VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 27 de abril de 2014

SASIN ‘K’

By Loriku Lian-Lulik

‘Lalais! Hau rona emar ida hakat mai. O liga lalais fiu ne’e iha didin-lolon, depois liga diretamente ba paralelu kik ne’e. Ita bele reboka simenti mahar utuan’. K dehan, se bele pinta liutan para halo mahar. Paralelu hirak kedas mak ita atu monta? Salaun ida ne’e, bot los. Se sira muda ba-mai sira nia kadeira no meza mai iha kantu ida ne’e, ita la rona ona. Fuck! do it quick! K hakilar, maibe lian la sai, iha kakorok talin deit, tanba siguransa sivíl sira balun lao ba-mai hela iha koridor.

K hateten ba nia kolega nain tolu katak sira iha misaun importante ida husi nasaun Kanguru. Misaun ne’e mak atu buka informasaun ho dalan saida deit konaba nasaun Lafaek nia pozisaun ba mina no gas iha iha tasi klaran, hanaran ‘Timor Gap’.

Iha hotel ro’o Central, K hasoru malu ho nia kolega nain tolu ho kódigu D, U, no K. Sira nain haat nian kodigu mak, KADIUK. Hemu serveiza iha ro’o Central, sira nain hat dada-lia no trasa planu oinsa atu monta paralelu intelijensia nian iha bot nasaun Lafaek nia edifisiu sirak. Entre sira nain hat, K (primeiru) mak esperiensia barak liu. La hatene emar inosenti hira ona mak nia dulas kleuk sira nia kakorok iha nasaun sirak ne’e wainhira nia halao operesaun intelijénsia. Ema bot nain hira ona mak nia konsege eskuta/sadap sira nia telephone. Iha tinan Sanulu halao servisu espionaze, ba interese nasional nia nasaun, nia rekor bele dehan diak tebes. ‘Hello, how was the game’? Was it good this morning?’

Well, not so good- because they walked around too close to the field. We got distracted a bit! We will try again tomorrow morning. K koalia ho nia patraun/xefi liu husi telemovel informa katak operasaun iha Palasiu do governu lao la dun diak ohin dader tanba siguransa sivil sira lao ba mai Iha hotel Central K hasoru malu ho anoi fuk-mean ida husi Kosovo, staf misaun ONU iha nasaun Lafaek. Sira nain rua hemu serveiza lubuk ida, ikus mai tama ba kuartu taka odamatan, no muzika mak lian deit iha kuartu laran. Hakuak malu no namora malu to’o harís kosar-ben, maski AC lao ho volume a’as, maibe AC lakon kontra sira nain rua nia enerzia ba namora-malu. O servisu saida iha ne’e? Anoi fuk-mean husu ba K.

Hau servisu ho ajénsia dezenvolvimentu husi nasaun Kanguru. Ami iha programa bot, atu hasai povu nasaun Lafaek husi mukit. Eduka mós sira atu kumpriende emar seluk nia direitu, hanorin sira fase liman molok ha’an, maibe importante liu mak atu hanorin sira konaba demokrasia. Imi nian azensia naran......? ’Kanga-Aid’, hatan K.

Maibe horseik hau hare’e O lao ba fali palasiu do governu! ‘Ooh, Ami nia ajénsia mós hetan fiar atu hadia ka renova salaun enkontru Primeiru Ministru nasaun Lafaek nian. O imajina tók, sa servisu fatin ida husi Primeiru Ministru mak AC mós la iha, didin lolon sira ne’e nakfera arbiru,. Aaah, kuitadu ita hare’e kondisaun ne’e. Tan ne’e mak ami nia Ajénsia, Kanga-Aid fó mós tulun hodi bele hadia PM nia eskritoriu no salaun enkontru. Ami mos propoin ba sira atu troka hotu tiha kadeira sofa nó meza sira iha gabinete primeriu ministru. Nune’e mós fasilidade hanesan ba PM nian sekretaria no asistenti sira. Ami nia Ajénsia mós oferese tulun hodi bele hadia houtu orgauan soberanu sira seluk nia edifísiu, liliu hanesan Palasiu Presidenti nian. Liutan ne’e, ami mós hakarak oferese para hadia netik residensia PM no Presidenti nian. Kuitadu, dalaruma sira simu bainaka... fatin rungaranga los’. K esplika ho detaillu ba anoi fuk-mean.

Ouuh, imi nia ajensia zenerosu tebes ho tulun sira ne’e hotu.

Ida ne’e laos asaun dala-uluk liu iha ami nia istroria. Kanga-Aid tulun ona nasaun post-konflitu lubuk ida, liu-liu sira nebe’e mak iha riku-soi mina no gas barak, para sira bele kria sistema ida diak hodi bele zere sira nia riku-soi ho diak.

Priiiiing, priiing.... deskulpa hau simu lai telefone ne’e....Hello.....yes, I am in the meeting right now, I will call you later, mate!!

Se mak telefone? Husu, anoi fuk-mean.

Ouuh, hau baruk tanba kolega barak mak hakarak koalia….hakarak rona istoria kona-ba situasaun iha nasaun Lafaek.

K lohi anoi fuk-mean, tanba nia kaben foin mak telefone husi nasaun Kanguru, maibe nia lohi dehan nia sei enkontru hela. Lohi malu hanesan ne’e sai ona moda ida iha servisu espionaze nian. Mais salaun ne’e la bot, tansa mak fulan ida ona mos seidauk hotu?

‘Sim, ita hadia PM ida nia office tenke hadia ho kualidade diak. Laos arbiru deit. Se la iha kualidade, ami nia Kanga-Aid mos bele lakon fiar’, katak K ba Anoi fuk-mean.

Ok honey, see you later. I have to meet my team at the palacio at 8am. K fo beijo ida ba anoi fuk-mean hodi hakat liu ba palasiu do governu.

So, D… how was the little plug? K husu ba nia kolega ida seluk, naran D.

No worries mate, we are finishing the operation. Just need a little bit of final touch, especially with the paint. D esplika ba K, katak operasaun lao diak hela.

How about the boss’ table? Did you manage to ‘fix’ the table? Yes, I did. That’s one easy, because the table is quite big and made of very strong timber.

‘Hau tau ona iha meza okos. Sira sei la bele hare’e tanba paralelu ne’e mihis los. Nia kór mos hanesan ho kor meza nian’, D esplika ba K.

Tuku 5 loraik sira fila fali ba hotel ro’o Central. Hotel ne’e namlele iha tasi-laran ho distansia metro atus rua deit husi Palasiu do Governu. Hotel ne’e sai hanesan hela fatin ba emar internasional sira mak mai dehan atu tulun povu nasaun Lafaek nian, inklui ekipa KADIUK. Emar internasional barak mak nunka rona konaba terus nasaun Lafaek nian, maibe derepenti sira mosu mai dehan sira atu tulun povu nasaun ne’e. Balun mos rona, maibe la halo buat ida durante luta povu nasaun Lafaek. Entaun barak mak mai dehan servisu ho misaun ONU, maibe moris hanesan turista deit, inklui mos anoi fuk-mean.

Congratulation mates for the well done job! K salut ba membru KADIUK, sira hemu serveiza hodi selebra sira nian servisu nebe’e mak konsege remata ona.

Aban dader ita atu halo serimonia kik-oan ida iha edifisiu PM. Xefi Kanga-Aid sei marka presensa hodi entrega xavi odamatan formalmente ba PM nasaun Lafaek nian. Ita hotu tenke marka presensa. K hateten ba nia membro sira.

Fuck! Tanbasa mak ita rona sira nia konversa ladun mós?

K hakilar nia kolega nain tolu, wainhira sira koko rona diskusaun PM nasaun Lafaek nian hamutuk ho nia ministru sira, iha Sigunda dader tuku 9.

Entaun, paralelu oan ruma la funsiona didiak? Oinsa konrola husi sentral? Ho lian a’as, K husu ba nia ekipa.

Priiing, priing, hello love, where are you? Are you in your room? Lian midar husi anoi fuk-mean.

Yes, but I have all my mates here and things are quite messy in my room. I will come to your room in about an-hour, honey.

K sempre evita anoi fuk-mean mai nia kuartu ho razaun katak nia kuartu rungaranga liu. Maibe, razaun los mak iha K nia kuarta sira monta ekipamentu importante hodi ezkuta/sadap diskusaun sira hotu entre PM no nian ministru sira.

‘What the fuck are you guys doing there? We haven’t heard anything from you in the last two K nian xefi telefone ho lian aás husi Canberra, kapitál nasaun Kanguru nian.

‘We are about to start the negotiation with those idiots! We need the bloody insights information ASAP! I will kill you guys if I don’t get anything in the next 24 hours’. Ho hirus K nia xefi hakilar liu telefone.

Don’t worry boss, we are monitoring the ‘party now’. You will get the ‘delicious cookies’ in the next 24 hours.

K promete ba nia xefi katak KADIUK sei bele pasa informasaun diak importante ruma iha oras 24 laran, no pasa ba Canberra molok negosiasaun ho reprezentante nasaun Lafaek nian.

Priiing.... Hi love...what are you doing now? Telefone mai husi Canberra.

Hi... sweety....I am in the meeting right now...I will call you later...

K lao hela ba anoi fuk-mean nia kuartu....

Operasaun ne’e lao liu tiha tinan barak, K basa rentos alias arepende wainhira hatene tuir katak ninian xefi nian superior naran Alexi Damn sai konsultan ba kompania mina no gas nebe’e esplora Timor Gap.

Dili, February 5, 2014.

Loriku Lian-Lulik
Hela iha Dili

Sem comentários:

Enviar um comentário

Nota: só um membro deste blogue pode publicar um comentário.