VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20120427

PD: FLA ho Ramos Horta Hamutuk

Prezidente José Ramos Horta pronto la'o ho PD no FLA

Dili. Forum Haksesuk (FH). Kandidatu Jose Ramos Horta (JRH), Presidente Republika (PR) no Fernando La Sama de Araujo, Presidente Parlamento Nasional (PN), iha Quarta-Feira (25/04/2012) hala'o sorumutuk ho komunidades, autoridades lokais iha Suai, distritu Kovalima.

Iha biban ne'e, Presidente JRH haktuir tamba razaun saida maka nia hakarak la'o hamutuk ho FLA no Partido Democratico (PD).

“Husu ba imi atu vota ba PD, hodi manan no kaer ukun, liu husi koligasaun”, haktuir ne’e husi Presidente José Ramos Horta (JRH) iha dialogue ho komunidade iha Suai, Distritu Kovalima, Quarta-Feira (25/04/2012).

Tenik tan JRH, ”husu ba imi labele soe votu, vota ba PD, tamba hau fiar mak iha fulan Junho sei mai fali, la'o ho alin La Sama atu mai halo kampane, husu ba imi labele tauk hodi hili vota ba se?”.

“Hau akompana PD, iha tinan 2001, sira foin harii no tuir kedan eleisaun no hetan segundu maior partidu iha oposisaun, iha tinan 2007 depois sira kongresu sira tuir eleisaun no hetan kadeira aumenta. E tinan 2011 sira halo fali kongresu no tuir eleisaun Presidensial, resultadu mak votus ne’ebe maka La Sama hetan, neduni husu atu imi vota ba PD”, defende Presidente José Ramos Horta.

Iha eleisaun Presidensial 2012, kandidatus José Ramos Horta (JRH) no Fernando La Sama de Araujo (FLA), tau votus hamutuk hetan 35 %, ne’e konstitui forsa naton hodi bele kontribui ba cenariu politika ne’ebe maka sei hasoru hafoin eleisaun Parlamentares hotu. Iha nota ne’ebe maka Forum Haksesuk (FH) hetan asesu katak, ”Kandidatu JRH no FLA decide la'o hamutuk iha eleisaun Parlamentares fulan Julho no hodi prepara ba forma V Governu Constitusional (in talking point konf. Imprensa, 21.03.2012)”!

Sem comentários:

Enviar um comentário

Nota: só um membro deste blogue pode publicar um comentário.