Tinan Atus Lima: KAPITULU 27 - Situasaun Timor iha tinan 1815 ba 1859

500 ANOS – TINAN ATUS LIMA  Emar Timor Ho Malae Mutin Hasoru Malu  

Dom Carlos Filipe Ximenes Belo

Kapítulu 27 – Situasaun Timor iha tinan 1815 ba 1859

Iha tinan hirak ne’e iha Timor la iha dezenvolvimentu maka’as. Hosi administrasaun, Liurai balu tun ba Dilia atu “presta vassalgem” ba autoridade sira. Governador José Pinto Alcoforado de Azevedo e Sousa (1815-1819) kontinua planu atu kuda kafé barak iha foho sira haleu Dili. Nune’e mos nia haruka kuda tohu no ai-luka (ai-farina). Nia mos haruka ema atu esplora mina-rai iha Bibiçuço. Iha nia tempo governu portugés lakon rai no portu Atapupo, ne’ebé holandês sira hadau. Atu ukun Timor, autoridade hosi Goa fo aprovasaun ba Conselho governativu: Antonio Caetano Dias, Dom Gregório Pereira, liurai Motael no amolulik Frei Bartolomeu Pereira. Iha Governador Manuel Gois (1821-1832) nia tempo, hahú revolta iha reinu Balibó, Batugade no Cotubaba, tan ba sira la konkorda atu governu hatun comandante tranquera Batugadé.

Tuir mai, iha governador Dom Miguel Silveira Lorena (1832) nia ukun, mosu revolta Cowá. Maibé embot ne’e mate, e estabelese Conselho governativu foun; nia membros mak: frei Vicente Varela, José Pereira de Azevedo e Francisco Inácio de Seabra.

Iha tinan 1834, to’o Dili, embot ida ne’e be istoriador portugés balu bolu “Marquês Pombal” Timor nian. Tanba nia hala’o dezenvolvimentu iha Prasa Dili laran: loke liuron, halo kanalizasaun ba bé, harii uma ho baki, etc.

Governador Frederico Leão Cabreira hahú ukun (1839-1844; nia la dun gosta amo lulik timor oan padre timor oan Gregório Maria Barreto; tanba ne’e ba tramqueira Lautém. Tuir mai governadro Julião José da Silva Vieria (1844-1848); iha nia tempu kora-kora hosi ema olandés tama portu Sama no Lautem hodia naok sasan no hatam arma.

Tuir mai, Timor nia istória sei hatene governador José Joaquim Lopes (1851-1852) ne’ebé fa’an Flores mo Solor ba olandés, ho osan 80 mil florins no simu reinu Maubara, ne’eb’e uluk pertense ba olandês sira. Se nia la faan karik, ohin loron, Solor no Flores sei pertense ba Timor…

Dom Carlos Filipe Ximenes Belo

Premiu Nobel Paz 1996