VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20151006

Tinan Atus Lima: KAPITULU 20 - Mudansa Kapital hosi Liphao (Lifau) ba Dilly (Díli)

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 20 
Mudansa Kapital hosi Liphao (Lifau) ba Dilly (Díli)

Governador António José Teles de Meneses to’o Lifau loron 14, fulan marsu, tinan 1768. Membru Governo Consultivo entrega poder ba nia atu ukun. Maibé, tempu nebá, kofre Estadu nian mamuk; la iha guarnisaun diak atu defende Prasa. Ha-ahan no aimoruk susar atu hetan. Liurai Francisco Hornay III ho male olandês ameasa beibik atu atka Lifau. Nia hola desizaun istorika atu husik Lifau no muda ba Loro sa’e. Hare katak iha portu , iha ro-ahi rua hosi Macau, ro-ahi Saun Vicente ho ro-ahi Santa Rosa, loron 11 fulan agostu 1769 kalan, governador haruka sunu no sobu Prasa Lifau. Loron 12 dadersan nakukun deit, nia haruka ema mane, feto no labarik, hamutuk 1.200, sa’e ro-ahi rua nebá ho tan korkora no beiru seluk, halot tiha armamentu balu no dokumentus sira hotu, komitiva husik Lifau, no halo viajen ba Batugadé. Ema na’in rihun ida atus rua ne’e, see see deit: balu male mutin, balu hosi Goa (Índia Portuguesa), balu hosi Macau, balu hosi Larantuka, no balu ema Timor.

Iha Batugadé, governador haruka ema hatun “peça artilharia” sanulu resin rua (12) no ema balu, atu defende tranqueira, hatun mos ai-han atu fo ba populasau; ikus mai, komitiva liu ba portu Dilly.

Iha loron 10 fulan outubro 1767, governador António J. Teles Meneses tama portu Dilly!

Nia haree fatin ne’ebá diak tebes: rai tetuk, iha natar, iha be lihun (Caicoli), iha tasi atu ró-ahi sira hela ba, no fatin atu defende-aan kontra funu maluk sira. Ho iaspektu ida ne’e, António Teles Meneses, halo desizaun istórika hodi estabelese kappital Timor ho Solor nian iha Dilly!

Iha niania informasuan ba liurai Portugal, Dom Pedro II governador haktuir katak nia estabelese Prasa ihrai tetuk furak ida (planície);, ne’ebé iha odomatan rua: ida sees ba loro sae, ida seluk sees ba loro monu; iha parte sul planisie ne’e, iha belihun ho ai moris barak.

Iha taci no bee lihun nia let harii sidadela ka tranqueira (benteng) ida. Tasi Dilly mos furak, tanba iha nebá iha portu natural ida, ne’ebé ro-ahi besik rua nulo (20) bele tama no descansa iha ne’ebá.

Liu tiha loron balu, liurai sira hosi reinu Provincia dos Bello, nadodon tui-tuir malu, tun ba Prasa atu apresenta kumprimentus ba governador no “presta vassalagem”.

Iha Prasa laran, em halo governador nia uma (rezidensia), quartel ba tropas, alfandega; ema t’oo hosi Lifau halo mos sira nia uma (palhotas) ho nu than no akadiru tahan. Kapela iha nanis ona. Ikus mai sira mos harii ospital no uma merkadu. Governador monta estrutura governu nian iha Timor: Sekretariu governo nian, juiz ka ouvidor, no komando militar.

Hosi reinu, liurai sira haruka ema atu defende prasa no haruka ai-han (batar, hare no balada). Governador mos husu ba Liurai Portugal atu haruka badaen (badaen besi, badaen fatuk no badaen ai); haruka mos kompañia sipaios ka soldados nian.

Goverador António José deTeles de Menes hela iha Dilly to’o tinan 1775. Bainhira nia tempu remat tiha, nia liu ba Goa.

Iha tinan 1772, komandante fransés naran Francois Etienne de Rosely ba vizita Dilly. Nia konta katak governador portugés hela iha Dilly, hamutuk ho ema na’in 40 (malae mutin no ema indianu); sipaus barak, hosi Goa no Moçambique; Nia mos hetan iha sidadela laran “bispu” ida (kala governador do Bispado), comandante militar, no amo lulik ida nebé hala iha Manatuto; iha reinu-reinu iha misionariu ida; reinu nebé boot, iha amo lulik nain rua; Xefi (liurai) sira mesa katoliku deit; ema balu gentiu, liu liu sira rai-na’in; iha povoasaun sira besik tasi, iha igreja ida; Ema ne’bé kristaun (sarani ona), ofisialmente iha feen dia deit, maibé, tuir adat, iha kama-rua barak; ema ne’bé gentiu, konverte bainhira besik atu mate.;

Iha tina 1773, governador Bispado Malaca nian ne’bé hela iha Prasa Dilly mak padre frei Francisco da Purificação, O.P.

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.