Jose Neves: Kombate KKN La Fasil Hanesan Ibun Hakilar

Profile & Actividade

Kombate KKN La Fasil Hanesan Ibun Hakilar

PROBLEMA Korupsaun, Kolusaun, Nepotismu (KKN) akontese iha nasaun barak, inklui Timor Leste. La fasil atu kombate moras a'at ida nee. Mesmu foin tinan 10 ukun a'an, Timor Leste tama kedas ba linha nasaun ne'ebe nakonu ho praktika KKN. 

La fasil kombate, tamba praktika KKN nee akontese nunka tunggal (ema nain ida mak halo) maibe liuhusi ema nain ida (grupus). Autor mos, mesak ema matenek nain, mesak iha experiensia barak (toman ona naok osan estadu, toman falsifika dokumentus), matenek servisu hamutuk. I entre sira mos, hatene malu diak (kolegas), sama-sama iha experiensia subar segeredu, no lihai bobar 'lia sala ba lia los'. Tan nee, atu kombate KKN la fasil hanesan babain ibun hakilar, tamba ninia jaringan barak, ninia koneksi barak. Praktika KKN buras no susar atu kombate, tamba mos sistema administrasaun iha governusaun nia laran fragil, sistema kontrolusaun fraku. Kondisaun nee loke dalan luan ba koruptor sira iha governu, hodi naok osan. Fasil akontese praktika KKN secara kolektiva. 

Neduni, see ita ejiji instituisaun kombatedor, hanesan Comisaun Anti Corpusaun (CAC) Timor Leste, tenkiser kombate lalais, rasta lalais koruptor ba tribunal, laos servisu fasil. Naha todan iha Roo ida, oras ida rua nia laran trabailhador bele hatun hotu, mais, kombtae KKN laos servisu gampang. Ita mos tenki komprende katak, CAC laos makina kakorok naruk (loder) ka aviaun funu Israel nian maka hanaran: Rudal Patriota. Maibe, CAC hanya instrumento ida ba anti KKN. CAC mesak labele halo buat ida. Susesu CAC presiza apoiu (moral no politiku) maka'as husi komponenti hotu-hotu. 

"Mesmu nasaun ida iha instituisaun independente bar-barak ho funsaun kombate KKN, sekuandu laiha apoiu no kontribuisaun husi entidades hotu: hahu husi povu, governu, lider parpol, lideransa komunitaria, lideransa nasional, organizasaun sosiedade sivil, nst, entaun CAC defisil atu fukit sai koruptor husi sira nia knuk. Mesmu CAC esforsu maka'as, sei lahalo buat ida, sekuandu avansa mesak," hateten Adjunto CAC ba area Edukasaun, Kampanha no Peskiza, Jose Antonio de Jesus das Neves (Jose Neves), ne'ebe fulan Marcu liuba foin simu posse husi Prezidente Jose Manuel Ramos Horta ba kargo refere. Jose Neves ninia akademia nudar majestradu Edukasaun no Dezenvolvimentu husi Universidade East Anglia Norwich, United Kindom (Reuni Unidu) iha tinan 2003. Nia dehan, CAC ne'ebe foin ha'rii iha Fevereiru 2010, atu hetan susesu ba kombate KKN, presija apoiu tomak husi sosiadade, liliu husi lider politiku sira tanba movimentu KKN la'o iha fatin hotu i ninia ligasaun mos luan. 

"Atu kombate KKN ne'e laos buat fasil. Alende povu tenke fo konfiansa. Ami mos presija apoiu. Liliu husi instituisaun sira hanesan PDHJ, Polisia, Prokurador Jeral Da Republika (PGR) no politiku sira atu bele servisu diak liu tan iha kombate korupsaun," komenta João Neves iha nia servisu fatin. 

Lisensiadu Christian Philosophy iha Kolejiu Filosofia Teolojia Malang, Indonesia iha 1993 ne'e akresenta katak, realemente Korupsaun hanesan oras a'at ne'ebe defisil atu kombate tanba iha abut no ligasaun ne'ebe forte. Maibe, Timor Leste fasil atu luta kombate ba Korupsaun bainhira povu hotu konkorda katak tenke duni halakon korupsaun hodi dudu KAK ba oin. Tanba ne'e ho kargu ne'ebe João asimu, nia hahu esforsu atu oinsa bele kontribui ba nia Komisariu KAK Aderito de Jesus akompanha ho nia kolega adjuntu seluk Manuel Bucar ba asuntu administrativa, atu bele hamos duni nasaun TL husi koruptor sira. 

Jose Neves rekonese katak, oras ne'e povu Timor Leste nia espetativa ba misaun KAK nian atu kombate KKN husi loro ba loron bo'ot ba bebeik. Maibe, membru RENETIL ativu husi 1990 to'o ohin loron husu ba povu atu bele komprende ba situasaun balun katak KAK hamrik husi zero. Iha ne'ebe, presija hari'I komponente hot-hotu iha instituisaun nia laran, hahu husi planu, rekursu humanus, no fasilidades. 

"Ami hatene povu nia espetativa ba ami bo'ot ba dadaun ona. Maibe, la fasil atu ami hakbi'it an atu halo balansu ho povu nia espetativa ne'e bainhira komponente hirak ne'e seidauk koresponde," dehan tan nia. 

Oinsa atu povu bele tulun ba KAK bainhira hetan evidensia?. KAK loke odamatan luan ba sidadaun ne'ebe deit iha evidensia forte mosu duni Korupsaun iha instituisaun estadu ruma. Tanba tuir João Neves katak, ladun iha valor se bainhira povu no lideransa politika sira hakilar kona ba KKN maibe la aprezenta faktus.

"Intermos moral dala ruma ita iha direitus atu hase'e. Maibe, atu akuza hanesan krimi, deklarasaun politiku deit la to'o. Tanba, kazu kriminal tenke iha baze ba lei," komenta tan João. 

João da Neves hahu nia vida politika bainhira envolve iha Organizasaun RENETIL iha 1990 hanesan organizasaun estudante ne'ebe luta ba independensia. João mos Salesman of Language Learning Materials ba PT Bentara Asia Malang, Indonesia iha 1994.

Maibe iha tinan ne'eba duni, João sai tenke tama prizaun hanesan dadur politiku durante tinan 3 fulan hat husi May 1994 to'o Setembru 1997, hafoin hetan kaptura husi polisia Malang Indonesia tanba envolve iha konflitu luta ba ukun rasik an.

Hafoin livre, João Neves kontinua iha ekipa RENETIL hodi halo kampanha ba ukun rasik an iha Finlandia iha 1998 ne'ebe organiza husi Committee of One Hundred Helsinki. No sai mos orador iha seminar kona ba Timor Leste iha universidade Portugal iha Setembru 1998. 

No iha 1999 Agustu inklui iha team leader kampanha ba ukun rasik an Liliu ba area ne'ebe hetan kontrola makas milisia Indonesia. João Neves mos envolve iha monitoring konaba kampanha partidu politika no iha elisaun demokratiku ba dala uluk ba membru asembleia konstituente iha 2001. Kualifikasaun seluk, João Neves mos hetan premiu lidership iha Melbourne, Australia iha estudu komparativu ba isu kona ba joventude ba TL nia dezenvolvimentu.

Iha 2003 sai hanesan konsultan nasional ba evaluasaun despezas husi UNDP's Livelihood Project. No iha Dezembru 2003 to April 2004 sai konsultan survey konaba dezempregu ba JICA JICA's Human Resource project. No iha maiu to'o to Junhu 2004 joing ho Comisaun Amizade Verdade no Rekonsiliasaun (CAVR) hodi hakerek relatoriu kona ba kapturasaun no detensaun husi 1975 to 1979 for CAVR. João Neves antes akaba ba Adjuntu CAC, sai hanesan Direitur Jeral ba asuntu joventude iha Sekretaria Estadu Joventude no Desportu (SEJD). Natalia Moniz.

STL, 11 Maiu 2012 

Profile & Actividade