VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20151213

TINAN ATUS LIMA: Kapítulu 37 – Restaurasaun Misaun Katólika iha Timor (1874--1910)' (Parte dalimak) – Edukasaun labarik mane timoroan nian

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 37Restaurasaun Misaun Katólika iha Timor (1874--1910)’ (Parte dalimak) – Edukasaun labarik mane timoroan nian

Rekomendasaun ne’ebé Padre António Joaquim de Medeiros fó ba nia kolega sira, mak loke eskola ba labarik sira, liuliu labarik mane. Nune’e iha kedan tina 1879, loke eskola ida iha Misaun Lahane. Iha Sidade Dili laran hamoris eskola rejia, nebé uluk governu kaer. Padre Manuel Alves loke eskola ba labarik mane iha Manatuto, ho alunu nain 52; padre Sebastião Aparicio da Silva loke eskola iha Lacluta ho alunu na’in 16; padre Francisco de Mello loke eskola iha Oe-Cusse ho alunu nain 30; padre José António Pires loke eskola iha Batugadé ho alunu na’in 16.

Iha tinan 1883, padre João Gomes Ferreira, ne’ebé troka padre António J. Medeiros, hanesan Superior no Vigário Geral harii eskola de Artes e Ofícios (ka profissional) iha Lahane: iha eskola ne’e, funsiona Karpintaria (atu prepara badaen ai); serralheria (ba badaden besi), alfaiataria (atu suku ropa); sapataria (atu halo sapatu). Ba eskola ne’e, amo Bispo haruka Mestre, ema xina, hosi Macau. Liu tiha tina ida ka rua, labarik sira bele halo ona saptu, ropa, picareta, pá, parafuzu, martelu no buat seluk tan.

Eskola feto nian iha Dili, aluna na’in 13

Eskola feto nian iha Bidau: aluna nian 25

Iha tinan 1884, iha Dili, eskola primária governu nian iha alunu nain 40; iha tinan 1885, alunu sira hamutuk 58; iha tina 1886, alunu sira hamutuk na’in 40; tinan 1888, alunu na’in 53.

TINAN 1885

Eskola Misaun nian iha Manatuto: tinan 1885, alunu na’in 35; tinan 1886, alunu na’in 36; Eskola labarik feto nian, aluna na’in 20.

Misaun Oe-Cusse: Eskola ba mane sira. Alunos, na’in 45.

Misaun Soibada: eskola mane nian, alunu na’in 23.

Mapa escolar hosi Misaun Manatuto, iha tina 1884/1885

Labarik mane sira ne’ebé esokola iha nebá:
  1. Afonso Soares, ho tinan 15, hosi Manatuto;
  2. Feliciano, tinan 15, hosi Venilale;
  3. Domingos dos Santos Cárceres, tinan 14, hosi Ili-Heu;
  4. João dos Santos Cárceres, tinan 12, hosi Ili-Heu;
  5. Jacob Doutel, tinan 17, hosi Manatuto;
  6. Sebastião Ferreria de Noronha, tinan 14 (?):
  7. Bernardo de Carvalho, tinan 8, hosi Mantuto;
  8. Felix Doutel Sarmento, tinan 15, hosi Alas;
  9. Tomás Soares, tinan14, hosi Manatuto;
  10. António da Silva, tinan 13, hosi Manatuto;
  11. Pedro Soares, tinan 12, hosi Mantuto;
  12. Bernardino Pereira Rebello, tinan 12, hosi Mantuto;
  13. Joaquim Soares, tinan 14, hosi Manatuto;
  14. Simão Soares, tinan 12, hosi Manatuto;
  15. Lourenço Doutel da Costa, tinan 12, hosi Alas;
  16. Caetano da Costa Ximenes, tinan 12, hosi Laleia;
  17. António Gusmão, tinan 10, hosi Laleia;
  18. Mateus Soares, tinan 11, hosi Mantuto;
  19. Domingos Soares, tinan 7, hosi Vemasse;
  20. João Soares, tinan 7, hosi Mantuto;
  21. António do Rego Soares, hosi Mantuto;
  22. José da Costa, tinan 10, hosi Alas;
  23. Luís Ximenes, tinan 8, hosi Laleia;
  24. Pedro Saores, tinan 8, hosi Mantuto;
  25. Domingos Soares, hosi Mantuto.
Professor: Padre Anacleto Cotrim da Silva Garcêz.
Labarik sira nee, balu sei sai liurai, dato, professor no funsionariu.

NB: Tuir sidade Dili, rai ne’ebé iha ema matenek barak, mak Manatuto, Laleia, Lacló, Vemasse no Alas.

Jerasun sira hosi Mantuto ka Lalaei ne’ebé hakarak buka tuir sira nia bei ala sira naran, bele haree hosi lista ne’e.

Dom Carlos Filipe Ximenes Belo
Premio Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.