VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20150208

Membrus Governu foun, PR tenki mos konsulta KAK & MP

Dili. Forum Haksesuk (FH) rekoila opiniaun liu husi media sosial (MS) hanesan Facebook (FB) konaba Presidente República (PR)  buka envolve mos Komisaun Anti Korupsaun (KAK ) no Ministeriu Público (MP). Objetivu husi Remodelasaun/Reestruturasaun mak ne’e: ”eficacia no eficiencia iha Governasuan hodi ba hetan produsaun ka resultadu ne’ebe optimal”.

Ne’eduni sira ne’ebe atu hola parte VI Governu Konstitusional (GK) buka mos hases husi korupsaun & la envolve iha krimi ruma. Tanba tuir cidadaun sira nia hanoin liu husi MS no hetan husi email, hotu-hotu lian ida atu Presidente República (PR) tenki ka dever atu konsulta mos KAK no MP, atu konsulta konaba sira ne’ebe kandidatu ba kaer kargu Estadu ne’e indises iha karupsaun ka mos husi persapsaun publika konaba KKN (Korupsaun, Kolusi no Nepotisme).

Pergunta ne’ebe mak Forum Haksesuk halo ba sani nain sira liu husi Fb iha Sabadu (07/02/2015) mak: “PR tenki envolve KAK no Ministeriu Publiku iha selesaun Molok nomeia membrus VI Governu Constitusional? Oinsa maluk sira nia hanoin? (https://www.facebook.com/#!/groups/628300830528195/925628367462105/?notif_t=group_comment)“

Tuir  Agosto Sera Lopes, liu husi Fb haktuir katak, ”konkorda ho Presidente República (PR)  buka envolve mos iha konsulta orgauns sira hanesan KAK no MP”. Tuir Eco Lorosae, liu husi Fb mos, ”secunda ba proposta ne’ebe mak ható husi Forum Haksesuk”.

Iha hanoin seluk mai husi Aileba Maubere Lian katak, ”Buat rua la hanesan husik Justica halo nia servisu no husik PR koncentra ba decisaun ne'ebe importante ba Nasaun RDTL nia fururo!”.

Hanoin hanesan mos mai husi Maria Martins, ”Wainhira governo reestrutura ona, PR bele kopera ho orgaun soberania sira seluk atu bele kontrola”.

Iha esperiensia Nasaun vizinu Indonesia, Presidente Jokowi molok forma Governu nia halo uluk konsulta ho KPK (Komisi Pemberantas Korupsi), harukas kandidatus ba membrus Governus sira, sira ne’ebe envolve ka indises korupsaun hasai husi lista, sira ne’ebe mos mak bele ba sai membrus Governus.

Tuir Agosto Sera Lopes, ”konkorda atu Timor-Leste mos bele banati tuir nune’e (idem)”.  Kestaun mak ne’e, bola agora iha ona Presidente Republica nia liman, iha ka la iha vontade politika  bolu KAK no MP ba fó opiniaun konaba futuru membrus Governantes balun ne’ebe mak iha suspeitas ka indisus forte ba korupsaun diak liu elimina husi lista ba futuru governu.

Tanba falta deit tinan rua (2) Governu kompleta ninia mandatu, buka iha koncentrasaun no ses husi alegasaun sira, nune’e labele perturba koncentrasaun no kinerja iha prestasaun servisu!

Fonte: husi opiniaun Facebookers sira nian!  

Sem comentários:

Enviar um comentário

Nota: só um membro deste blogue pode publicar um comentário.