Dili. Hafoin liu loron ida Bloku Koligasaun (BK) apresenta lista V Governu Constitusional (V GC), Prezidente Republika iha Palacio Presidensial Aitarak laran, segunda-feira ( 06/08/2012). Prezidente Republika husu ba Primeiru-Ministru Kay Rala Xanana atu muda lista V Governu Konstitusional.
Hatan ba preokupasaun PR nian, iha Terça-Feira (07/08/2012), Isabel Guterres ne´ebe alin husi José Luis Guterres resigna an husi kargu ne´ebe mak PM indijitadu konvida ba kaer kargu nudar Ministra Solidariedade (MS) nudar independente.
To´o noticias ne´e hatun (tuku 9 Hora Timor-Leste), Maun Alin Lay no Pires seidauk deside hodi la'o tuir dalan Isabel Guterres nian hahalok ne´ebe merece ita basa liman.
Tuir Deputadu Estanislau da Silva, husi bankada Fretilin ba TVTL iha edisaun Telejornal tersa-feira (07/08/2012), ”konsidere Estrutura V GC nakonu ho maun alin”.
Hatan ba ida ne´e, Deputadu Natalino dos Santos husi bankada CNRT, ”laos tamba maun alin maibe tamba kapasidade hodi hala'o knar (in TVTL, 07/08/2012)”.
Maun alin iha estrutura V GC mak: José Luis Guterres nudar Ministru Estadu e Negocio Estrangeiro no Isabel Guterres nudar Ministra Solidariedade (Independente), Emilia Pires nudar Ministra Finanças no Alfredo Pires nudar Ministru Enerjetiku e Rekursus Naturais, Pedro Lay nudar Ministru Transporte e Telekomunikasaun no Francisco Kalbuadi Lay nudar Ministru Turismu!
FH
Sem comentários:
Enviar um comentário
Nota: só um membro deste blogue pode publicar um comentário.