Familia husu ba Portugal informasaun konaba fatin hakoi Liurai Boaventura

Familia Liurai Boaventura, aswa'in Timor nebe lidera revolta hasoru "malai-mutin" iha tinan 1912, sei husu ba Portugal informasaun konaba fatin iha nebe Liurai Manufahi hakoi ba.

"To'o agora ami lahatene ninia campa fatin. Ami tristi tamba la hatene nia fatin hakoi", afirma ba ajensia Lusa João Noronha, bei-oan Boaventura da Costa Sottomayor.

Timor-Leste assinala iha Kuarta-feira iha Same, distrito Manufahi, 100 km husi lor Dili, tinan atus-ida (100 anos) revolta no tinan 37 proklamasaun unilateral independensia RDTL.

Revolta Manufahi hahu iha Natal tinan 1911, hafoin komandante militar Same, tenente portugues Luis Alvares da Silva nia mate.

"Desterrado, condenado hosi tribunal militar. Ami persija notisia husi Governu portugues dehan hakoin iha nebe. Ami la hatene.", tenik João Noronha.

Fo-sai katak destino Liurai Boaventura hafoin entrega an ba forças portuguesas iha 26 Outubro 1912 kontinua incognita ba familia, enkuantu autores timoroan balu hatudu posibilidades barak.

Iha livru "Pulau Timor", husi autor timoroan Antonio Vicente, sani katak, apos Liurai Boavenura entrega-an ba forças portuguesas, hetan prezu ka kastigu no lori ba Dili.

Tuir livru ne'e, tuir mai sira lori nia ba antiga prisao Aipelu i husi ne'e ba fali Batugade, hodi entrega ba ema sira iha Soe, iha Timor Ocindental, antigo Timor holandes.

Autor livru ne'e refere katak Liurai Boaventura kaben tiha no mate iha Soe, hakoi do'ok husi 15 km iha duni fatin ne'e.

Iha livru "Guerra de Manufahi", autor Dom Ximenes Belo, edit tinan ne'e hosi dioces Baucau, refere katak desconhece ka lahatene destinu Liurai Boaventura.

"Nunemos desconehece data mate no fatin hakoi. Timoroan balu, entre sira seluk antigo responsavel distrital Baucau, Abel Belo, konta katak Liurai nia isin hakoi iha entrada, atu tama, ba rate Santa Cruz, iha Dili", refere livru Ximenes Belo.

Atu fo homenajen aswa'in timoroan ne'e, Governu Timor-Leste haruka halo estatua ida ho nia imajen nebe sei inagura iha kuarta-feira iha Same, loron nebe Liurai Boaventura mos sei hetan kondekorasaun hosi autoridades ho titulo postumo.

"Ami senti orgulhu tebes ho momentu ida ne'e. La'os ami deit mak iha orgulhu. Rai ne'e nia oan i primeiru aswain Timor", afirma João Noronha.

Tuir bei-oan Liurai Manufahi, ideologia Liurai Boaventura identiku ho D. Afonso Henriques, primeiru Liurai Portugal.

"Primeiru Liurai Portugal, lakohi sob dominio hosi Liurai Castela nia ukun para hetan independensia Portugal. Liurai Boaventura mos hanesan", afirma.

Ba Boaventura nia bei-oan, Marito Boaventura, ne'e orgulho wa'in tebes ba avo sai "konsideradu nudar aswa'in nasional ida, tamba durante ne'e ema konsidera dehan rebelde no traidor ida". Fonte: LUSA/SOL

Sani hikas:

1. FUNU MANUFAHI
   » Antonio Ramos Naikoli


2. GUERRA MANUFAHI
   » D. Carlos Filipe Ximenes Belo


3. INTERPRETA ESPIRITU SELEBRASAUN TINAN 100 DOM BOAVENTURA IHA SAME, DISTRITU MANUFAHI IHA KONTESTU TIMOR-LESTE AGORA
   » Estanislau S. Saldanha

FH