Proklamador RDTL aktual Presidenti partidu ASDT, Avo Xavier tula konfinasa ba Presidenti Parlamentu Nasional Fernando ‘La Sama’ de Araujo atu sai Presidenti Republika Timor Leste nian iha eleisaun Presidensial 2012 agora.
Konfiansa Avo Xavier ne’e hasai, bainhira telfone direitamente ba Presidenti Parlamentu Nasional Fernando ‘La Sama’ de Araujo hodi ba visita nia (Avo Xavier) iha Hospital Nasional Guido Valadares.
Hafoin simu telefone dala rua mai husi Avo Xavier iha Kuarta (11/1), Presidenti Parlamentu Nasional La Sama mos ba kedas Hospital Nasional Guido Valadares (HNGV) hodi koalia ho Avo Xavier no hare direitamente kondisaun Avo Xavier nian ne’ebe oras ne’e baisa hela iha sala VIP, HNGV nian.
Tuir informasaun ne’ebe Jornalista Diario ne’e hetan asesu katak, Avo Xavier tama iha HNGV, iha foin lalais ne’e, tanba kondisaun saude.
Iha loraik tuku 2:00 loraik otl, La Sama simu telefone dala rua husi Avo Xavier, Avo Xavier husu La Sama ba visita nia (Avo Xavier) iha Hospital.
Iha tuku 4:30 loraik otl, La Sama mos sai husi nia servisu fatin Uma Fukun Parlamentu Nasional ho nia kareta tama kedas ba HNGV, los duni, bainhira La Sama to’o iha HNGV, Avo Xavier mos toba hela iha nia fatin HNGV hodi hetan tratamentu husi dotor sira.
La Sama mos hakbesik ba Avo Xavier hodi hakuak no rei, Avo Xavier mos kaer metin La Sama nia liman rua hodi hateten, ‘hau nia konfiansa iha o’.
La Sama mos hatan ba konfiansa Avo Xavier nian ne’e hodi hateten, obrigado Avo, maibe Avo lalika preokupa demais ho politika, Avo tenki deskansa maka barak ho maromak nia tulun, Avo bele rekopera fali lalais.
La Sama mos dehan ba Avo Xavier katak, Avo lalika preokupa demais ho nasaun ne’e nia vida. “Tamba saida maka agora ami halo, ami halo tuir mehi Avo nian, ami lao tuir Avo nia ain fatin. Iha tempu badak ami sei aprova lei rai nian ne’ebe garante direitu povu maubere nian hanesan Avo hakarak,” katak La Sama ba Avo Xavier.
Avo Xavier mos matan ben nakonu bainhira rona liafuan husi La Sama, nune’e Avo Xavier foti sai nia liman inan fo jempol rua ba La Sama.
Avo Xavier koalia lia fuan fila-fila ba La Sama maka, ‘hau nia konfiansa iha o’. La Sama hatan, ‘ami lao tuir Avo nia hakarak no mehi’.
Iha hasoru malu, La Sama ho Avo Xavier promete ba malu atu hasoru malu dala ida tan iha tempu besik. Iha visita Presidenti Parlamentu Nasional La Sama ba Avo Xavier iha HNGV, dada lia kuaje minutu 20 resin.
La Sama hanesan lider jerasaun foun rai Timor Leste i hanesan lider kontinuador ba lider jerasaun tuan ninian, tanba ne’e, lider jerasaun tuan hanesan Avo Xavier mos afirma dadaun ona nia konfiansa ba lider jerasaun foun ne’e atu lidera Timor Leste iha agora no futuru.
Presidenti La Sama rasik koalia dala barak iha publiku katak, hanesan lider jerasaun foun ida, nia sei halao servisu makas no halo esforsu nafatin atu servi rai no povu Timor Leste, tanba povu Timor Leste presisa moris iha paz no estabilidade nia laran i mos povu Timor Leste oras ne’e hakarak moris iha desenvolvimentu ida ke’e diak.
Timor Leste hanesan nasaun foun ne’ebe foin restaura ninia independensia iha tinan 10 nia laran, lider Timor oan hotu-hotu iha responsabilidade moral atu lori rai ida ne’e ba oin nafatin ho diak no tau povu ne’e iha fatin ne’ebe diak katak, moris hakmatek i iha desenvolvimentu.
Iha tempu besik nia laran, Timor Leste sei selebra festa demokrasia, eleisaun Presidensial no Parlamentar, tanba Presidenti PN La Sama mos nudar figura potensial ida ne’ebe sei kompete iha eleisaun Presidensial mai.
Iha parte seluk, tuir informasaun ne’ebe Diario ne’e hetan asesu haktuir katak, iha semana ida ne’e nia laran, La Sama sei visita ba Distritu Aileu tanba hetan konvite husi lider partidus politikus balun, ne’ebe atu afirma sira nia konfiansa no votus ba kandidatura La Sama nian ba eleisaun Presidensial.(das)
Fonte: Jornal Nacional Diário (JND),12.01.2012, pajs.1 e 15!
Konfiansa Avo Xavier ne’e hasai, bainhira telfone direitamente ba Presidenti Parlamentu Nasional Fernando ‘La Sama’ de Araujo hodi ba visita nia (Avo Xavier) iha Hospital Nasional Guido Valadares.
Hafoin simu telefone dala rua mai husi Avo Xavier iha Kuarta (11/1), Presidenti Parlamentu Nasional La Sama mos ba kedas Hospital Nasional Guido Valadares (HNGV) hodi koalia ho Avo Xavier no hare direitamente kondisaun Avo Xavier nian ne’ebe oras ne’e baisa hela iha sala VIP, HNGV nian.
Tuir informasaun ne’ebe Jornalista Diario ne’e hetan asesu katak, Avo Xavier tama iha HNGV, iha foin lalais ne’e, tanba kondisaun saude.
Iha loraik tuku 2:00 loraik otl, La Sama simu telefone dala rua husi Avo Xavier, Avo Xavier husu La Sama ba visita nia (Avo Xavier) iha Hospital.
Iha tuku 4:30 loraik otl, La Sama mos sai husi nia servisu fatin Uma Fukun Parlamentu Nasional ho nia kareta tama kedas ba HNGV, los duni, bainhira La Sama to’o iha HNGV, Avo Xavier mos toba hela iha nia fatin HNGV hodi hetan tratamentu husi dotor sira.
La Sama mos hakbesik ba Avo Xavier hodi hakuak no rei, Avo Xavier mos kaer metin La Sama nia liman rua hodi hateten, ‘hau nia konfiansa iha o’.
La Sama mos hatan ba konfiansa Avo Xavier nian ne’e hodi hateten, obrigado Avo, maibe Avo lalika preokupa demais ho politika, Avo tenki deskansa maka barak ho maromak nia tulun, Avo bele rekopera fali lalais.
La Sama mos dehan ba Avo Xavier katak, Avo lalika preokupa demais ho nasaun ne’e nia vida. “Tamba saida maka agora ami halo, ami halo tuir mehi Avo nian, ami lao tuir Avo nia ain fatin. Iha tempu badak ami sei aprova lei rai nian ne’ebe garante direitu povu maubere nian hanesan Avo hakarak,” katak La Sama ba Avo Xavier.
Avo Xavier mos matan ben nakonu bainhira rona liafuan husi La Sama, nune’e Avo Xavier foti sai nia liman inan fo jempol rua ba La Sama.
Avo Xavier koalia lia fuan fila-fila ba La Sama maka, ‘hau nia konfiansa iha o’. La Sama hatan, ‘ami lao tuir Avo nia hakarak no mehi’.
Iha hasoru malu, La Sama ho Avo Xavier promete ba malu atu hasoru malu dala ida tan iha tempu besik. Iha visita Presidenti Parlamentu Nasional La Sama ba Avo Xavier iha HNGV, dada lia kuaje minutu 20 resin.
La Sama hanesan lider jerasaun foun rai Timor Leste i hanesan lider kontinuador ba lider jerasaun tuan ninian, tanba ne’e, lider jerasaun tuan hanesan Avo Xavier mos afirma dadaun ona nia konfiansa ba lider jerasaun foun ne’e atu lidera Timor Leste iha agora no futuru.
Presidenti La Sama rasik koalia dala barak iha publiku katak, hanesan lider jerasaun foun ida, nia sei halao servisu makas no halo esforsu nafatin atu servi rai no povu Timor Leste, tanba povu Timor Leste presisa moris iha paz no estabilidade nia laran i mos povu Timor Leste oras ne’e hakarak moris iha desenvolvimentu ida ke’e diak.
Timor Leste hanesan nasaun foun ne’ebe foin restaura ninia independensia iha tinan 10 nia laran, lider Timor oan hotu-hotu iha responsabilidade moral atu lori rai ida ne’e ba oin nafatin ho diak no tau povu ne’e iha fatin ne’ebe diak katak, moris hakmatek i iha desenvolvimentu.
Iha tempu besik nia laran, Timor Leste sei selebra festa demokrasia, eleisaun Presidensial no Parlamentar, tanba Presidenti PN La Sama mos nudar figura potensial ida ne’ebe sei kompete iha eleisaun Presidensial mai.
Iha parte seluk, tuir informasaun ne’ebe Diario ne’e hetan asesu haktuir katak, iha semana ida ne’e nia laran, La Sama sei visita ba Distritu Aileu tanba hetan konvite husi lider partidus politikus balun, ne’ebe atu afirma sira nia konfiansa no votus ba kandidatura La Sama nian ba eleisaun Presidensial.(das)
Fonte: Jornal Nacional Diário (JND),12.01.2012, pajs.1 e 15!
Sem comentários:
Enviar um comentário
Nota: só um membro deste blogue pode publicar um comentário.