VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 4 de dezembro de 2011

Congresso Partido Democratico

Congresso Partido Democratico

Durante loron haat nia laran, 1-4 Dez, Partido Democratico hala'o ninia Congresso ba da-II. PD halo Ginasio ka GMT azul tomak hosi laran ba liur. Militantes PD hamutuk rihun hitu resin maka tuir Congresso ne'e.

Iha Congresso ne PD la'os deit diskuti Estatuto Organico, maibe halo mós deklarasaun hodi apoia kandidatu La Sama, prezidente PD nian ba Prezidente Republika.

Hosi Congresso ne'e PD halo mós eleisoens ba Conselho Politiku Nasional (CPN) no Orgão Executivo partido nian. Membros CPN ne'ebé hamutuk 87 hili ona Antonio da Conceição ba Prezidente CPN nian no Aquelino Fraga ba Vise Prezidente CPN.

Enkuantu Orgão Executivo nian, ne'ebé aprezenta lista hamutuk pakote 5, lista B sai nuudar vencedor ho votos hamutuk 2.043. Lista B ne'e composto hosi: Fernando La Sama de Araujo (Prezidente), Adriano do Nascimento (Vise Presid 1), Jose Buras Nominando (Vise-Presid 2, João Boavida (Vise Presid 3), Lurdes Bessa (Vise-Presid 4), Mariano Sabino Assanami (Secretario-Geral), Samuel Mendonça (Vise-Sec-Geral 1), Francisco Boro-Laco Soares (Vise-Sec-Geral 2), Eusebio Guterres (Vise-Sec-Geral 3) no Mario de Araujo (Vise Sec-Geral 4).

Prezidente Jose Ramos Horta, la'os marka deit presença iha abertura maibe mos iha encerramento congresso nian. Primeiro Ministro Xanana Gusmão mos marka presença iha encerramento congresso PD nian.

Sani tan notisia seluk:

Sem comentários:

Enviar um comentário

Nota: só um membro deste blogue pode publicar um comentário.