Prezidente Republika Passa Bola ba Tribunal Supremo Justiça ka Tribunal Rekursu molok Promulga Lei OJE2016

Prezidente Republika (PR) Passa Bola ba Tribunal Supremo Justiça (TSJ) ka Tribunal Rekursu (TR) molok Promulga Lei OJE2016 

Presidente Taur Matan Ruak

Iha publikasaun Forum Haksesuk (FH) nian iha loron 08.01.2016, hafoin Parlamento Nacional (PN) konfirma votus ho Unidade Lei OJE2016, hakerek “Depois Veto Politika, Bele ka lae PR sei exerce Veto Juridika ba OJE2016?” (FH, 08/01/2016).

Tanba FH ninia pesquiza bibliografika, konsegue distingue tuir Teoria Politica Constitucional (TPC), Veto Presidencial iha Sistema Semi-Presidencialista fahe ba rua (2); Veto Politiku no Veto Juridiku. Iha situasaun ida ne’e PR exerce Veto Politika no agora tama ona ba fase Veto Juridika, mak Presidente exerce ninia kna’ar tuir Constituiçao RDTL iha ninia artigu 85, linya e); “Apresiasaun konstitusional ka fiskalizasaun abstrata ba Diploma ruma”.  

Tanba diskursu dominante iha Debate Parlamento Nacional konaba Veta PR bele hamate ho konfirmasaun de votus Unanimidade husi Parlamento Nacional (PN). Argumentu mos katak, PR sei automatikamente promulga Diploma neébe submete ba Promulgasaun. Maibe labele haluha mos katak, “konaba Legalidade/ilegalidade, Konstitusionalidade/inkonstitusionalidade” iha Estadu Direitu Demokratiku, so Tribunal deit mak bele lian ikus hodi deklara.  

Iha Demokrasia Timor-Leste nian, liliu Deputadus sira iha Maioria Parlamentar, seguda lejislatura iha ano fiskal 2008, wainhira Mundu hasoru krise bo’ot ekonomika financeira eskala global, IV Governu Konstitusional neébe lidera husi Kay Rala Xanana Gusmao, apresenta FEE (Fundu Estabelizasaun Ekonomika), PR la promulga no haruka ba TSJ/TR halo apresiasaun konstitusional ka fiskalizasaun abstrata ba Diploma refere. Wainhira TR detekta iregularidade, FEE la book no osan fila ba kofre Estadu.  

Saida mak akontese ho Lei OJE 2016, se TSJ/TR detekta ilegal iha artigu ruma???  

Hein Maluk sira nia kontribuisaun!  

Dili, 12.01.2016, tuku 00:00 HTL!