VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20130728

Team Konsultan husi PU Indonesia tulun MOP hodi dudu Dezenvolvimentu Timor-Leste

Dili. Forum Haksesuk (FH) Tuir Ministerio Obras Publicas (MOP) Eng. Gastao Francisco de Sousa, preside cerimonia ba simu team konsultan teknikas husi Ministeriu Obras Publikas Indonesia, iha Edificiu MOP Mandarin, Dili, Timor-Leste, Segunda-Feira (29//07/2013) tuku 09:00 HTL, katak, “wainhira tomada pose nudar MOP, iha hanoin no mehi ida katak, atu muda Obras Públicas Timor-Leste, devolve fali kna'ar lolos Obras Publikas nian nudar instituisaun teknikas ne’ebe responsavel ba kestaun teknikas”.

Haktuir tan MOP, ”implementasaun husi MOU ne’ebe mak Ministeriu Infraestrutura asina ho Ministru Obras Publikas Indonesia nian, husi ne’e mak loke dalan ba lori equipa konsultan husi Ministeriu Obras Publikas Indonesia nian mai atu tulun Obras Publikas Timor-Leste”.

Iha tinan kotuk Ministru Obras Publikas Eng. Gastao de Sousa ho ninia equipa halo vizita kortesia ba Ministeriu Obras Publikas Indonesia nian, ne’ebe simu direta husi Ministro Djoko Firmanto, iha biban ne’eba Ministru Obras Publikas Indonesia haktuir katak ninia Ministeriu pronto atu tulun MOP Timor-Leste.

Equipa team Konsultan lidera husi Ex-Minstru PU Indonesia Eng. Rachmadi Bambang Sumadiyo

Iha biban ne’e Eng. Rachmadi Bambang Sumadiyo, nudar kordenador ba team konsultan husi Ministeriu Obras Publikas Indonesia haktuir katak, “realsa koperasaun husi rai rua Timor-Leste no Indonesia”. Haktuir tan Rahmadi, ex-Ministru Obras Publikas iha tempo Prezidente B. J. Habibie, 1999-2000, katak ”misaun team konsultan husi Ministeriu Obras Publikas Indonesia nian atu ajuda desenvolvimentu iha Timor-Leste no transmite konesimentu ba Engenheiros timor oan sira”.

Tuir data base husi Diresaun Rekursus Umanus MOP nian, iha MOP iha deit Engenheiros hamutuk nain 16 ba estradas no pontes. Limitasauns ba Rekursus Umanus nudar preokupasaun no perioridade ba MOP.

FHDili

Sem comentários:

Enviar um comentário

Nota: só um membro deste blogue pode publicar um comentário.