VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

sábado, 4 de fevereiro de 2012

Lia Materna: Hau nia komentariu badak konaba artigu Amo Martinho nian

Estanislau Saldanha

Lia Materna: Hau nia komentariu badak konaba artigu Amo Martinho nian.

1. Lia materna atu fasilita aprende konseitu baziku ba labarik sira foin hahu aprende. Nunee materia bele uza husi materia lia seluk, maibe esplika ho lia materna. Labarik sira foin hahu eskola komunikasaun oral mak barak liu, la'os hakerek. Neduni intensaun uza lia materna laos atu sai lia sientifiku. Mesmu nunee lia materna bele mos sai lia sientifiku bainhira dezenvolve didiak. Ita bele hare China, Arabia, India ho Japaun dezevolve siensia iha sira nia lia rasik, nebee inisialmente sai lia materna mos. Maibe ba projetu pilotu laos ida nee mak nia objetivu.

2. La presiza rekruta mestri foun tamba mestri sira nebee iha, hatene lia materna. Nunee sira bele hanorin.

3. Materia nebee iha bele uza dadaun hodi hanorin, naran halo tradusaun oral iha lia materna ba labarik hodi komprende.

4. Sustenbilidade hanorin lia materna? Hau hanoin la problema. Tanba mestri iha ona, rekursu hanorin mos iha tamba uza mestri ho rekursu hanorin nebee iha ona. Pratika iha fatin barak lao ona, so sei sporadik hela.

5. DIT (Dili Institute of Tecnology) la iha fakuldade letra hodi hanorin ho peskiza? Los maibe la absolutu so iha fakuldade letra mak bele kualia konaba implementasaun lia materna. DIT iha sentru estudu linguistika ho eskola superior turismu ho hospitalidade nebee interese atu halo estudu hodi kontribui ba PERSERVA KULTURA ho IDENTIDADE NASIONAL.

6. Lia materna oho labarik sira? Hau hanoin Amu Martinho dramatiza. Lia materna sei la oho labarik sira. Enkontrariu lia materna tulun labarik sira komprende konseitu baziku ho lia seluk lais liu. Labarik sira foin hau eskola sei la aprende konseitu ho fenomena sientifiku nebee avansadu ho komplikadu. Nunee baibain hanorin sira uza metodu hanorin "learning by playing. Estuda ho meius halimar ho".

7. Universidade sira iha Timor-Leste UN (United Nations) mak loke? Hau hanoin Amo Martinho sala, Universidade sira iha Timor-Leste, ita timor mak loke duni, laos UN, sein hare ba nia viabilidade. Nunee mate mesak tanba la liu husi estudu naruk, no viola prinsipiu komum barak harii universidade.

8. Maske nunee, hau aseita Amo Martinho katak debate iha universidade uza metodu sientifiku, laos mutarabu hanesan foin akontese iha auditorium UNTL.

Obrigadu ho hakoak boot.

Sem comentários:

Enviar um comentário

Nota: só um membro deste blogue pode publicar um comentário.