VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20130808

CNRT, PD no Frentin Mudanca koalia Remodelasaun iha kontextu Bloku Koligasaun

Partidu CNRT,  PD no Frenti Mudanca koalia Remodelasaun iha kontextu Bloku Koligasaun (BKG) ne’ebe mak suporta na V Governu Konstitusional
Dili. Forum Haksesuk (FH). Tuir lider partidu CNRT ne’ebe lakohi dehan naran ba FH, katak “koligasaun BKG ne’e kontinuasaun husi Koligasaun AMP (Alianca Maioria Parlamentares) ne’ebe mak suporta ba IV Governu Konstitucional”. Lider CNRT ne’e mos ko’alia konaba remodelasaun tuir kontextu koligasaun nian. ”Ko’alia konaba remodelasaun hatur iha kontextu BKG nian”, nia defende.

Iha parte seluk, lider  partidu Frenti Mudanca dehan katak ”remodelasaun partidus sira ne’ebe forma  BKG mak tenki ko’alia hodi analiza ba lala’ok governasaun durante tinan ida nia laran”. Tenik tan lider Partidu FM ne’e katak ”laos tu-tur atu mai koalia konaba remodelsaun, avaliasuan ba susesu no insusesu V Governu Konstitusional tenki mai husi BKG rasik”.

Foin dadauk Sekretariu Jeral Partido Democratico (PD) mos hateten ona nia pozisaun konaba issue remodelasaun ne’e ho lian kritika ba partidu opozisaun katak ”Opozisaun labele tau kanuru tohar iha Remodelazaun” (TP, 06/08/2013).

Ikus-ikus ne’e iha tentntiva husi Partidu Oposisaun FRETILIN atu tama ka hola parte iha V Governu Konstitusional. Hatan ba ne’e representantes husi partidus sira iha BKG nian hateten katak, “PM Kay Rala Xanana Gusmao fó entrega projetu bo’ot Zona Economika Espesial Merkadu Sosial (ZEEMS) Oecusse ba partidu FRETILIN liu husi ninia Sekretariu Jeral Dr. Mari Alkatiri nudar responsável ho jere projetu ne’e”.

Projetu ZEEMS ne’e investimentu bo’ot ne’ebe mak Estadu aposta no fo fiar ba Dr. Mari Alkatiri no ninia equipa. Tuir lideres partidus CNRT, PD no FM, ”projetu ZEEMS ne’e projetu nebe mak V Governu no hetan suporta husi BKG mak deside, molok ne’e Governu liu husi Ministeriu Finansas halo estudo konaba viabilidade Zona Ekonomika Exkluzivu (ZEE) iha mundu, foti exemplu ZEE 12 ne’e rekomenda ba PM Kay Rala Xanana Gusmao.

FHDili

Sem comentários:

Enviar um comentário

Nota: só um membro deste blogue pode publicar um comentário.