VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20120228

Saida mak La Sama halo, hare iha nia CV

Nome: Fernando La Sama de Araújo

Data de Nascimento: 26 de Fevereiro de 1963

Estado Civil: Casado

Esposa: Marie Jacqueline Aquino Siapno, PhD, Professora na Universidade Nacional de Seoul – Corea do Sul.

Filho: Lírio Hadomi Aquino de Araújo

Naturalidade: Manutasi, Ainaro

Posição:

1. Presidente Parlamento Nacional – 2007 – 2012.

2. Presidente Partido Democrático – 2001 até a data.

Formação Académica:

1. Pós Graduação – Frequentou na área do Meio Ambiente – Universidade Melbourne, Austrália, 2000-2001.

2. Licenciatura – Frequentou na Faculdade de Letras – Universidade Udayana Denpasar/Indonésia, 1985 – 1991.

Experiência política e profissional:

1. Actualmente candidato à Presidente da República 2012/2017.

2. Presidente em exercício Assembleia Parlamentar – CPLP 2012/2013

3. Presidente Parlamento Nacional 2007/2012.

4. Vice-Ministro dos Negócios Estrangeiro e Cooperação – Governo de transição da UNTAET, 2001-2002.

5. Secretário-Geral da RENETIL 1988-2000.

6. Fundador RENETIL – Resistência Nacional dos Estudante de Timor-Leste, 1988.

7. Prisioneiro político – 1991-1998, Cipinang, Jacarta, Indonésia.

8. Fundador Partido Democrático – PD, 2001.

9. Fundador do Jornal Vox Populi.

10. Coordenador Rádio Timor Kmanek – Programa Oras to’o ona, Conselho Nacional da Resistência Timorense – CNRT, 1999.

11. Coordenador da Comissão de Planeamento, Conselho Nacional da Resistência Timorense – CNRT, 1999.

Nu’udar povo ki’ik no la’o ain tanan nian oan, Fernando de Araújo mos moris husi susar no terus hahu hosi ki’ik. Ninian inan ho aman la konsege kuinese alfabeto português to’o husik hela mundu ne’e tanba la hetan biban iha tempu Governu Português ukun Timor, no mos tanba la’os liurai nian oan ne’ebe bele tama eskola ho fasilidade iha biban neba. Sei ki’ik nia sai hosi eskola, ajuda nian inan-aman hamos du’ut iha to’os kafe, halo natar no dala ruma sai karau atan.

Aktual Prezidente Parlamento Nacional, oan ba dala 5 (lima) hosi maun-alin na’in 8 (ualu), feto na’in 5 (lima) mane na’in 3 (tolu), rezultadu hosi Horácio de Araújo ho Emiliana da Conceição nian domin. Maibe hela deit sira na’in 5 (lima) tanba husi maun-alin na’in 8 (ualu) mate na’in 3 (tolu), feto 2 (rua) mane 1 (ida).

· - Iha tuku 21:00, loron 20 fulan Junho tinan 1988, Fernando La Sama de Araújo ho estudantes nasionalistas grupu ki’ik ida ho aten brani deklara “Insurreição Política dos Estudantes de Timor Leste” (Kebangkitan Politik Mahasiswa dan Pelajar Timor Timur) hodi harii RENETIL.

Fernando La Sama hamutuk ho estudantes nasionalistas na’in 9 (sia) seluk-seluk ne’ebe harii organizasaun RENETIL, hanesan Lucas da Costa (Lahe-Mau ka Rama Metan) , Julio Abel Ribeiro (Taetudak), Jose A.M.X. Gonçalves (Si’ak), Adolfo Fontes (Mau-Lamas), João Cardoso (Mau-Riba), João Araujo (Mau-Terus), Marciano Octaviano Garcia da Silva (Sury Sakar Subar), Agapito Cardoso (Mau-Laco) ho Carlos da Silva Lopes (Freezip ka Saky).

La Sama ho nian grupu ki’ik ne’e deklara ejistensia RENETIL formalmente iha tinan 1988, maibe grupu estudantes sira nebee harii organizasaun nee rasik, hahu halo diskusaun atu harii organizasaun hodi funu ba ukun-an, hahu ona desde iha tinan 1986.

· - Nu’une’e, iha loron 20 fulan Junho tinan 1988, nia lidera estudantes nacionalistas universitarius na’in 10 hamutuk ho nia, harii organizasaun klandestina Resistência Nacional dos Estudante de Timor-Leste – RENETIL, iha Denpasar, Bali – Indonésia. Organizasaun ne’e ba jovens no estudantes nacionalistas Timor oan tomak ne’ebe estuda ka servisu iha Indonésia. Ho estratejia katak liu hosi RENETIL bele izola Timor oan tomak husi influensia interese politika ideolojika, sosial no ekonomika ne’ebe okupantes sira lansa. Alein de izola Timor oan sira hosi influensia ideolojia “pancasila”, ho estratejia seluk hanesan, liu hosi RENETIL bele habelar funu iha Timor-Leste sai mos isu nasional iha própria Indonezia nian laran (timorização do conflito) iha Repúblika Indonésia.

Hahu hosi loron 20 fulan Junho tinan 1988, nia jura ba nian an rasik, jura ba maromak, jura ba Bandeira Nasional, jura ba povo heroiku maubere no jura ba heróis matebian sira hotu katak, nia sei Luta ba Libertasaun Nasional no sei fiel ba prinsipiu ukun rasik an, fiel no submisaun total ba ordem hosi Komandu Superior da Luta. Jura atu luta to’o nian ran turuk ida ba dala ikus (até a última gota de sangue) kontra invazaun vergonhoza ho okupasaun ilegal no opresaun sistematika hosi rejime militar Soeharto nian iha Timor-LoroSa’e. Jura katak sei luta kontra violasoins povo maubere nian direitu, luta kontra insjutisas, hodi foti no hatur dignidade ema Timor oan tomak hanesan mos ema hosi rai selu-seluk, jura atu ema seluk la sama tan nian povo maubere. Tanba prinsipiu ida katak labele iha tan ema atu sama ema Timor oan sira, hodi nu’une’e nia rasik hanaran an La Sama, Fernando La Sama de Araújo, nu’udar kodigu luta klandestina nian.

Hahu mos hosi loron 20 fulan Junho tinan 1988 to’o tinan 2000, nia asumi xefia nu’udar Sekretariu Jeral RENETIL, hodi koordena aktividades klandestina hotu hodi hahu dada no rekruta estudantes no jovens nasionalistas sira sai membrus no militantes RENETIL nian.

Fernando La Sama diriji RENETIL nu’udar organizasaun nasionalista ne’ebe luta ba ukun an iha klandestina iha funumaluk (inimigo) nian leet, ne’ebe envolve jovens no estudantes nasionalistas sira iha sidades hirak iha Indonésia nian laran tomak, ne’ebe Timor oan sira hela ba, hanesan iha Denpasar-Bali, Mataram, Ujung Pandang, Surabaya, Malang, Madiun, Jember, Solo, Salatiga, Jogya, Semarang, Cirebon, Bandung, Jakarta, ho Lampung.

Nu’une’e mos diresaun iha Timor-Leste (DIJERTIL), diresaun jeral autonoma iha exterior (DIGAREX) iha Portugal ne’ebe engloba Australia, Englatera, no Irlandia hala’o servisu tuir diretrizes hosi Fernando La Sama de Araújo, ne’ebe mos rona no simu ordem ka instrusoins hosi Komando Supeiror da Luta.

Sira na’in 10 (sanulu) ne’ebe harii RENETIL hato’o ba Komandu da Luta kona ba ejistensia RENETIL nian, depois de liu tiha semana hirak. Hahu hosi biban ne’ebe Fernando La Sama de Araújo diriji hala’o aktividades RENETIL nian ba dala uluk, depois de Komando Superior da Luta mos hatene RENETIL no rekuinese nian ejistensia, nia sempre konsulta ho Comandante em Chefe das FALINTIL Kay Rala Xanana Gusmão, nu’udar dirijenti maximu luta ba independensia nian.

· - Iha loron 24 fulan Novembro tinan 1991, liu tiha loron 12 (sanulu resin rua) Masakre Santa Cruz, Intel militares Indonésios nian kaer nia iha nian kos ka hela fatin, fatin ne’ebe sai mos hanesan sede ba RENETIL iha biban neba, iha fatin ida naran Tamansari, iha zona Sesetan, Sanglah, Denpasar-Bali. Ema kaer nia iha kalan boot no lori nia ba liu interrogatoriu iha Intel sira nian fatin, tortura nia no hatama nia ba kadeia iha Denpasar, antes de lori nian ba Jakarta.

Fernando La Sama de Araújo fou-foun ema hatama nia iha kadeia POLDA Nusa Tenggara iha Denpasar, Bali iha loron 24 fulan Novembru tinan 1991 to’o loron 22 fulan Dezembru tinan 1991.

· - Hahu hosi loron 22 fulan Dezembru tinan 1991 to’o loron 23 fulan Marsu tinan 1992 hanesan prizioneiru politiku iha kadeia POLDA Jakarta. Hosi loron 23 fulan Marsu tinan 1992 to’o loron 25 fulan Setembru ema muda nia ba kadeia Salemba, Jakarta.

· - Hahu hosi loron 25 fulan Setembru tinan 1992 to’o loron 23 fulan Marsu tinan 1998, Fernando La Sama de Araújo sai prizioneiru iha prizaun Cipinang, Jakarta, hamutuk ho kompatriotas, kamaradas no kombatentes sira seluk hanesan João Câmara (atual embaixador TL ba Tailândia), Marito Reis (Secretário de Estado dos Antigos Combatentes e Veteranos da Guerra) no mos Kay Rala Xanana Gusmão, atual Primeiro-Ministro.

· - Fernando La Sama de Araújo mos sai koordenador ba seksaun Komunikasaun Sosial, Komisaun Planeamentu no Koordenasaun Kampanha (CPCC-CNRT), orgaun ida ne’ebe mos importante tebes iha movimentu pro independensia Timor-Leste nian. Servisu La Sama nian iha area ida ne’e mak hanesan halo planu no programa kampanha liu hosi : Impresaun Material (panfletus, poster no kartazes); Radio (Programa Oras To'o Ona - Radio Timor Kmanek no Radio Republik Indonesia); Programa Televizaun (Media Center, Dili); Distribuisaun informasaun kona ba kampanha ba Timor laran tomak. La sama mos hanesan Responsavel Prinsipal ba Vox Populi (diariu CNRT nian ba kampanha Independensia) iha fulan Julhu tinan 1999.

Nia partisipa iha konferensia internasional iha rai barak no sai orador kona ba problema Timor-Leste, Direitus Umanus (DH) iha forum internasional hanesan iha Japaun, Inglaterra, Finlândia, Irlanda, Portugal, Amerika, Canada, Hong Kong no Filipina.

· - Hosi tinan 1999 too 2001, La Sama kontinua fali nian estudu iha Universidade Melbourne, Australia.

· - Iha loron 10 fulan Junho tinan 2001, nia funda Partido Democrático – PD no asumi kargu nu’udar Prezidente Partido Democrático.

· - Iha tinan 2001, iha tempu Governu Konstitusional ba dala uluk (I GC-red), hili nia sai hanesan Vise Ministru Negosius Estranjeirus no Kooperasaun, Vise ba Dr. José Ramos-Horta ne’ebe tutela kargu nu’udar MNEC iha biban neba.

· - Iha fulan Julho tinan 2007 eleitu sai Prezidente Parlamento Nacional liu hosi eleisaun ba Prezidente iha Uma Fukun. Hahu hosi ninian eleisaun ba Prezidente iha Uma Fukun Parlamento Nacional no hanesan Prezidente Parlamento Nacional nu’udar orgaun reprezentativo, to’o ohin loron konsegue garante estabilidade politika iha Uma Fukun ne’ebe mos kontribui ba estabilidade nasinal, konsegue manter funsionamentu normal Parlamento Nacional, konsegue konsolida bloku Aliansa Maioria Parlamentar – AMP, hodi orienta Parlamento Nacional ba dezenvolvimentu nasional, no sempre bolu atensaun ba governu no mos lori membrus Parlamento Nacional hodi tau matan ba povo aileba sira iha zonas izoladas no mos bolu atensaun ba governo atu tau matan ba juventude sira.

· - Iha fulan Fevereiru tinan 2007, liu hosi konferensia nasional Partido Democrático, reprezentantes hosi Distritus hotu-hotu hakotu atu nia nu’udar Prezidente PD hodi konkorre ba Prezidente Republika iha eleisoins prezidensiais, hodi nu’une’e Fernando La Sama de Araújo lori PD no ema rihun ba rihun no grupu oi-oin husi vertentes hotu-hotu nian naran sai destakadu boot hanesan líder jerasaun foun ne’ebe tama iha jogu polítiku iha nível aas iha nasaun ida ne’e. Maibe sirkunstansias ne’ebe ita hotu komprende halo ninian kandidatura la to’o rohan no dikin.

Ninian kandidatura ba PR hetan apoiu makaas hosi sikun hotu-hotu, hanesan hosi juventude, veteranus rezistensia sira, Padres ho Madres balun, hosi komunidade relijiaun minoria balun, estudantes, akademikus no intelektuais, lideres komunitarius, grupus marjinalizadus, no povo Timor ema rihun ba rihun fo nian apoiu ho vizaun ida katak to’o ona tempu atu jerasaun foun kaer ukun no bandu. Hanesan aileba no la’o ain tanan nian oan, Fernando La Sama de Araújo mos hatene terus ne’e oin sa, sinti iha isin lolon oin sa moris iha susar nian laran, povo nian mate fanun ninian konsiensia, atu sai neon na’in hodi tau matan ba nian povo terus na’in sira.

· - Iha fulan Fevereiru tinan 2008 nia asumi kargu nu’udar Prezidente da Republika Interinu depois de Prezidente da Republika Dr. José Ramos-Horta hetan atentadu kontra nia no sofre kanek hodi halo tratamentu iha Australia. Durante nia asumi interinamente knaar nu’udar PR, Fernando La Sama de Araújo hola inisiativa, buka oin sa bele asegura estabilidade politika nasional iha biban ne’ebe Nasaun Timor-Leste hasoru situasaun frajil (estado de sítio) no emerjensia. Buka oin sa atu bele ultrapasa diverjensia boot entre estadu ho grupus armadus sira. Nia ho orgauns soberanu hirak seluk konsege halibur hamutuk hikas PNTL ho F-FDTL hodi tula responsabilidades ba instituisoins rua ne’e atu servi ba povo nian interese hodi servisu no aktua hamutuk iha komandu ida nian okos, hodi hasoru situasoins emerjentes hotu iha rai laran, liu-liu atu buka konvense grupus armadus Alfredo Reinado ho Gastão Salsinha nian.

· - Iha ninian lideransa mos grupo Alfredo Reinado ho Gastão Salsinha entrega sira nian kilat ho nian musan ho material selu-seluk, hodi nu’une’e sira entrega mos sira nian an ba justisa. Tanba, se laos lideransa ida hanesan nia mak atentadu 2008 kontra orgaun sobenarus rua, Prezidente Republika ho Primeiro-Ministro mak estabilidade nasional bele la hetan garantia, ne’ebe bele sobu estabilidade nasional.

Ne’eduni, atu bele asegura estabilidade politika, normal funsionamentu instituisoins estadu nian hotu no estabilidade nasional, tenke iha lideransa ida ne’ebe hatene no sensível ba situasoins hotu, lideransa ida ne’ebe tenke iha ninian integridade fizika no moral hasoru situasoins nee rasik.

Tanba estabilidade nasional ne’e hanesan aliserse ba dezenvolvimentu nasional, mak nia sempre halo esforsu boot atu hametin unidade nasional ne’ebe iha ona, atu lori dezenvolvimentu iha nasaun Timor-Leste la’o ba oin.

· - Agora dadaun La Sama kandidatu Prezidente Repblika ba tinan 2012-2017, ho razaun katak to’o ona tempu ain tanan nian oan servi povu Maubere liu husi Prezidente Republika. No to’o ona tempu La Sama husi Frente Klandestina sai Prezidente Republika. Tanba, ukun no bandu mai husi povu no atu servi ba povu no mos to’o tempu atu foin sa’e sai Prezidente Republika. Husi Frente Armada Xanana Gusmão sai ona Prezidente Republika, husi Frente Diplomatika Ramos-Horta sai ona Prezidente Republika. Agora tempu ona La Sama husi Frente Klandestina sai Prezidente Republika.

· - Maubere Anan La Sama nian mehi atu realiza ideais D. Boaventura nian ne’ebe funu hasoru estranjeiru atu harii ukun no bandu mesak ba rai no povu Timor. Saudozu Nicolau Lobato hamoris hikas ideais D. Boaventura nian ne’e iha tinan 1975 no hatutan husi Xanana Gusmão dezde tinan 1983 to’o 1999. Timor-Leste hetan nian ukun an, legal no lejitimamente hetan rekonhesidu husi Komunidade Internasional iha loron 20 fulan Maio 2002. Iha ukun an nian laran Kay Rala Xanana Gusmão sai Prezidente Republika ba dala uluk iha periodu 2002-2007. Ramos-Horta sai Prezidente Republika ba dala rua iha periodu 2007-2012.

· - Espektativa boot La Sama sai Prezidente Republika ba dala tolu ba periodu 2012-2017, tanba to’o ona tempu atu raan foin sa’e sira kaer volante nasaun nian lori dezenvolvimentu lais liu tan ba oin.

· - La Sama destakadu iha foin sa’e sira nian leet dezde funu hasoru okupasaun, dezde harii organizasaun luta klandestina estudantil iha funu maluk nian rai klaran to’o tama prizaun Cipinang. Maibe, tanba povu Maubere nian kbiit La Sama sai Prezidente Parlamento Nasional hodi lidera ema ho matenek, politiku na’in 65 hodi hametin instituisaun estadu no mos fo garantia ba estabilidade politika no normal funsionamentu instituisoins estadu nian hotu.

· - Ne’eduni La Sama iha ona maturidade politika no sosial naton ona atu kaer knaar PR 2012-2017!

Sem comentários:

Enviar um comentário

Nota: só um membro deste blogue pode publicar um comentário.