)".
Mudansas ne'e tuir observasaun husi matenek nain Domingos Carvalho, nudar observador politika sosial iha sociedade katak, "ne'e preparasaun ba P-CNRT manan iha eleisaun jeral 2017. Administradores mesak P-CNRT, Administradores posto administrativu husi P-CNRT, projetus pilotos ba implementasaun Muncisipius mos hili municipius ho eleitorados bo'ot iha Timor-Leste mak: Dili, Baucau, Ermera no Bobonaro".
Tuir NGO APLIMENTEC hakerek iha Facebook Forum Haksesuk konaba dadus eleitoradus municipius 4 nian,"Dili, Ermera, Maliana ho Baucau total populasaun hamutuk approxima 700,000 resin. Husi numeru nee total votantes bele too 250,000-300,000 leitores ba 2017. Tuir ita boot sira Ministro Estatal, liuliu Sr.Dionisio Babo iha interese ruma ho desizaun politico nee ka lae? (idem) ".
Tuir NGO APLIMENTEC hakerek iha Facebook Forum Haksesuk konaba dadus eleitoradus municipius 4 nian,"Dili, Ermera, Maliana ho Baucau total populasaun hamutuk approxima 700,000 resin. Husi numeru nee total votantes bele too 250,000-300,000 leitores ba 2017. Tuir ita boot sira Ministro Estatal, liuliu Sr.Dionisio Babo iha interese ruma ho desizaun politico nee ka lae? (idem) ".
Konklui: "OJE2016 no politika governasaun hateke ona ba eleisaun 2017"!
Dili, 05.02.2016!
FH
Sem comentários:
Enviar um comentário
Nota: só um membro deste blogue pode publicar um comentário.