VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quinta-feira, 26 de março de 2015

Ami La Ferias, Ami “incar” Indonesia

Treinado TL, Fabio Joaquim Maciel da Silva
Jogu tebe-bola kualifikasaun Pra Piala Asia AFC SUB-23 Championship, entre Timnas Indonesia no Selnas Timor Leste, hahu aban, Sexta (27/3) iha Stadion Utama Gelora Bung Karno, Jakarta.

Iha vespera jumpa pers iha Senayan Jakarta (26/3), treinador Selnas Lafaek, Fabio Joaquim Maciel da Silva, asumi optiminismu luta Lafaek hasoru Garuda. Fabio hatan ba jornalista sira nia litik dehan “Ami mai iha ne’e la’os atu pasa ferias, maibe ami “incar” Indonesia.”

Ho fiar-an, treinador brazileiru ne’e aposta iha experiensia jogador Lafaek sira, nebe nia rasik konsidera “lebih berpengalaman” kompara ho Aji Santoso ninia “anak buah” sira. Preparadu ho tempu naruk (mais ou menus fulan rua resin), iha hafetu-malu ida ne’e team Lafaek mos sei hatun jogador sira nebe mak hetan experiensia wainhira joga ho team senior sira.

Tamba ne’e, treinador “barani” dehan Selnas Timor Leste ho maxima forca pronto “fo surpreza” ba Timnas Indonesia.

Tuir prediksi Haibola.com, Indonesia sei manan Timor Leste ho skor 3-1. Maibe treinador Aji Santoso dehan nafatin “waspada” ho argumentu katak jogu Timnas ikus-ikus ne’e ho rai seluk hatudu resultadu ladun diak. Uniku performance positivu mak jogu ikus Indonesia fo 7-0 ba Timor Leste (setembru 2014).

Estatistika jogu dalima ikus Selnas Timor Leste sub-23 nian

12 Dezembru 2013, Cambodia 2 – 3 Timor Leste
14 Dezembru 2013, Timor Leste 0 – 0 Indonesia
15 Setembru 2014, Timor Leste 0 – 7 Indonesia
18 Setembru 2014, Thailand 3 – 0 Timor Leste
22 Setembru 2014, Maldives 3 – 2 Timor Leste

Estatistika jogu dalima ikus Timnas Indonesia sub-23 nian

21 Dezembru 2013, Indonesia 0 – 1 Thailand
15 Setembru 2014, Timor Leste 0 – 7 Indonesia
18 Setembru 2014, Maldives 0 – 4 Indonesia
22 Setembru 2014, Indonesia 0 – 6 Thailand
26 Setembru 2014, Korea DPR 4 – 1 Indonesia

Tuir estatistika iha leten, hatudu katak jogu dala lima ikus, Timor Leste manan dala ida deit, empata ida no lakon dala tolu. Enkuantu Indonesia manan dala rua no lakon dala tolu. Signifika iha balansu hanesan em termus de lakon, Lafaek sofre derrota dala tolu i Indonesia mos lakon dala tolu.

Iha jogu ida ne’e factor “kandang” fo vantagem ba Garuda Muda, maibe psicologicamente "was was" se la dehan ta'uk ho sombra jogador naturalisasi brazileiru sira butuk iha Selnas TimLes. Husi parte team Lafaek laiha argumentu atu hakfodak ho Indonesia, ho simples razaun, ida: "ita conhece malu hela". Rua: desde uluk kedas Indonesia admira ho TimLes nia estilu tebe-bola, dehan, hanesan Brasil, alias "Samba". Tolu: Timor nia futubol uluk conhecido ho naran "maun-boot" sira hanesan Sikitu Metan, Mesquita, Godinho, David, Pedro Baiasa, Menu Mautuk no sst. Tuir hikas jerasaun Julio Bobo, Paulino Sanches, Aquino Vieira, no sst. Jerasaun tuir mai mak hanesan ita hotu acompanha, agora, hela deit hatudu sira nian performance. Jerasaun foun hatudu ba!

FH - Forum Haksesuk nia votu "ITA BELE"!

FH/AFAF

Sem comentários:

Enviar um comentário

Nota: só um membro deste blogue pode publicar um comentário.