2a. Onda Resistensia Hasoru Secratario Geral FRETILIN

Husi: Vicente Maubocy

Abstract:

Politica hanesan matenek nain sira dehan liu liu Sr. Bismark husi Germany altura ida iha sira nia Parlamento afirma katak “ the art of possible” Sun Yat Cheng husi China (filosofo) mos dehan iha nia palestra nune: “ lider ida excelente, hanesan artista ida ho kapasidade imaginasaun no kreativa hodi halo ai sanak ka pedasuk sa deit: kik, bot, naruk, badak, kleuk sira, ka ai sira nebe ema soe ona, tranforma tal forma, objecto valor artistic no komercial “. Iha mos kata-kata mutiara Indonesia nian dehan nune: “ ¹Hati yang tulus membawah banyak persahabatan “ ² hati yang gembira membawa kebahagian ” ³ hati yang licik membawa banyak permasalahan dan musuh”. Katuas, lia nain Timor sira mos iha lia fuan murak liu husi sira experiencias dehan nune: “ ukun nain sira nebe diak, hare han, hahan nebe iha bikan laran, iha meza leten husi ba povo sira. Iha dapur husik ba sira nebe prepara hahan no ruin sira fo ba assu sira nebe hein uma” se kan ten demais, harak hotu ema seluk nian entaun, o sei iha inimigo barak.

Husi referensias tolu nebe ilustra iha kotuk Ita hotu iha opiniaun hanesan katak DR. Mari Alkatiri “ (1) la os artista diak ida iha politica ka lider ida excelente. Tan ne, maka halo deit problemas oi-oin desde assume cargo Sec. Geral no Primeiro Ministro, (2) DR. Mari nia fuan nakuno ho manipulasoens no manobras ba nia konveniencia pessoal uza FRETILIN hanesan “ escudo “ atu protégé nia interesses.

Lia menon husi katuas lia nain no ukun nain sira iha tempo uluk, mos sai hanesan referensia ida atu ukun nain sira sukat sira nia ambisoens. “han buat nebe iha o nia bikan laran. Hahan nebe iha meza leten husik ba povo sira o ukun. Se o han hotu, povo hirus no revolta hasoru o”.

Tanba DR. Mari la “satisfeito han deit nia bikan laran, raut mos iha meza no dapur hotu maka militante FRETILIN sira hirus no revolta “ hahu husi Grupo FRETILIN Mudansa. Oras ne da-daun mossu revolta husi OJETIL liderado husi Gregorio Saldanha.

1^a Onda Resistencia:

Resistencia ka oposisaun hasoru DR. Mari Alkatiri nia lideransa iha FRETILIN hahu iha Fevereiro 2003 husi Grupo Renovador husi membros CCF 20 nebe hato preokupasoens barak kona ba deskontentamentos husi kuadros no militantes sira depois FRETILIN manang eleisaun ba Assembleia Constituinte 30 Agosto 2001. Depois Vitoria FRETILIN, DR Mari ba PM, forma Governo sem minima konsulta ho Comisaun Permanente (CP) nem ho Comite Central (CC). DR Mari Alkatiri haluhan kompletamente katak Vitoria FRETILIN produto kuadros barak nia esforsos, la os husi Mari ho nia grupo mafia husi Maputo. Iha faze Restruturasaun Nacional akolitos Mari nian husi Maputo nem tun ba iha base halo servisu durante fulan 10. Kuadros barak nebe ses an ona husi Mari hanesan : Abel Larisina, Cordenador Nasional Restruturasaun, Vitor da Costa (Cordenador Nasional Distrito Lautem) Vicente Maubocy (CN Distrito Baukau+ saudoso Francisco Bere) Afonso Rangel (CN Distrito Vikeke) Reis Kadalak (CN Distrito Dili) Inacio Pires (CN Distrito Covalima). Cumulo vergonha durante period Restruturasaun Nasional, liu-liu iha Baukau, DR Mari Alkatiri nem seker fo doit metan ida (testemunhas barak bele komprova). Cordenador Nasional mak halo despezas hotu ho nia ossan rasik to hetan Vitoria 82% iha Baukau. Ho rezultado ne, record as liu husi Distrito Baucau kompara ho Distritos seluk-seluk.

Tanba injustisas, refere liu-liu la valoriza, ka la fo merito ba kuadros no militantes sira nia prestasaun maka Grupo Renovador hamrik. Ema nebe servisu ba Partido nia Vitoria la fo valor ka atensuan, fo fali atensaun ba ema seluk nebe nem seker lakon nia tempo nia esforso ka ossan ruma ba Vitoria FRETILIN iha eleisaun 2001 (Agosto). Hau refere ba Arsenio Bano ho Jose Teixeira nebe la hare sira nia lalatak altura neba.

Tanba DR. Mari ho ambisaun bot personalize FRETILIN hanesan PT Unipessoal Mari Alkatiri nian maka 1^a Onda Resistencia mossu kulmina ho crise 2006 nebe DR. Mari tauk lakon iha eleisaun, lori kilat ba Congresso laran no “inventa eleisaun foti liman” atu sekunda nia Vitoria ba segundo mandato hanesan Secretario Geral.

Esforsus hotu-hotu halo husi 2007 to ohin loron atu bele Rekonsilia diferensas entre Grupo F Mudansa ho DR. Alkatiri. Maske Presidente Lu Olo ho seluk-seluk iha preokupasaun bot atu halibur fali militantes namakari, maibe DR. Alkatiri ulun tos, la iha vontade atu buka solusaun, nune inflexivel nafatin to ohin loron.

Komo DR.Alkatiri transforma tiha ona FRETILIN hanesan nia asset privado, dalan Grupo FRETILIN Mudansa taka hotu remata, alternativa nebe lideransa FM hanoin diak liu maka “hari Partido mesak ” nune bele hasai votos husi Mari Alkatiri iha eleisaun 2012.

Kata2 mutiara nebe dehan “ hati yang licik membwa permasalahan, permusuhan dan kehancuran” ne los duni tanba lia fuan hirak ne produto husi experiencias rasik nebe han tempo naruk.

Buat ida hau la komprende, Sr. Mari Alkatiri ema ida matenek iha gelar DR, husi Universidade Eduardo Mondlane (Mosambike) hasai kurso Direito, hanorin iha Universidade altura sei hela iha Mosambike fila fali mai TL eleito Secretario Geral Partido Historico, 2002 Maio sai Primeiro Ministro 1o Governo Constitucional, figura ida conhecida iha forum Regional, Mundial no circulo países Musulmanos, la ganha ona consciencia atu hadia nia postura politica pelo menos sai “simpatico” iha Partido laran.

Hare ba “track record” percursso politico, primeiro desafio politico DR. Mari hasoru Xanana, DR hetan “derrota bot” nebe resulta nia resignasaun iha 26 Junho 2006. Embora orchestra crise 2006 ho tentativa atu manang eleisaun 2007 mos DR. Mari hetan tan “derrotas 2 konsekutivas” Presidencial no Legislativa.

Internalmente husi Partido, embora DR. Mari re-eleito ba segundo mandato hanesan Secretario Geral, (Congresso Maio 2006) hanesan meios ida atu assegura nia posisaun ba futuro Governo iha 2007, hodi inventa eleisaun foti lima atu ilimina Grupo FRETILIN Mudansamos iha II Congresso, mai be meta principal DR. Mari maka FRETILIN manang eleisaun Prisendensial ho Legislativa fasilmente tanba Mari deit maka resigna mai be makina partido nian kompleto iha governo hodi uza fasilidades hotu-hotu hanesan ossan, projectos, kareta, kombustivel no buat seluk seluk tan iha sira nia alkanse atu assegura Vitoria maioria absoluta iha eleisaun.

Dezastre bot maka mossu FRETILIN manang deit ho maioria simples presiza Aliansa Parlamentar. Komo DR. Mari kria deit inimigos maka barak ,la konssegue forma Aliansa Parlamentar, i oportunidade monu ba Xanana hodi forma AMP nune hodi governa to mandato remata durante tinan 5 ba eleisaun foun.

Tentativas atu “abandona Parlamento + Marcha da Paz no sst atu hatun governo AMP sai hanesan propagandas baratas folin la iha, tanba realidade la mossu to ohin loron “nem um nem outro”. Nune ita hotu bele fo brand name ba DR. Mari Alkatiri hanesan “great manipulator politician” in Timor Leste. Ho lia fuan Tetum DR. Mari Alkatiri politico ida “bosok ten bot” lohi povo, kari rai raun ba militantes sira nia matan.

Manobra iha II no III Congressu FRETILIN

Lia fuan Congresso significa katak “halibur”. Procedimento tuir regras maka halo uluk Conferensia Distritais hili nia delegados sira, maka mai tuir Congresso iha nivel nasional hodi hili orgauns Centrais no Diresaun Nasional inklui Presidente no Secretario Geral.

Congressu tuir regra “ orgaun maximo” organizasaun nebe deit, formal ka non-formal. Metodo de votasaun iha nebe deit “ livre, direto no secreto”.

Mai be iha FRETILIN DR. Mari fabrika metodo foun rua. Foti Liman iha II Congresso, iha III Congresso halo uluk tiha fali eleisaun direta ba Presisente ho Secretario Geral ho pakote ida maka uluk no Congresso ikus, atu ligitima deit sira rua nia kargo. Acontecimento ne komico duni hanesan “ tau karossa ba kuda nia oin” oin sa karossa bele dada kuda? Tuir regra tau karossa kuda nia kotuk hodi dada.

Metodo hili Presidente ho Secretario Geral maka uluk, pior liu tan la iha Pakote seluk atu compete, ida ne, claramente “absurd non sense” .DR Mari por favor Timor oan barak maka matenek liu ona ita bot hau bele garante. Para halo asneiras politicas bei-beik. Keta hanoin mentalidade politicaTimor oan hotu estagnado hela hanesan 1975. Percepsaun stereotype errada ida ne maka iha ita bot sira hanoin 24 anos iha diaspora, katak imi nebe hela iha estrangeiro uniko possuidores “ciencia no sabedoria” Formados Timor oan sira la iha folin. Nune maka ita bot Mari Alkatiri cinicamente difama formados Indonesio ho alcunha “Sarjanas Supermi´”.

Manipulsaun DR. Alkatiri ba III Congresso

La os novidade ona, ba Timor oan sira hotu nebe akompanha politica, manobras hotu-hotu DR. Mari pratika ho alvo ba assesu ba poder politico iha Partido no Governo. Entaun nia buka ka estuda formas hotu-hotu hodi halo design modelu ida nebe apropriado ba nia interresses politicos. Nune iha II Congresso eleisaun foti liman hanesan instrument ida ne uza atu atinge nia meta politica. Tuir Estatuto tuan fo limete Presidente ho Secretario Geral ba period rua.

Maibe iha 2011 DR. Mari ciente katak adversarios barak, mesmo ke uza foti liman mos la fo vantangem, entaun buka modelo ida nebe taka dalan ba kuadros seluk fo deit vantage nia (tabele) ba Lu Olo. Nune inventa tan metodo “ eleisaun direta” absolutamente livre husi kompetisaun antes Congresso.

Ho eleisaun diresaun Partido maka uluk, significa katak dual Mari –Lu Olo maka orgaun maximo iha Partido, Congresso iha segundo lugar. CCF kbit no forsa laek kompletamente.

Objetivo eleisaun direta maka saida?

Hakerek nain buka interpreta, examina, analiza, investiga, fragmentos ka particulas ideias DR. Mari nian tau hamutk hodi halo inferencia logica atu hatene substancias elisaun directa nian ba to iha nebe? Depois investigasaun ida exaustiva uza metodo “regression analyses” no metodos seluk husi teoria probalidades hodi testing “hypothyses” konklusaun maka pontos relevantes tuir mai ne:

1. Mari Alkatiri pertence husi “minoria ethnica religioza” hakarak hatudo nia “hegemonia pessoal” forti liu, kompara ho lider popular balu Timor oan. Uza FRETILIN hanesan kortina hatudo mos ba mundo Arabe katak nia “hebat” duni;
2. Hanesan “test case” atu sukat FRETILIN nia forsa to iha nebe, nune bele anuncia sira nia kandidato ba Presidente da Republica no eleisaun Parlamentar tinan oin;
3. Hatudo ba opositores sira katak nia sempre matenek buka dalan hotu-hotu atu hetan legitimidade formal embora viola regras;
4. Pretende konsolida nia poder absolute iha Partido liu husi eleisaun direta.Atu hatudo mos katak Mari hetan legitimidade poder diretamente husi militantes sira.

Mari Alkatiri genuinamente hadomi FRETILIN?

Ho manobras + manipulasoens uza formas oi-oin, nebe DR Alkatiri halo iha palko politico uza FRETILIN hanesan vanguarda, desde DR.Mari fila fali husi Mosambikeke to ohin loron, ita hotu asiste Mari Alkatiri nia arrogancia politica, hodi kria konflitos iha Patido laran, ho Xanana, Igreja Katolika, sociedade sivil no sst; sassan hirak ne hatudo ba FRETILIN oan sira saida los?

Baseia ba tese katak Mari Alkatiri hadomi FRETILIN. Tan sa maka Mari Alkatiri kria konflitos ho kuadros sira iha Partido laran? Tan sa maka Mari Alkatiri la iha vontade minima atu resolve diferensas ka kontradisoens internas iha Partido? Tan sa maka Mari Alkatiri la buka solusaun atu Partido FRETILIN sai forti liu tan? Tan sa maka Mari Alkatiri konstantemente marginaliza kuadros ka figuras relevantes iha Partido laran? Tan sa maka Mari Alkatiri la valoriza combatentes + klandestina sira? Feto faluk no oan kiak sira?

Realidade hatudo ho evidensias barak katak Mari Alkatiri halo FRETILIN tuir nia “gosto no prazer” no transforma FRETILIN hanesan asset privado. La iha duvidas ba ema hotu, katak “ FRETILIN maka Mari Alkatiri no vice versa”.

Ambisaun bot Mari Alkatiri nian iha nebe?

Ambisaun bot Mari Alkatiri maka “focus ba riko soin Timor Gap”. Tanba iha Timor Gap, iha gas no oil barak nebe iha valor billion dollar. Alkatiri iha mehi bot atu sai hanesan “Sultan bot Timor Leste” Mari Alkatiri ema ida vaidoso no orgulhoso, iha ambisaun bot hatudo mundo katak, “musulmano ida” iha inteligensia no forsa politica “domina” main stream Timor oan. Mari Alkatiri nia “mind set” konsentra liu liu ba “ossan bot” husi oil and gas iha Timor Sea.

Nune ita hotu hatene mo-mos katak Mari Alkatiri la hadomi FRETILIN. Uza FRETILIN oin sa, maka bele hetan poder politico hodi “ kontrola” asset minerais iha Timor Sea. Pratikamente Mari Alkatiri la iha intensaun minima hadomi Povo Timor Leste. Se hadomi karik “crise 2006” nebe halo Timor oan 150 000 hela iha lona okos. Ema barak mate no sasan barak destruido,Kilat la tama iha II Congresso Maio 2006; FRETILIN oan sira la namakari.

Tanba Mari nia “hati licik” foer no metan” maka halo konfusaun barak hodi mossu revoltas no oposisaun barak hasoru Mari Alkatiri.

2a Onda Resistencia

Mari Alaktiri nia feitio ba poder politico autentico hanesan nia maluk sira ,husi North ho South Yeman utiliza sistema autoritario absoluta atu garante sira nia permanencia iha poder ba tempo naruk hodi subjuga povo sira. Hare ba espasu tempo, Mari Alkatiri okupa posisaun Sec Geral ba period tolu nebe ekivalente ba 15 anos. Mari hanoin defenitivamente FRETILIN nia “kusta” presiza tempo atu prepara nian oan ida maka troka nia. Se lae Mari Alkatiri okupa kargo SG to mate.

Hanesan mos Mari nia familares sira iha Yeman, embora ema mate barak ona atu hatun regime Presidente Abdullah nebe ukun ona + tinan 30 kontinua resiste ba forsas democraticas nebe hakarak halo mudansas politicas. Nune kompara DR. Mari nia karacter ka komportamento politico ho Monarkas ditadores iha nasaun Arabe, la iha diferensa, puramente semelhantes.

Oposisaun nebe OJETIL halo hasorun DR. Mari,nia konteudo hanesan Grupo FRETILIN Mudansa halo iha tempo kotuk. Violasaun Estatutos, la valoriza Jovens 12 Novembro nia sacrificios, veteranos sira, klandestina, propositadamente buka marginaliza kombatentes sira nia dedikasaun ba grandeza FRETILIN iha tempo Resistencia nia laran.

DR.Mari halo jogadas sira ne hotu, atu marginaliza figuras relevantes iha FRETILIN nia laran nune Mari Alkatiri maka patraun bot iha FRETILIN. Mari Alkatiri mesak deit maka uniko Fundador sobrevivente, Mari Alkatiri maka fundador FALINTIL, Mari Alkatiri maka author Contra Golpe, Fundador UNETIM, Mari Al katiri maka Fundador OPMT, OPJT no sst. Tuir realidade iha testemunhas barak sei moris no hatene katak 99% mesak bosok deit.

Desafio hasoru Mari maka saida?

Mari Alkatiri nia radikalismo politico sai hanesan assunto preokupante ba ema hotu iha Timor laran. La os husi kuadros no militantes FRETILIN nian mai be afeta mos ba sociedade civil, Igreja Catolika no Partidos politicos. Ema ida ho character “assasino” hanesan Sadan Hussein, Kadafi, Pol Pot, Edi Amin, maka ukun fali Timor, ran hira maka presiza fakar fali atu kombate ditador nia ambisaun. Crise 2006 Mari Alkatiri hanesan “Pilatos fasse liman”. Halai ses husi responsabilidade hanesan Chefe do Governo.

Atu hatun Mari ka (discharge) husi poder iha Partido FRETILIN iha opsaun hira maka bele adopta:

1. Halibur militantes sira demonstrasaun iha nia uma, fulan ida husi nia resignasaun imediata; Nune Deputados, membros CCF, dirigentes husi OJETIL Cordenadores 13 Distritos tenki involve activamente. Opsaun ida ne, radikal tanba Mari mos iha karacter radikal;
2. Atu hatun Mari husi estrutura Partido nian, ema hotu-hotu deskontente ho Mari, halibur aan iha orgaun ida nia okos, nune altura eleisaun fo votos ba Partido seluk nebe iha afinidade ho opositores sira nia hakarak ou halo acordo ida. Servisu ida ne, tenki hahu lalais ona. La os facil. Preciza elabora conceptual plan detalhado ho conteudo nebe relevantes, ho provas, evidencias katak Mari Alkatiri, maka “estraga FRETILIN”. Hodi marginaliza ema barak ses husi FRETILIN. FRETILIN ida Resistencia ita hotu nian. FRETILIN ida ohin loron Mari nian. Tenki mos iha grupo ida hodi halo analise, no investiga Mari Alkatiri nia fragilidade, frakassos, pontos fortes, nune elabora estrategias atu derrota Mari.

   Opsaun ida ne, +moderado, politico diplomatic atu hatudo ba Mari katak I “ita bele duni” matenek duni, lori kakutak maka joga hodi hatun Mari”.

Hau iha certeza absoluta iha eleisaun 2012 FRETILIN hetan 10 kadeiras ka menus liu iha Parlamento, hakfodak mai Mari Alkatiri halai lakon tiha ona husi Timor Leste .

Indikadores husi eleisaun direta iha 30 Agosto hatudo ona sinal diak. Dados nebe fo sai ofisialmente hatudo 150 000 votantes . Assume katak numero ida fixo por enkuanto. Korela ho STAE nia dados numero votantes ba eleisaun 2012 650,000. Nune threshold Parliament ekivale kadeira 10 000 votantes. Baseia ba referencia ida ne FRETILIN hetan kadeiras iha Parlamento Nasional 15 kadeiras.

Se karik numero ida 150 000 la los, valido deit maka 50% entaun numero kadeiras tun mai 7 ka 8. Kuando to altura eleisaun maka Partidos seluk hato programa diak kapta simpatia entaun FRETILIN la iha duvidas hetan kadeiras iha Parlamento inferior 10 kadeiras.

Factos hatudo katak DR.Mari nia arrogancia halo ema barak deskontentes. Eleisun 2007 + 100 000 votantes vota ba partido seluk, embora FRETILIN kaer poder hela, ossan barak no fasilidades oi-oin hodi suporta. Por azar, sorte ne semu ona ba Xanana.

Hau tauk deit maka eleisaun 2012 100 000 votantes ka metade , maka halai sai tan husi FRETILIN. Entaun uma laran mamuk duni “ tamatlah riwayat politic Mari Alkatiri”

La iha dalan seluk hasai Mari husi FRETILIN a não ser hatun votos “ la vota ba FRETILIN”.

“Tanba vota ba FRETILIN vota ba Mari Alkatiri “

Bainhira Mari Alkatiri isolado kompletamente ona husi estrutura Partido, entaun iha ona espasu, oportunidade atu koalia, diskuti hodi hetan konsensu, “oin sa halo FRETILIN nia naran moring fali” ba oin.