Delegasaun PD hasoru malu ho PM ható kriterius & kandidatu ba troka La Sama

Dili. Forum Haksesuk (FH). Aban segunda-feira (29/06/2015) delegasaun Conselho Liderança Nacional (CLN) Partido Democratico (PD) kompostu husi Presidente Interinu Adriano do Nascimento, Sekretariu Jeral Mariano Asanami Sabino, Presidente CPN (Conselho Politica Nacional ) António da Consceição no Sekretariu CPN, Virgilo Hornay, hasoru malu ho PM Dr. Maria de Araujo, iha Palacio do Governo, segunda-feira (29/06/2015), tuku 08:30.

Agenda ne’ebe mak Delegasaun CLN PD nian hasoru malu, mak atu ható ba Primeiru-Ministru Dr. Rui Maria de Araujo konaba fatin ne’ebe mak Saudoso Fernando La Sama de Araujo nudar Presidente PD, okupa kargu nudar Ministro Estado, Cordenador dos Assuntos Sociais e Ministro Educação (MECAS/ME) ne’ebe tuir ponto de vista Partido Democratico nian, ne’ee posisaun ne’ebe pertence ba PD tanba halo remodelasaun no re-estruturasaun husi V Governu ba VI, ne’e entendimentu entre Partidus sira iha bloku mak iha entendimentu mak to’o akordu hodi harii VI Governu Konstitusional.

Delegasaun PD sei apresenta kriterius no kandidatu ba Ministro Estado,Cordenador dos Assuntos Sociais e Ministro da Educação.

Kriterius:

1) Pertence ba estrutura Partido ka lideransa Partido

2) Iha bagajens Intelektual & kulturala

3) Iha ideonidade moral

4) Seidauk kontamina ho Poder politika

Naran mak:

1) João Boavida

2) Adriano do Nascimento

3) Antonio da Consceiçao